Валожынскі раённы
выканаўчы камітэт

Пажылыя людзі часта сутыкаюцца з кагнітыўнымі парушэннямі, якія праяўляюцца ў выглядзе зніжэння канцэнтрацыі ўвагі, забыцця, дэзарыентацыі ў прасторы і гэтак далей. Такія парушэнні ў пажылых людзей патрабуюць дапамогі блізкіх людзей, а таксама цярпення, спагады, падтрымкі, якіх не заўседы хапае ў сваякоў пажылых людзей з-за стомленасці і паўсядзённых праблем.

Але выйсце ёсць. У мэтах сацыяльнай падтрымкі пажылых грамадзян і інвалідаў у 2021 годзе ў дзяржаўнай ўстанове “Валожынскі тэрытарыяльны цэнтр сацыяльнага абслугоўвання насельніцтва” у пералік паслуг уведзена паслуга дзённага догляду.

Паслуга дзённага догляду аказваецца грамадзянам пры прадстаўленні медыцынскай даведкі аб стане здароўя грамадзяніна, якая змяшчае інфармацыю аб наяўнасці медыцынскіх паказанняў (абмежаванне здольнасці кантраляваць свае паводзіны) і адсутнасці медыцынскіх супрацьпаказанняў для аказання сацыяльнай паслугі.

Дадзеная паслуга аказваецца грамадзянам аддзяленнем сацыяльнай дапамогі на дому – у хатніх умовах (на даму ў грамадзян) і аддзяленнем дзённага знаходжання для пажылых грамадзян – у цэнтры. Паслуга платная.

Калі Вы жадаеце атрымаць паслугу дзённага догляду, званіце, прыходзьце, мы будзем рады супрацоўніцтву!

Дзяржаўная ўстанова “Валожынскі тэрытарыяльны цэнтр сацыяльнага абслугоўвання насельніцтва” знаходзiцца па адрасе: г.Валожын, вул.Міру, д.8, тэл.68-1-05, 68-0-75, 69-1-62

Таццяна Ярота

загадчык аддзялення сацыяльнай дапамогі на даму

 ДУ “Валожынскі ТЦСАН”

valozhin.by

Конкурс праводзіцца з мэтай стымулявання прафесійнага росту педагогаў установы адукацыі;

стварэння агульнадаступнага банка метадычных распрацовак антынаркатычнага зместу.

Задачы конкурсу:

1. прыцягненне ўвагі грамадскасці да праблемы распаўсюджвання наркотыкаў і ВІЧ/СНІД;

2. распаўсюджванне нагляднай агітацыі па антынаркатычным выхаванні і прафілактыцы праблем ВІЧ/СНІД;

3. стварэнне ўмоў для творчага самараскрыцця педагогаў

"Плакат"

"Малюнак"

"Сацыяльны ролік"

З надыходам зімы казачным чынам пераўтворыцца чытальная зала Валожынскай дзіцячай бібліятэкі.

Кожны год мы стараемся прыдумаць нешта новае для нашых чытачоў... 

І першымі, хто трапіў у атмасферу чараўніцтва і выдатнага настрою, былі выхаванцы ЦКРНіР, іх выхавальнікі і бацькі. Хлопцы з радасцю фатаграфаваліся ля каміна, з цікавасцю разглядалі святочныя кніжныя выставы, пілі гарбату з прысмакамі, глядзелі вясёлыя мультфільмы.

Вельмі спадзяёмся, што дзеці будуць нават праз час з цеплынёй успамінаць кранальныя хвіліны і прыемныя эмоцыі ад наведвання нашай бібліятэкі.

9 снежня 2022 года на базе дзяржаўнай установы адукацыі «Сярэдняя школа №2 г. Валожына» адбыўся чарговы тэлемост паміж гарадамі-пабрацімамі Валожынам (Рэспубліка Беларусь) і Арзамасам (Расія).

На сустрэчы прысутнічалі педагогі і навучэнцы кадэцкіх класаў сярэдняй школы №12 імя адмірала флоту А.I. Сарокіна г. Арзамаса і педагогі, навучэнцы 5 «А» класа сярэдняй школы № 2 г. Валожына.

Дадзенае мерапрыемства прайшло пад назвай «Масты дружбы» і гэта сімвалічна. Тэлемост - гэта духоўная, культурная, інтэлектуальная і сацыяльная сувязь двух брацкіх народаў. Сустрэча прымеркавана праблеме выхавання ў падрастаючага пакалення любові да свайго народа, яго гістарычнага мінулага, культуры і духоўных традыцый.

13 снежня з 9.00 да 11.00 «прамую тэлефонную лінію» па пытаннях насычэння спажывецкага рынку і цэнаўтварэння будзе праводзіць начальнік аддзела эканомікі Валожынскага райвыканкама Алена Іванаўна САДАЎСКАЯ 8 (01772) 55-0-00

У рамках дапрофільнай падрыхтоўкі і ў мэтах медыцынскай прафесійнай арыентацыі навучэнцаў 6 снежня 2022 года адбылася экскурсія для навучэнцаў 8-9 класаў гімназіі №1 горада Валожына
у Валожынскую цэнтральную раённую бальніцу, падчас якой навучэнцы пабывалі ў розных кабінетах, сустрэліся са спецыялістамі, даведаліся шмат новага аб прафесіях медыцынскага профілю.

