Воложинский районный
исполнительный комитет

Вода – опасная для людей стихия. Даже спокойная водная гладь, несмотря на кажущуюся безопасность, таит в себе угрозы. 

Период отпусков и отдыха, связанного с водоемами, продолжается. Независимо от вида водоёма, будь то река, озеро или пруд каждый человек должен знать и неукоснительно соблюдать правила поведения и меры безопасности на воде.

Купаться лучше утром или вечером, когда солнце греет, но нет опасности перегрева. Температура воды должна быть не ниже +18+19 градусов, температура воздуха +20 +25 градусов.

Продолжительность купания зависит от температуры воздуха и воды, от влажности воздуха и силы ветра. Наиболее благоприятные условия купания - ясная безветренная погода, температура воздуха +25 и более градусов.

При длительном пребывании человека в воде и при переохлаждении могут возникнуть судороги. Чаще всего судороги охватывают икроножные мышцы. В этой ситуации нужно сделать глубокий вдох, погрузиться вертикально в воду с головой, выпрямить ноги, осуществить захват руками больших пальцев ног и сильно потянуть на себя. Следует помнить, что работа сведённой мышцей ускоряет исчезновение судорог. Устранив судороги, нужно плыть к берегу, поскольку они могут охватить мышцы снова. Если судороги охватили ноги, и их не удалось ликвидировать, нужно лечь на спину и плыть к берегу, работая руками. Если поражены руки, то работать нужно ногами. Главное в этой ситуации заключается в мобилизации всех сил на выход из создавшегося положения, подавление страха и паники.

Существенное значение имеет и место купания. На официально допущенном к эксплуатации пляже отдых и купание безопаснее всего, поскольку на пляже несут дежурство работники ОСВОД. Находясь в походе или отдыхая на «диком» водоеме, не забывайте об опасностях, которые таит вода. Не купайтесь и не ныряйте в незнакомом месте, не заплывайте далеко.

Из других правил, которые помогут, как минимум, не испортить отдых, а как максимум, сохранить жизнь:

- НЕ устраивать игр в воде, связанных с захватами;

- НЕ плавать на надувных матрасах или;

- НЕ заходить в воду в состоянии алкогольного опьянения.

МЧС напоминает: будьте бдительны, соблюдайте правила пожарной безопасности! В случае чрезвычайных ситуаций следует звонить по телефону 101 или 112.

ОВОС РАКОВ

Вяскоўцы прымалі музычныя віншаванні ад калектываў “Нарэчанька” і “Званочкі” Сакаўшчынскага сельскага цэнтра культуры.  Свята вёскі – добрая нагода ўспомніць яе гісторыю ,тых людзей,якія ўнеслі значны ўклад у развіццё роднага кутка, выказаць словы падзякі працаўнікам, якія працавалі не пакладаючы рук для выгоды малой радзімы.На сённяшні дзень у Замасцянах ёсць свае доўгажыхары: Ляўковіч Ядвізе Антонаўне споўнілася 92 гады; Ляўковіч Марыіі Уладзіміраўне – 91 год, Бандарык Валянціне Юр’еўне, Ляўковіч Ніне Іванаўне і Юрча Сафіі Аляксееўне  - 90 год.  Аляксей Сяргеевіч Ключанкоў адзначаны  як самы малады жыхар вёскі, якому 14 верасня споўніцца 19 год.

Мерапрыемства нікога не пакінула абыякавым. Самадзейныя артысты  атрымалі прыгожыя кветкі і пачулі цёплыя словы падзякі.

У Валожынскай дзіцячай бібліятэцы адбылася сустрэча з настаяцелем храма Праабражэння Гасподняга Сергіем Арловым.

У мерапрыемстве “І свет духоўнасці не гасне” прынялі ўдзел вучні 4-х класаў сярэдняй школы № 1 г. Валожына, іх бацькі і настаўнікі.

