Валожынскі раённы
выканаўчы камітэт

3 чэрвеня школьнікі Дзяржаўная ўстанова адукацыі "Вучэбна-педагагічны комплекс Вішнеўскі яслі - сад-сярэдняя школа", якія адпачываюць у летнім лагеры наведалі Валожынскі краязнаўчы музей. Для хлопцаў была паказана мультымедыйная прэзентацыя "Генацыд - наша памяць і боль" і экскурсія па дадзенай экспазіцыі. Дзеці пазнаёміліся са знакамітымі землякамі ўдзельнікамі Вялікай Айчыннай вайны: генерал-лейтэнантам М. Ф. Букштыновічам, А. М. Бацянам, А. I. Гасціловічам, удзельнікамі партызанскага руху на тэрыторыі Валожынскага раёна.

Валожынскі краязнаўчы музей наведалі навучэнцы з Мінска, Пінска, Рэчыцы і Маладзечна, якія адпачываюць у дзіцячым санаторыі «Налібоцкая пушча». Для іх былi праведзены экскурсіі па экспазіцыях «Прырода і экалогія Налібоцкай пушчы», «Вайна і лёсы» і па горадзе Валожыне.

Выпускны вечар – гэта заўсёды хвалюючая падзея. Да яго старанна рыхтуюцца і выпускнікі, і педагогі. Бо на іх ляжыць велізарная адказнасць – арганізаваць свята, якое запомніцца на ўсё жыццё. Самы першы выпускны вечар па традыцыі праходзіць у маі ў навучэнцаў дзіцячай школы мастацтваў. Яго можна назваць сапраўды таленавітым, таму што на сцэне прадстаўлена велізарная разнастайнасць музычных нумароў, дзе хлопцы паказваюць сваё майстэрства.

Сёлета выпускны канцэрт атрымаўся вельмі ўражлівым! Усё таму, што арганізатары - выкладчык тэарэтычных дысцыплін Ірына Жамоздзік і настаўнік музыкі па класе скрыпкі Яўгенiя Карповіч - унеслі ў традыцыйны сцэнар ноткі крэатыўнасці, сучаснасці і навізны і пабудавалі праграму ў форме школьнай тэлеперадачы. Гледачы змаглі акунуцца ў атмасферу шоу «Голас. Дзеці», «Танцы», «Угадай мелодыю».

- Мы вырашылі аформіць музычныя нумары цікава, маляўніча. Хацелася, каб глядач быў задаволены. У працэсе падрыхтоўкі самі атрымалі каласальнае задавальненне. Са зваротнай сувязі ад бацькоў і ўдзельнікаў канцэрта зразумелі, што справіліся з пастаўленай задачай. Канцэрт стварыў патрэбны настрой і пакінуў прыемнае ўражанне – распавялі арганізатары.

Я таксама прысутнічала ў зале як глядач і хачу перадаць сваё ўражанне пра падзею. Канцэрт прайшоў на адным дыханні. Здавалася, на сцэне разгортваецца незвычайная гісторыя ў свеце талентаў і школьных будняў, у якіх квітнеюць дабро, разуменне, святло і любоў. На сцэне дзеці праз вакальныя і танцавальныя нумары паказвалі, чым напоўнена іх жыццё. У інструментальных кампазіцыях перадавалася лірычны настрой. Мяне перапаўнялі пачуцці радасці і эстэтычнай асалоды. Гледзячы на хлопцаў, я ўяўляла, колькі педагагічнай работы і ўпартай працы вучнямі было зроблена на працягу года для таго, каб у гледачоў стварыць чароўны настрой. Але гэта каштавала таго.

Мы часта ездзім на канцэрты знакамітасцяў, каб атрымаць порцыю эмоцый, і чамусці абясцэньваем тое, што ёсць у нас. Маленькія маладыя артысты ўвесь год працуюць, каб парадаваць гледачоў. Падтрымаць іх талент і падарыць ім цёплыя апладысменты - гэта ўжо наша задача. Можа быць, менавіта з маленькага канцэрта ў Валожыне пачнецца іх вялікі шлях у свет мастацтва, а мы станем сведкамі гэтага і будзем ганарыцца, што наша зямля выхавала яшчэ адну знакамітасць.

