1 ліпеня ўдзельнікі народнага літаратурна-мастацкага аб’яднання “Рунь”, што працуе пры Валожынскім раённым цэнтры культуры, наведалі дзіцячы аздараўленчы лагер “Вясёлка” у Гародзьках.
На сустрэчы з дзецьмі пабывалі кіраўнік аб’яднання Наталля Жылевіч і член міжнароднага Саюза рускамоўных пісьменнікаў Марыя Мучынская. Пад час сустрэчы, Марыя Уладзіміраўна не толькі распавяла пра сябе, пра сваю творчасць, пра сваё станаўленне як паэта, а яшчэ і прэзентавала новую кнігу для дзяцей “Жыхары лесу”. Пасля прэзентацыі дзеці з задавальненнем прынялі ўдзел у гульні “Згубленыя словы”, па выніках якой атрымалі ў падарунак ад аўтара кнігу з аўтографам.
Было відаць, што дзеці рыхтаваліся да сустрэчы і яна атрымалася незвычайна цеплай – гучалі вершы, песні, смех, разнастайныя пытанні і шчырыя пажаданні. На памяць аб сустрэчы, дзеці ўручылі гасцям падарункі, зробленыя сваімі рукамі.