Айцец Сергій распавёў пра важнасць сям’і, яе духоўныя асновы, узаемаадносіны, выхаванне дзяцей. Цікава было паслухаць таксама пра царкоўныя святы, у тым ліку Дабравешчанне і падзеі, якім яно прысвечана: як Архангел Гаўрыіл прынёс Дзеве Марыі добрую, радасную вестку аб будучым нараджэнні Ісуса Хрыста, Сына Божага і Збавіцеля свету. Юныя чытачы з вялікай увагай слухалі пра гісторыю і традыцыі яго святкавання.

Святар настроіў усіх прысутных на шчырую, добразычлівую размову, заахвоціў паразважаць аб сямейных каштоўнасцях, поўна і даходліва адказаў на ўсе пытанні, што яму задавалі. Таму тэма мерапрыемства прыцягнула ўвагу і знайшла водгук у слухачоў.

Наш кар.

Выдатна адпачыць летам, асабліва ў гарачае надвор’е на беразе рэчкі ці возера, але кожны год на вадаёмах гінуць людзі. Часцей за ўсё гэта адбываецца падчас купання, асабліва ў тых месцах, якія для гэтага не прызначаны. Каб не здарылася бяды, важна выконваць адпаведныя правілы. Што ведаюць пра бяспеку на вадзе, мы вырашылі запытацца ў валожынцаў.

Дзмітрый АРЦЮКЕВІЧ, навучэнец 2-а курса Валожынскага сельскагаспадарчага прафесіянальнага ліцэя

– Плаваць навучыўся гадоў пяць таму. Добра ведаю і заўсёды прытрымліваюся правіл бяспекі на вадзе. Разам з сябрамі адпачываем у спецыяльна адведзеных і абсталяваных для гэтага месцах: на Валожынскім і Сакаўшчынскім вадасховішчах, “Жоўтым беразе”. У халодную пару года люблю наведваць басейн у фізкультурна-аздараўленчым комплексе. Ведаю правілы выратавання, пры неабходнасці магу аказаць першую дапамогу. Дарэчы, гэта ўменне мне аднойчы ўжо спатрэбілася: малады мужчына няўдала нырнуў, моцна стукнуўся грудзьмі аб ваду і страціў прытомнасць. Мы з сябрам не разгубіліся, выцягнулі яго на бераг і зрабілі ўсё неабходнае.

Вольга РАДЫНА, кіраўнік гуртка дзённага знаходжання для інвалідаў

– Пытанне бяспекі на вадзе для мяне вельмі актуальнае, бо выхоўваю маленькую дачушку. Пачну з таго, што перад выхадам з дому ў сонечнае надвор’е абавязкова выкарыстоўваю і для сябе, і для дзіцяці сонцаахоўны крэм, надзяваю галаўныя ўборы. Жывём мы ва ўласным доме, летам у двары абавязкова ўсталёўваем надзіманы басейн. Танюша вельмі любіць папесціцца вечарам у цёплай вадзе. Зразумела, што дзяўчынка ў гэты час абавязкова знаходзіцца пад маім наглядам. Яе таксама вучу, што без дарослых падыходзіць, а тым больш залазіць у басейн нельга. Сама я да вады раўнадушная, таму на рэчцы, вадасховішчах бываю ведьмі рэдка.

Анатолій ФЕСЮН, электрык будаўнічай арганізацыі г. Мінска

– Выконваць правілы бяспекі на вадзе вельмі важна. Ад гэтага залежыць здароўе, а часам – і жыццё чалавека. Калісьці мне давялося працаваць выратавальнікам на Валожынскім вадасховішчы ад раённай арганізацыі таварыства выратавання на водах. Тады пабачыў шмат выпадкаў людскога глупства і бестурботнасці. Дарослыя мужчыны і жанчыны ў стане алкагольнага ап’янення спрабуюць лезці ў ваду, плаваць. Падлеткі і маладыя людзі не заўсёды прытрымліваюцца правіла не заплываць за буйкі, падчас гульняў у вадзе хапаюць адзін аднаго за рукі і ногі, вырабляюць розныя піруэты. Бацькі часам пакідаюць малых дзяцей без нагляду. Зразумела, што ўсё гэта ў адну хвіліну можа прывесці да бяды, і работа выратавальніка – не дапусціць такога.

