Воложинский районный
исполнительный комитет

 З 1 верасня  2017 года ў Валожынскім краязнаўчым музеі працуе выстава “Шлях кнігі праз вякі”, прысвечаная 500-годдзю беларускага кнігадрукавання. Наведвальнікі могуць убачыць кнігі і іншыя друкаваныя выданні з сярэдзіны 18 стагоддзя па наш час, якія захоўваюцца ў фондах музея. Гэта  царкоўныя кнігі, мастацкая літаратура на польскай мове, падручнікі дарэвалюцыйнага часу, розныя выданні газет Расійскай Імперыі і савецкага перыяду, плакаты часоў Вялікай Айчыннай вайны. Першымі наведалі выставу вучні сярэдняй школы № 1 г. Валожына.

 З 1 верасня  2017 года ў Валожынскім краязнаўчым музеі працуе выстава “Шлях кнігі праз вякі”, прысвечаная 500-годдзю беларускага кнігадрукавання. Наведвальнікі могуць убачыць кнігі і іншыя друкаваныя выданні з сярэдзіны 18 стагоддзя па наш час, якія захоўваюцца ў фондах музея. Гэта  царкоўныя кнігі, мастацкая літаратура на польскай мове, падручнікі дарэвалюцыйнага часу, розныя выданні газет Расійскай Імперыі і савецкага перыяду, плакаты часоў Вялікай Айчыннай вайны. Першымі наведалі выставу вучні сярэдняй школы № 1 г. Валожына.

У першую нядзелю верасня прафесіянальнае свята адзначаюць работнікі нафтавай, газавай і паліўнай прамысловасці. Да гэтай прадукцыйнай галіны ў нашым раёне мае дачыненне філіял ДП “Мінаблпаліва”, якім 16 гадоў кіруе Міхаіл Ігнацьевіч Радына.

Прадпрыемства было створана ў 1972 годзе, каб цэнтралізавана забяспечваць аб’екты народнай гаспадаркі, арганізацыі, а таксама прыватны сектар дровамі, вугалем, торфабрыкетам. Пасля газіфікацыі населеных пунктаў патрэба ў цвёрдым паліве значна зменшылася, але калектыў узяўся выконваць новыя вытворчыя задачы. Усе віды дзейнасці прыносяць філіялу прыбытак, паспяхова развіваецца экспартны кірунак эканомікі. Так, лінію па вырабе пялетаў з саломы запусцілі яшчэ тады, калі выхад на замежны рынак многія іх калегі нават і не планавалі. Затое зараз валожынцы задаюць тон і служаць прыкладам. Сёлета пялетаў рэалізавалі амаль на 20000 долараў ЗША.

Забяспечваюць валожынцы пастаўку дроў і торфу некаторым воінскім часцям: у Смаргоні, Красным, Гіравічах. З набліжэннем ацяпляльнага сезона ўсё часцей паступаюць заяўкі ад арганізацый, фізічных асоб. Выканаць усё аператыўна дапамагае арганізаванасць, якой славіцца гэта прадпрыемства. Нядаўна да філіяла далучылі калег са Стаўбцоўскага раёна. Справы там працяглы час ішлі няважна. Міхаіл Ігнацьевіч ведае, што без дысцыпліны і парадку на поспех разлічваць няма чаго. Таму рэарганізацыю новага ўчастка з гэтага і пачаў, паралельна займаўся ўмацаваннем іх матэрыяльна-тэхнічнай базы: набылі прэс-падборшчык, аўтамабіль “Ніва”. Зрухі наперад ужо ёсць, а работнікі вераць, што для іх пачаўся новы, паспяховы перыяд.

