Напярэдадні новага навучальнага года на тэрыторыі вобласці супрацоўнікі службы ДАІ арганізавалі спецыяльнае комплекснае мерапрыемства “Увага – дзеці!”.
Праблема дзіцячага дарожна-транспартнага траўматызму не губляе сваёй актуальнасці. Сёлета нават назіраецца рост аварый з удзелам непаўналетніх. Асабліва шкада, калі ахвярамі становяцца зусім маленькія грамадзяне нашай краіны. На мінулым тыдні ў раёне прайшла акцыя “Дзіця – галоўны пасажыр”. Інспектары Дзяржаўтаінспекцыі пракантралявалі галоўныя аўтатрасы і праверылі, ці прытрымліваюцца вадзіцелі правіл перавозкі непаўналетніх пасажыраў, ці выконваюць патрабаванні хуткаснага рэжыму. Самыя дысцыплінаваныя ўладальнікі аўтатранспарту атрымалі падарункі.
Алена ЗБІРЭНКА
Фота Віталя МЫШЛЁНА