Святлана РАХМАНЬКО, настаўнік біялогіі і геаграфіі Дорскага вучэбна-педагагічнага комплексу

– Свежае паветра і вада з’яўляюцца выдатнымі загартоўваючымі фактарамі, і летнія канікулы – цудоўны час для адпачынку на прыродзе. Як настаўнік, я стараюся прывіць сваім выхаванцам правілы бяспечных паводзін, у тым ліку – і на вадзе. Вельмі важны ў гэтым пытанні прыклад бацькоў, іх кантроль за тым, дзе знаходзяцца дзеці, чым займаюцца. Сама я плаваю нядрэнна, але на адкрытых вадаёмах амаль не бываю, У свой час давялося адпачываць на Северным і Балтыйскім морах, дзе таксама абавязкова прытрымлівалася такіх простых і ў той жа час важных правіл. Добра разумею, што толькі асабістая асцярожнасць, абачлівасць і адказнасць могуць засцерагчы ад бяды.

Сяргей ПАШКОЎСКІ, вучань 9 класа сярэдняй школы № 1 г. Валожына

– Пра бяспеку на вадзе нам шмат расказваюць у школе. Гэта і настаўнікі, і прадстаўнікі раённых пярвічных арганізацый таварыства выратавання на водах, аддзела па надзвычайных сітуацыях. Не пакідаюць без увагі гэта пытанне і мае бацькі. Я заўсёды прытрымліваюся іх рэкамендацый. Цяпер стаіць гарачае надвор’е, і мы сям’ёй часта адпачываем на Сакаўшчынскім вадасховішчы ці “Жоўтым беразе”, ніколі не наведваемся на месцы, не адведзеныя для купання. Бацька добра плавае, навучыў гэтаму і нас з братам, таму адчуваю сябе ў вадзе бяспечна, але добра разумею, што ніякія свавольствы тут недапушчальныя.

Гутарыла

Анжэла РАДЫНА

У аддзяленні тэрытарыяльнага цэнтра сацыяльнага абслугоўвання насельніцтва, што на вуліцы Набярэжнай, адбыўся семінар-практыкум “Бяспечнае суправаджэнне людзей з інваліднасцю” з удзелам прадстаўнікоў ГА “Рэспубліканская асацыяцыя інвалідаў-калясачнікаў”.

У мерапрыемстве, акрамя супрацоўнікаў сацыяльнай установы, прынялі ўдзел урач райбальніцы Алена Лушчыцкая, інжынер па ахове працы аўтапарка № 14 Марына Вялічка, інструктар фізкультурна-аздараўленчага цэнтра Паліна Янкоўская, прадстаўнікі іншых зацікаўленых арганізацый, а таксама валанцёры ліцэя.

Заняткі для людзей, чые прафесійныя і грамадскія абавязкі ўключаюць клопат пра бяспеку і камфорт інвалідаў-калясачнікаў, правялі рэабілітолаг Дзяніс Васілевіч і інструктар Іван Слімко. Семінар быў спланаваны такім чынам, што тэарэтычныя веды адразу ж замацоўваліся практычнымі навыкамі. Прысутных навучылі садзіць чалавека ў каляску, дамагаць яму яе пакінуць. Адпрацоўваліся моманты, калі інвалід выпаў з каляскі, не можа самастойна спусціцца (падняцца) з лесвіцы, ці мае іншыя праблемы з перамяшчэннем на вуліцах, з пасадкай у аўтамабіль.

Іван, сам інвалід-калясачнік, даў неабходныя рэкамендацыі адносна таго, як неабходна апранацца людзям у падобным становішчы, каб іх перамяшчэнні заўсёды адпавядалі правілам бяспекі. Дарэчы, быў зроблены акцэнт і на бяспецы тых, хто дапамагае інвалідам.

Дзяніс мае ўласны вопыт догляду за матуляй, якая нарадзілася без рук і без ног, аднак змагла справіцца з мноствам цяжкасцей і жыць паўнацэнна (нават з’ўляецца пераможцам тэлепраекта АНТ “Гонар нацыі”). Яе сын ужо шмат гадоў займаецца высакароднай справай рэабілітацыі людзей, што перажылі цяжкія траўмы. Чаго не ведае пра праблему гэты юнак – таго, напэўна, проста не існуе. Сваім каштоўным вопытам ён гатовы шчодра дзяліцца з кожным, каму патрэбны падобныя кансультацыі.