Даць людзям работу, а значыць, гарантаваць ім заробак, заўсёды ўдавалася кіраўніцтву філіяла. У гарачую пару жніва трактары, пагрузчыкі, аўтамабілі аказваюць дапамогу сельгасвытворцам. Сёлета асабліва пастараліся на адвозцы саломы вадзіцелі Канстанцін Бобрык, Мікалай Гутар. Добра папрацавалі дрывасек Юрый Рай, трактарыст Віктар Саевіч. Іх старанне будзе адзначана Ганаровай граматай райвыканкама. Такая ж узнагарода чакае эканаміста Ганну Рубацкую за паспяховае планаванне. Варта адзначыць, што ўсе эканамічныя паказчыкі прадпрыемства адлюстроўваюць станоўчую дынаміку і сведчаць пра стабільнасць. Таму і не дзіва, што з нагоды прафесіянальнага свята кожны, хто вызначыўся стараннем, атрымае нядрэнную прэмію.

Калектыў Валожынскага філіяла “Мінаблпаліва” невялікі – усяго 50 чалавек. Кожны з іх ганарыцца родным прадпрыемствам, любіць сваю работу і стараецца выконваць яе як мага лепш. Прынамсі іх дырэктар М. І. Радына так і сказаў: “Дрэнных работнікаў у нас няма…”

Алена ЗБІРЭНКА,

фота аўтара

    Віншуем вучняў, студэнтаў, бацькоў, настаўнікаў і педагогаў, работнікаў адукацыі і жыхароў Валожыншчыны з пачаткам новага навучальнага года, з Днём ведаў!

    1 Верасня – свята не толькі тых, хто вучыцца і вучыць. Гэта ўсеагульнае свята, бо ўсе мы некалі спасцігалі школьныя навукі, былі навучэнцамі прафтэхвучылішчаў, студэнтамі тэхнікумаў ці ВНУ. З гэтага дня для кожнага з нас пачаўся шлях да ведаў. Без яго не адбылася б ні адна працоўная або творчая біяграфія, а таму сёння мы з цеплынёй успамінаем школьныя і студэнцкія гады, сваіх настаўнікаў.

    Асаблівыя віншаванні тым, хто ўпершыню пераступіў парог школы. Дарагія першакласнікі! Хай гэты дзень для вас стане светлым пачаткам шчаслівага, паспяховага шляху ў вялікі свет!

    Няхай новы навучальны год будзе адзначаны новымі дасягненнямі ў пакарэнні вяршыняў ведаў – залогу развіцця і росквіту грамадства!

І. С. МАРКЕВІЧ,

дэпутат Палаты прадстаўнікоў Нацыянальнага сходу

Рэспублікі Беларусь шостага склікання

М. В. РАДАМАН,

член Савета Рэспублікі Нацыянальнага сходу

Рэспублікі Беларусь шостага склікання

Прыміце самыя сардэчныя віншаванні з Днём ведаў!

    Беларускі народ заўжды шанаваў мудрасць, адукацыю, навуку і дзякуючы гэтаму стварыў сваю непаўторную культуру, падараваў свету шмат выдатных асветнікаў і вучоных. Адукацыя – той надзейны падмурак, на якім будуецца дабрабыт любой краіны. Таму мы павінны рабіць усё магчымае дзеля таго, каб кожны юны грамадзянін мог атрымаць глыбокія веды, раскрыць свае таленты, пасябраваць са спортам, стаць сапраўдным патрыётам Радзімы.

    У першую чаргу хочацца звярнуцца да вучняў, студэнтаў, педагогаў з пажаданнямі заўжды імкнуцца да высокіх вынікаў у вывучэнні і выкладанні дысцыплін. Будзьце актыўнымі і паспяховымі. Жадаю вам моцнага здароўя, бясконцай энергіі і аптымізму.

Мікалай Анатольевіч АСТРЭЙКА,

старшыня Валожынскага раённага выканаўчага камітэта

З 30 жніўня 2017 года першым намеснікам старшыні, начальнікам упраўлення сельскай гаспадаркі і харчавання Валожынскага райвыканкама працуе Уладзімір Сяргеевіч ЧЫЧКІН.