Наталля Нямкевіч

Каб адказаць на гэта пытанне, дастаткова было наведаць справаздачны канцэрт дзіцячых калектываў раённага цэнтра культуры, які прайшоў нядаўна ў райцэнтры.

У канцэртнай праграме “На крылах таленту” прадстаўлена цэлае сузор’е  талентаў у самых розных жанрах – ад вакалу і дэкламавання вершаў да тэатральных пастановак.

Яшчэ да пачатку мерапрыемства ў фае цэнтра культуры разгарнулася выстава дэкаратыўна-прыкладной творчасці. Карціны ўдзельнікаў гуртка “Візуальнае мастацтва” ўтварылі сапраўдны вернісаж. Проста зачароўвалі работы юных мастакоў у розных тэхніках і з самых нечаканых прыродных і падручных матэрыялаў. Фантазія, памножаная на навыкі, – вынік намаганняў удзельнікаў гурткоў па дэкаратыўна-прыкладным мастацтве “Майстэрня цудаў” і “Умелыя ручкі”.

Фестывальную праграму “На крылах таленту” адкрылі ўдзельнікі ўзорнай студыі эстраднай песні “Праменьчыкі”, якой кіруе Анастасія Дзятко. Гучалі музычныя кампазіцыі на беларускай, рускай, англійскай мовах.

Шчыра парадавалі выхаванцы эстраднай студыі “Вясёлыя ноткі”. Нягледзячы на зусім яшчэ юны ўзрост, яны сваімі песнямі “заводзілі” гледачоў не горш, чым знакамітыя зоркі. Па прадстаўленых канцэртных нумарах адчувалася вялікая праца кіраўніка аб’яднання Таццяны Лужынскай, яе педагагічны талент і вакальнае майстэрства. Салісты  самых розных узростаў – ад малышоў да падлеткаў – дарылі свае любімыя песні.

Не абышлі ўвагай удзельнікі канцэрта і літаратурнай спадчыны Валожыншчыны. Наведвальнікі гуртка літаратурнага мастацтва “Летуценнік” артыстычна, натхнёна і эмацыянальна чыталі творы паэтаў-землякоў  і вершы ўласнага сачынення.

Карагод эмоцый і пачуццяў гледачоў выклікалі тэатральныя замалёўкі ўдзельнікаў гуртка “ART WAY”, якім кіруе Вераніка Ляшкевіч. Кожны канцэртны нумар запомніўся сваёй іскрынкай, крэатывам, жаданнем данесці штосьці вельмі важнае да гледача.

Амаль паўтары гадзіны на сцэну выходзілі лепшыя з лепшых – тыя, хто на працягу года песнямі і вершамі  аздабляў раённыя канцэрты і мерапрыемствы, прымаў удзел у разнастайных конкурсах, адстойваў гонар раёна за яго межамі. І за ўклад у культурнае жыццё горада і раёна юныя артысты  атрымалі  заслужаныя ўзнагароды – ганаровыя дыпломы. Дзякуючы карпатлівай рабоце дарослых, на раённай сцэне запаліліся яркія агеньчыкі творчасці дзяцей. Спадзяёмся, у гэтым сузор’і талентаў абавязкова былі будучыя зоркі!

Наш кар.

1 июня на площадке около физкультурно-оздоровительного комплекса было шумно и весело. Здесь собрались мальчишки и девчонки вместе со своими родителями, чтобы принять участие в районном празднике «Мы – дети твои, Беларусь!», посвящённому Международному Дню защиты детей.

Песни, танцы и детский смех раздавались со всех сторон. Здесь каждый нашёл себе занятие по душе. Кто-то рисовал на асфальте, кто-то принимал участие в конкурсах, играх, эстафетах, а кто-то пришёл насладиться замечательным концертом, который подготовили юные артисты из учреждений образования района.

Спасатели также не остались в стороне и совместно с активистами клуба юных спасателей-пожарных «Ликвидация» организовали работу тематических игровых и обучающих площадок в рамках заключительного этапа республиканской акции «Не оставляйте детей одних!»

Принимая участие в предложенных играх и выполняя определённые задания, участники смогли обновить свои знания в области безопасности, потренировать свою память и проверить себя на внимательность. Родителям в не навязчивой форме напоминали об опасности оставления малолетних детей без присмотра. Каждый участник акции получил от спасателей полезные подарки.