Жыхары Валожыншчыны, у якіх ёсць пытанні ў гэтым кірунку, могуць звярнуцца ў ТЦСАН, дзе абавязкова атрымаюць ад удзельнікаў семінара разгорнутыя адказы. Пры неабходнасці можна выйсці і на кантакт з самімі трэнерамі. Як адзначыла дырэктар сацыяльнай установы Галіна Рай, у справе дапамогі людзям з абмежаванымі магчымасцямі нельга саромецца прасіць дапамогі і падтрымкі, кожнае пытанне можна і неабходна вырашыць.

Валянціна КРАЎНЕВІЧ,

фота аўтара

Побач з тэхнікай важна праходжваюцца буслы – безумоўны атрыбут “зялёнага жніва”. Гэты прыгожы, такі блізкі сэрцу малюнак па-сапраўднаму хвалюе душу, як і непаўторны пах свежаскошанай травы…

На палетках сельгаспрадпрыемстваў раёна план па скошванні траў першага ўкосу выкананы на 100 працэнтаў, але праца па нарыхтоўцы кармоў для грамадскага пагалоўя працягваецца.

У СГУ “Бабровічы” УП “Мінскаблгаз” па стане на раніцу 21 чэрвеня скошаны травы на плошчы 1735 га. Тут нарыхтавана 55 тон сена (15,7% да плана), 10125 тон сенажу (48,2% да плана). На адну ўмоўную галаву буйной рагатай жывёлы назапашана 8,22 цэнтнера кармавых адзінак травяных кармоў, што на 1,53 адзінкі перавышае леташні паказчык.

Па словах агранома гаспадаркі па кормавытворчасці Паўла Вярцінскага, у абавязкі якога ўваходзіць арганізацыя корманарыхтоўчых работ, травы сёлета выраслі добрыя, сакавітая, і ў гэту гарачую пару самае галоўнае – зладжанасць у працы і няўхільнае выкананне ўсіх тэхналагічных працэсаў. Пакуль усё складваецца належным чынам для таго, каб забяспечыць кароў і маладняк да будучага стойлавага перыяду дастатковай колькасцю травяністых кармоў, тым больш, што і надвор’е гэтаму спрыяе.

Падчас касавіцы праца на травяных палях не заціхае ўвесь светлавы дзень. Уладзімір ІГНАТОВІЧ – механізатар шырокага профілю, выконвае кожную даручаную работу сумленна і якасна. Любая справа для яго звыклая, бо паўтараецца з года ў год. Калі мы наведваліся ў гаспадарку, Уладзімір Францавіч быў задзейнічаны на адвозцы зялёнай масы да месца яе закладкі. Між іншым, на 22 чэрвеня закладзена 8 з 13 запланаваных сянажных траншэй. Пазней вопытны работнік атрымаў больш новую тэхніку і цяпер з дапамогай спецыяльнага прыстасавання – грабляў – валкуе і варочае траву перад тым, як прыбраць яе з поля.

З першых дзён на нарыхтоўцы зялёнай масы заняты Аляксандр ШЧОТКІН, які працуе на высокапрадукцыйным кормаўборачным комплексе КВК “ПАЛЕССЕ” FS8060”. На ліку маладога механізатара больш за 5000 тон пажыўнага корму са злакавых і злакава-бабовых траў. У СГУ “Бабровічы” выкарыстоўваюцца самыя сучасныя і эфектыўныя тэхналогіі. Так на кормаўборачным камбайне ўстаноўлена спецыяльная ёмістасць з кансервантам. Агрэгат, рухаючыся па полі, “заглынае” валкі падвяленай травы, здрабняе іх у сянажную масу і адразу ж апрацоўвае кансервантам. Аляксандр Аляксеевіч праяўляе максімум увагі: пільна сочыць за тым, каб чыста падняць падрыхтаваную траву, а кармы не сыпаліся на зямлю і абавязкова траплялі ў прычэп трактара.

Анжэла РАДЫНА,
фота аўтара