Мэта экскурсіі - даць школьнікам аб'ектыўнае ўяўленне аб сістэме аховы здароўя і медыцынскіх прафесіях, пагрузіць навучэнцаў у медыцынскую сераду, пазнаёміць бліжэй са спецыфікай працы ў бальніцах.

Уражанні, атрыманыя ў гэты дзень, дапамогуць зразумець, ці цікава дзецям медыцына, ці хочуць яны абраць яе ў якасці будучай прафесіі, у якой выпадковым людзям не месца, і якая заўсёды будзе запатрабавана на рынку працы, так як гэта «катэгорыя вечная».

Удасканаленне сістэмы ЖКГ Мінскай вобласці абмеркавалі ў Мінаблвыканкаме. Аб гэтым БЕЛТА паведамілі ў прэс-службе Мінаблвыканкама.

У пяцігадовай праграме Саюзкамгідрамета на 2023-2027 гады будуць распрацаваны новыя метады прагназавання, якія дапамогуць зрабіць прагноз надвор'я больш дакладным. Аб гэтым журналістам расказаў кіраўнік Расгідрамета Ігар Шумакоў у час 74-га пасяджэння сумеснай калегіі Камітэта Саюзнай дзяржавы па гідраметэаралогіі і маніторынгу навакольнага асяроддзя, што праходзіць 7 снежня ў Магілёве, перадае карэспандэнт БЕЛТА.

7 снежня навучэнцы 10 класа сярэдняй школы №1 г.Валожына наведалі Івянецкі філіял найстарэйшага прадпрыемства Рэспублікі Беларусь, заснаванага ў 1905 годзе, ААТ «Кандытарская фабрыка «Слодыч». Хлопцы пазнаёміліся з гісторыяй, арганізацыяй вытворчасці, з асартыментам прадукцыі.

Экскурсія працягнулася знаёмствам з культурай, традыцыямі, побытам беларусаў-землякоў у Івянецкім музеі традыцыйнай культуры.

Крыніца: school1.volozhin-edu.gov.by

У межах дабрачыннага фестывалю-марафону «Крылы Анёла» ў ДУА «Сярэдняя школа №1 г. Валожына» стартаваў Тыдзень духоўнасці і добрых спраў «Спяшаецеся рабіць дабро».

Мэта мерапрыемстваў Тыдня: далучэнне навучэнцаў да хрысціянскіх, духоўна-маральных каштоўнасцяў, актывізацыя пазітыўных, гарманічных адносін да сацыяльнага свету дарослых і аднагодкаў, да навакольнага асяроддзі, фарміраванне грамадзянскай самасвядомасці.

30 лістапада пра сям'ю, як захавальніцу хрысціянскіх і духоўна-маральных каштоўнасцяў і традыцый, казалі, разважалі, слухалі на адкрытым факультатыўным занятку навучэнцы 10 «А» класа школы разам з гасцямі: настаяцелем прыхода храма святых роўнаапостальных Канстанціна і Алены протаіерэем Дзмітрыем Агіевічам і матушкай храма Пакрова Прасвятой Багародзіцы Лінкевіч Ганнай – мамай семярых дзяцей.

1 снежня прайшла акцыя па прафілактыцы ВІЧ/СНІД «Падумай пра дарослае жыццё».

2 снежня навучэнцы аб'яднання па інтарэсах «Новае пакаленне» разам з навучэнцамі малодшых класаў стварылі інтэрактыўны плакат пажаданняў «Дабру адкрыюцца сэрцы».

У шосты школьны дзень сярод навучэнцаў 5-х класаў прайшоў фестываль дружбы народаў «Мы розныя, але мы разам». Былі касцюмы, гульні, міні-віктарыны, гучалі вершы і песні. Атрымалася сапраўднае свята дружбы, аб'яднання, згоды, талерантнасці і проста добрага настрою.

Таксама вучні наведалі выставу ў раённым краязнаўчым музеі, прысвечаную 152-годдзю з дня нараджэння мастака, грамадскага дзеяча Фердынанда Рушчыца, малодшыя школьнікі сталі ўдзельнікамі калектыўнага справы «Жыццё дадзена на добрыя справы». Навучэнцы 4-х класаў у ходзе гульнявой праграмы пераканалі ўсіх, што ад усмешкі хмурны дзень святлей.

6 снежня навучэнцы 8 «А» класа разам з класным кіраўніком Косік В.Ю. прынялі ўдзел у абласным чэленджы #85добрых делМинщине. Хлопцы правялі для выхаванцаў Валожынскага ЦКРНіР інтэрактыўную творчую справу, падарыўшы ім пазітыўныя эмоцыі і адчуванне свята. Разам усё магчыма!

7 снежня навучэнцы аб'яднання па інтарэсах «Пправаслаўнае краязнаўства» наведалі выставу «Святасць зямлі беларускай», прысвечаную памяці Мітрапаліта Філарэта.

З навучэнцамі 9, 11 класаў прайшла сустрэча з урачом-гінеколагам Валожынскай ЦРБ Варыга Наталляй Вайцяхоўнай, якая выступіла з актуальнай і важнай на сённяшні дзень тэмай «Шляхі распаўсюджвання ВІЧ-інфекцыі». Наталля Вайцяхоўна распавяла навучэнцам пра важнасць захавання простых прафілактычных мерапрыемстваў (правілаў), каб перасцерагчы сябе ад заражэння, а таксама пра важнасць талератнага стаўлення да ВІЧ-інфекваных хворых.

Крыніца: school1.volozhin-edu.gov.by