Івянецкі музей традыцыйнай культуры прадаўжае адраджаць традыцыйныя абрады. На гэты раз Хрэсьбіны.
Як і раней “галоўнымі героямі” гэтага абраду былі кумы, яны везлі дзіця ў храм, яны адорвалі дзіця і абяцалі дапамагаць у жыцці.
Супрацоўнікі музея распавялі, як святкавалі гэты абрад. Цікава, што раней быў яшчэ адзін важны ўдзельнік свята – бабка – павітуха. Яна рыхтавала адмысловую кашу, якой частавала гасцей за дарункі для немаўляці. Яе вазілі на баране па вёсцы, пакуль тая не паставіць магарыч, або купіць цукерак.
У Музеі местачковага побыту была наладжана фотавыстаўка, на якой прадстаўлены фотаздымкі дзяцей і з дзецьмі.
P.S. Абрад быў зладжаны ў жніўні 2018 г.падчас сапраўдных хрэсьбін.