У. С. Чычкін нарадзіўся ў 1985 годзе ў вёсцы Валасовічы Кіраўскага раёна Магілёўскай вобласці. Працоўную дзейнасць пачаў у 2006 годзе на пасадзе эканаміста па працы ў СВК “Арэса-агра” Старадарожскага раёна. Некаторы час выконваў абавязкі рыбавода ў СВК “Рассвет” імя Арлоўскага Кіраўскага раёна Магілёўскай вобласці. Пасля заканчэння ў 2010 годзе Беларускай дзяржаўнай сельскагаспадарчай акадэміі па спецыяльнасці “Эканоміка і кіраванне на прадпрыемстве” назначаны галоўным эканамістам ААТ “Кіраўск-лён”. У 2013 годзе Уладзімір Сяргеевіч пераехаў на Валожыншчыну, дзе займаў кіруючыя пасады ў ААТ “Суднікаўскі” (галоўны эканаміст, намеснік дырэктара). Без адрыву ад вытворчасці скончыў у 2014 годзе Акадэмію кіравання пры Прэзідэнце Рэспублікі Беларусь. З 2015-га і па жнівень 2017-га ён узначальваў ААТ “Багданаўскае”.

Жніво – пара актыўнасці для людзей, што прысвяцілі жыццё сельскай гаспадарцы. Але ж гэта і час прыемных сюрпрызаў – падарункаў і віншаванняў з працоўнымі перамогамі.

Раённы камітэт прафсаюза работнікаў АПК ніколі не застаецца ўбаку ад такіх момантаў. Вось і на гэты раз падрыхтаваны пісьмовыя падзякі, закуплены неабходныя гаспадарчыя рэчы ў якасці падарункаў. Кандыдатуры для ўзнагароджвання вылучылі пярвічныя арганізацыі сельгаспрадпрыемстваў, прадаставіўшы хадайніцтвы на імя старшыні райкама В. С. Гідлеўскага. Спісы ўзгоднены з кіраўніцтвам гаспадарак.

Большасць узнагароджаных – вадзіцелі на адвозцы зерня: Пётр Уладзіміравіч Багдановіч (ААТ “Суднікаўскі”); Юрый Мікалаевіч Маркевіч і Сяргей Аляксандравіч Голуб (КСУП “Пяршаі-2014”); Вікенцій Вікенцьевіч Стахоўскі, Валерый Васільевіч Вярбіцкі і Сяргей Мікалаевіч Інфаровіч (вытворчыя ўчасткі “Ракаў”, “Пугачы” і “Доры” ТАА “Тарасава”); Аляксандр Антонавіч Мамонька (КСУП “Сугвазды-агра”); Васіль Мікалаевіч Сак (ААТ “Агра-Дубінское”); Віктар Анатольевіч Крымянецкі і Аляксандр Георгіевіч Русіновіч (ААТ “Сакаўшчына-агра”); Іосіф Уладзіміравіч Грынкевіч (ААТ “Лоск”); Павел Паўлавіч Калышка (ААТ “Багданаўскае”), Аляксандр Леанідавіч Макарэвіч (КСУП “Падбярэззе”).

Лепшымі камбайнерамі прызнаны: Аляксей Іосіфавіч Мігановіч (ААТ “Багданаўскае”); Пётр Фёдаравіч Пупко (ААТ “Суднікаўскі”); Дзмітрый Мечыслававіч Драневіч, Віктар Мікалаевіч Шніп, Мікалай Яўгенавіч Новік (вытворчыя ўчасткі “Ракаў”, “Пугачы” і “Доры” ТАА “Тарасава”).

Адзначаны таксама механізатары, якія займаліся ўборкай і прэсаваннем саломы: Іван Валянцінавіч Радына (КСУП “Сугвазды-агра”), Віктар Станіслававіч Тамашэвіч (КСУП “Падбярэззе”), Анатоль Антонавіч і Алег Антонавіч Бібікі (КУП “Сівіца”).

Сярод узнагароджаных: Аляксандр Мікалаевіч Рачкоўскі – слесар ААТ “Лоск”, Васіль Іосіфавіч Аляшкевіч – машыніст зернесушыльнага комплексу і Святлана Іосіфаўна Сабалеўская – загадчык зернясклада ААТ “Агра-Вішнеўскі”, Міхаіл Мікалаевіч Лісімаў – зваршчык ААТ “Агра-Дубінское”.