- Сегодня здесь очень интересно и весело, - делится своими впечатлениями Анастасия Иодо. – Мне всё очень нравится. Столько разных аттракционов, игр. А ещё, у меня сегодня День рождения! Каждый год как будто все его здесь празднуют, - улыбается Настя.

Спасатели, конечно же, не могли проигнорировать данный факт и преподнесли имениннице подарок с символикой МЧС, что привело девочку в восторг. Спасателям было не менее радостно. Ведь так приятно делать кого-то ещё счастливее.

01.06.2022 года в городе Воложине был организован  и проведен  городской конкурс «Мини Мисс - 2022». Организаторами мероприятия выступили: отдел идеологической работы, культуры и по делам молодёжи райисполкома; Воложинское районное объединение профсоюзов.

В конкурсе принимали участие юные красавицы от 6 до 8 лет. Конкурсантки прошли несколько творческих этапов: «Визитная карточка», дефиле «Юная модель», «Творческая фантазия». Талантливые и очаровательные участницы достойно проявили себя на каждом этапе, где выступили в роли вокалистов, танцоров, чтецов, юных моделей.

Победительницам присваивался титул: «Мини Мисс-2022» - Василиса Бибик, «Мини Мисс талант-2022» - Мария Музыченко, «Мини Мисс оригинальность-2022» - Александра Богдан, «Мини Мисс зрительских симпатий-2022» - Елизавета Казыро, «Мини Мисс очарование-2022» - Ева Почиковская, «Мини Мисс стиль-2022» - Мирослава Фарино, «Мини Мисс улыбка-2022» - Дарья Власенко, «Мини Мисс обаяние-2022» - Злата Корзюк. Всем участницам были вручены дипломы и подарки. А зрители  получили заряд хорошего настроения и позитивных эмоций!

Спонсорами конкурса «мини Мисс-2022» выступали отдел идеологической работы, культуры и по делам молодежи Воложинского районного исполнительного комитета, ГЛХУ «Воложинский лесхоз», ОАО «Воложинская райагропромтехника», ООО  «Кастом», индивидуальные предприниматели: Наталья Артюкевич, Сергей Маковский.

Спектаклі для дзяцей і дарослых пакажа ў рамках XXI Нацыянальнага фестывалю беларускай песні і паэзіі Мінскі абласны драматычны тэатр у Маладзечне.

Беларускі гандлёвы дом можа з'явіцца ў Екацярынбургу, паведаміла карэспандэнту БЕЛТА прэс-сакратар канцэрна "Беллегпрам" Марына Васькевіч.

Смех, весялосць, сяброўскія абдымкі... Што ж адбываецца? А гэта ў сярэдняй школе №2 г. Валожына сабраліся юныя ратавальнікі з усяго раёна. Хлопцаў перапаўняе пачуццё радасці, ад таго, што яны зноў сустрэліся са сваімі аднадумцамі, але ў той жа час яны вельмі хвалююцца, бо ім трэба будзе паказаць на што яны здольныя ў выкананні розных заданняў пры ўзнікненні надзвычайных сітуацый, праявіць свой артыстызм і творчыя здольнасці.

- Я ўжо не першы раз удзельнічаю ў такім мерапрыемстве,- кажа Мікіта Станкевіч з клуба юных ратавальнікаў-пажарных «Ліквідацыя». – Але хвалявання ад гэтага менш не становіцца. Страшна падвесці каманду. Хочацца ўсё зрабіць на вышэйшым узроўні. Кожны член нашай каманды вельмі стараўся падчас рэпетыцый. Мы прыкладзем усе свае сілы, каб паказаць усё, на што мы здольныя.

Адкрыла мерапрыемства метадыст дзяржаўнай установы адукацыі «Валожынскі раённы навучальна-метадычны кабінет» Кацярына Валер'еўна Кароль. Яна пажадала ўсім удзельнікам мерапрыемства поспехаў у пераадоленні пастаўленых задач. Далей старшы інспектар сектара прапаганды і ўзаемадзеяння з грамадскасцю Алеся Аркадзьеўна Радвіловіч нагадала ўсім прысутным праграму мерапрыемства, растлумачыла некаторыя моманты і адказала на пытанні.

Пачынаецца самае цікавае. Кожная каманда павінна выканаць вызначанае заданне і ліквідаваць надзвычайныя сітуацыі.

- Сёння мы на практыцы праверым вашы веды і ўменні ў ліквідацыі наступстваў розных надзвычайных сітуацый, якія могуць адбыцца ў нашы дні, - звярнулася да ўдзельнікаў Алеся Аркадзьеўна. - Недалёка ад будынка школы адбылася надзвычайная сітуацыя, якая па прынцыпе «даміно» выклікала цэлы шэраг іншых небяспечных сітуацый і іх наступствы вам неабходна ліквідаваць на нашых сённяшніх пляцоўках. Такім чынам, мы пачынаем!

А заданняў для каманд падрыхтавалі нямала. Ім неабходна было ліквідаваць «пажар», выконваючы ўсе правілы бяспекі, выбрацца з задымленага памяшкання, выклікаць ратавальнікаў, вырашыць галаваломку, усталяваць аўтаномны пажарны апавяшчальнік, перасекчы месца, заражанае аміякам, выкарыстоўваючы сродкі абароны, а таксама адказаць на пытанні па бяспецы.

- Самым цікавым для мяне было праходжанне дымавага лабірынта,- дзеліцца сваімі эмоцыямі Елізарава Дар'я. – Гэта вельмі класна, але і крыху страшнавата. Як уяўлю, што можна апынуцца ў такіх умовах пры сапраўдным пажары, тое жудасна ставіцца.

- А мне спадабалася ўсё, - усміхаецца Маша Куцук. – Усе заданні былі цікавыя.

Заданні выкананы, надзвычайныя сітуацыі ліквідаваны. Надыйшоў час для праявы творчасці. На суд журы былі прадстаўлены візітныя карткі каманд і музычныя кампазіцыі на тэму, прысвечаную Году гістарычнай памяці. Тут кожная каманда праявіла свае творчыя здольнасці як магла. Цікавыя гістарычныя факты, словы падзякі героям, якія ваявалі дзеля нашай шчаслівай будучыні, апусканне ў тыя далёкія часы… Усё гэта прадставілі каманды, раскрываючы зададзеную тэму.

Усе юныя ратавальнікі імкнуліся, кожная каманда хацела быць першай, але конкурс на тое і конкурс, што ў ім павінны быць пераможцы. І яны ва ўпартай барацьбе былі выяўлены.

Бронзавым прызёрам стала каманда з Івянецкай сярэдняй школы, з невялікім адрывам ад іх другое месца заваявалі хлопцы з сярэдняй школы №2 г. Валожына, а абсалютным пераможцам стала каманда юных ратавальнікаў з Багданаўскага вучэбна-педагагічнага комплекса.

Віншуем хлопцаў з годнымі вынікамі і жадаем ім далейшых поспехаў і паменш надзвычайных сітуацый у іх жыцці.

1 чэрвеня 2022 года ў ДУК «Івянецкі Дом культуры» прайшла Міжнародная сацыяльна-творчая праграма «У будучыню - з надзеяй», арганізаваная Дэпартаментам па ліквідацыі наступстваў катастрофы на Чарнобыльскай АЭС, МНС Рэспублікі Беларусь, Міністэрствам культуры, ЦК ГА БРСМ, Беларускім фондам мiру. У мерапрыемстве прынялі ўдзел таленавітыя хлопцы нашага пасёлка: танцавальны калектыў «TESS» Івянецкага Дома культуры, Кіра Кавалёва (вакальны калектыў «ДоМiСолька»), Эліна Адамовіч, выхаванка ДУА «Цэнтр развіцця дзіцяці г. п. Івянец», Анастасія Юхневіч, навучэнка ДУА «Івянецкая дзіцячая школа мастацтваў ім.Паплаўскага», танцавальны калектыў «Вясёлка» ДУА «Івянецкая сярэдняя школа». Кіраўнік праекта А. I. Копелева ўзнагародзіла ўдзельнікаў граматамі і медалямі. Свае музычныя падарункі дарылі ўсім прысутным на мерапрыемстве заслужаны калектыў Рэспублікі Беларусь фальклорны ансамбль «Купалінка», артысты беларускай эстрады і Белдзяржфілармоніі.