Віктар Станіслававіч Гідлеўскі асабіста ўручыў заслужаныя ўзнагароды тым, хто працуе дзеля таго, каб на нашых сталах не зводзіўся духмяны хлеб.

Валянціна КРАЎНЕВІЧ,

фота аўтара

Специалисты государственного учреждения «Воложинский районный центр гигиены и эпидемиологии» в ходе плановых проверок и мониторинга проводят обследования содержания территорий объектов и организаций всех форм собственности района, а так же  территории населённых пунктов с целью выявления фактов несанкционированного размещения отходов.  

В августе 2017 года специалистами центра обследовано 202 объекта и территорий на 17субъектах хозяйствования. На 70 объектах выявлены нарушения, в т.ч. нарушения санитарно-эпидемиологического законодательства при содержании контейнерных площадок для сбора твёрдых отходов установлены на 20 объектах, замусоренность территорий объектов и населённых мест – 12, нарушения целостности покрытия автомобильных и пешеходных дорог территорий населённых мест и объектов надзора – 0, другие нарушения – 38 (не организован покос сорной растительности). За указанные выше нарушения наложено 4 штрафа на сумму 230 рублей. Выдано 1 предписание, подготовлено 73 рекомендации по устранению выявленных нарушений. Проверено территорий, прилегающих к усадебным жилым домам – 117, из них с нарушениями – 11, подготовлено 11 предупреждений гражданам, один гражданин оштрафован. Выявлено и по предложениям санитарной службы ликвидировано – 4 свалки мусора.

Направлено две информации в Воложинский райисполком.

Таблица

Объекты, на которых выявлены нарушения

Врач-гигиенист

Воложинского РЦГиЭ                                                               Н.М. Булова

30.08.2017 г.

30 жніўня з 13.30 да 14.30 член Савета Рэспублікі Нацыянальнага сходу Рэспублікі Беларусь, старшыня праўлення СВК "Агракамбінат Сноў" Мікалай Вячаслававіч РАДАМАН правядзе асабісты прыём грамадзян і юрыдычных асоб у Валожынскім раённым выканаўчым камітэце (пл.Свабоды, 2).

Уладзіслаў Юр’евіч ЧУМАК трэці год працуе галоўным інжынерам у ААТ “Агра-Вішнеўскі”. На валожынскую зямлю сур’ёзны малады чалавек прыехаў здалёк. Нарадзіўся ў Запарожжы, дзіцячыя і юнацкія гады правёў у Данецкай вобласці. Скончыў тэхнікум, мае прафесію аўтаслесара. Затым завочна атрымаў вышэйшую адукацыю.

Пасля вядомых падзей у суседняй краіне сям’я Чумак пакінула наседжанае месца і падалася ў Беларусь. Тут іх сустрэлі па-сяброўску, прадаставілі жыллё, работу. Нядаўна бацька, маці і сястра зноў перабраліся на радзіму. А вось Уладзіслаў застаўся. Прывык да людзей, цэніць сваю пасаду, ды і асабістае жыццё складваецца такім чынам, што развітвацца з Валожыншчынай не збіраецца.    

Працаваць інжынерам у сельгаспрадпрыемстве складана. З аднаго боку –  тэхніка, якая патрабуе пастаяннага клопату, з другога – людзі з іх характарамі, розным стаўленнем да жыцця і абавязкаў. Але спакойны, разважлівы, ён умее знайсці падыход да кожнага.

Уборачная кампанія бягучага года для яго на Валожыншчыне – ужо трэцяя. Ёсць вопыт, вера ў свае сілы, давер адміністрацыі і калектыву. Механізатары пад кіраўніцтвам Уладзіслава Юр’евіча прыклалі шмат намаганняў дзеля таго, каб тэхнічны арсенал гаспадаркі знаходзіўся ў добрым стане. Калі ж і здараюцца паломкі, у каманды стае і сіл, і ведаў, каб своечасова іх ліквідаваць.

Валянціна КРАЎНЕВІЧ

Фота Сяргея БОБРЫКА