Валожынскі раённы
выканаўчы камітэт

У Мінскай вобласці на ІІ Гульнях краін СНД задзейнічаюць 110 валанцёраў. Аб гэтым паведаміў у праекце БЕЛТА "Краіна гаворыць" намеснік начальніка галоўнага ўпраўлення спорту і турызму Мінаблвыканкама Уладзімір Губарэвіч.

Абмежаванні на наведванне лясоў дзейнічаюць у 52 раёнах Беларусі. Гэта вынікае з інтэрактыўнай карты забарон і абмежаванняў на наведванне лясоў у раёнах Беларусі Міністэрства лясной гаспадаркі, паведамляе БЕЛТА.

2 жніўня выхаванцы аздараўленчага лагера “Дружба” Сівіцкай базавай школы  прынялі  ўдзел у рэспубліканскім экскурсійным марафоне “Дзіцячы аўтапоезд” па накірунку “Помніць, каб не паўтарыць”.

7 жніўня споўніцца 80 гадоў са дня жудаснай трагедыі, якая адбылася ў в.Вуглы ў 1943 годзе. Там карнікамі былі расстраляны 38 мірных жыхароў. На месцы той трагедыі  зараз стаіць помнік.

Выхавацель Аксана Паўлаўна Лукашык паведаміла дзецям гісторыю таго дня.

Выхаванцы ўсклалі кветкі да помніка, прыбралі вакол яго, успомнілі загіўшых мінутай маўчання.

Аляксандр Бібік выказаў свае ўражанні аб пачутым так: "Шуміць гаямі Налібоцкая пушча. Здаецца ў яе пошуме чуецца шэпт тых, хто загінуў ад рук фашыстаў у сорак трэцім. Нам варта прыслухацца да іх бязмоўнага голасу, да голасу сваёй душы, каб любой цаной зберагчы мір на зямлі".

У завяршэнні сённяшняга дня выхаванцы паглядзелі фільм (у рамках праекта "Глядзі і помні") "В бой идут одни старики".

sivica.volozhin-edu.gov.by

Спартыўныя аб'екты Мінскай вобласці гатовы прыняць спаборніцтвы любога ўзроўню і маштабу. Аб гэтым заявіў у праекце БЕЛТА "Краіна гаворыць" намеснік начальніка галоўнага ўпраўлення спорту і турызму Мінаблвыканкама Уладзімір Губарэвіч.

У Беларусі зменены стаўкі экспартных пошлін на нафту і нафтапрадукты, вывозімыя за межы мытнай тэрыторыі Еўразійскага эканамічнага саюза. Гэта прадугледжана пастановай Савета Міністраў ад 31 ліпеня 2023 года нумар 498, паведамляе БЕЛТА са спасылкай на Нацыянальны прававы інтэрнэт-партал.

Сёння выхаванцы нашай установы дашкольнай адукацыі з вялікай радасцю адзначылі "Міжнародны дзень дружбы". Гэты дзень проста створаны для таго, каб мы нагадалі сваім сябрам пра тое, якiя яны дарагія і важныя. Сябры нам патрэбныя ў любым узросце і пры любым стане душы! А вось сябраваць мы вучымся з дзяцінства.

Гэты дзень пачаўся з акцыі "Падары ўсмешку сябру", працягнуўся гутаркай "Дружба, як я яе ўяўляю!", выніковым мерапрыемствам было тэматычнае свята "Дзіцячы сад — гэта я, гэта ўсе мае сябры". Хлопцы спявалі песні, танцавалі, чыталі вершы і прыказкі пра сяброў. Свята прынесла не толькі станоўчыя эмоцыі, але і ўзбагаціла жыццё нашых дзяцей важнасцю сяброўскіх адносін. Хлопцы засвоілі, што з сябрамі добра і ў радасці, і ў суме. Сябры павінны быць у кожнага. Мы жадаем нашым хлопцам шчырых і верных сяброў!

lesovichok.volozhin-edu.gov.by

У летнія гарачыя дні людзі аддаюць перавагу праводзіць час на беразе вадаёма: хтосці паплаваць і пазагараць, хтосці парыбачыць. Але, як паказвае статыстыка гібелі людзей на вадзе, аб правілах бяспекі памятаюць далёка не ўсе.

Абсалютная большасць няшчасных выпадкаў фіксуецца ў выхадныя і святочныя дні, у вячэрні час сутак, а таксама ў месцах, не абсталяваных для купання. У мэтах прафілактыкі ратавальнікі Валожынскага раённага аддзела па НС правялі прафілактычны рэйд па вадаёмах раёна.

Падчас правядзення мерапрыемства ратавальнікі пагутарылі з адпачываючымі. Нагадалі ім аб правілах паводзін на вадаёмах, аб небяспецы купання ў забароненых месцах і ў стане алкагольнага ап'янення.

На асаблівым кантролі – дзеці: ратавальнікі тлумачаць правілы паводзін у вадзе, а бацькоў заклікаюць не пакідаць дзяцей без нагляду.

valozhin.by

1 жніўня на Міншчыне стартуе iнфармацыйна-прапагандысцкая кампанія «З клопатам аб бяспецы малой Радзімы». Мэта кампаніі - папярэджанне пажараў з-за неасцярожнага абыходжання з агнём і гібелі на іх людзей сталага ўзросту.

Пенсіянеры - адна з найважнейшых катэгорый насельніцтва, якая знаходзіцца пад пільнай увагай МНС. Для прыцягнення іх да пытанняў бяспекі ратавальнікі выкарыстоўваюць розныя формы работы, імкнучыся дастукацца да кожнага пажылога чалавека і ўцягнуць яго ў правядзенне маштабнай рэспубліканскай акцыі «З клопатам аб бяспецы малой Радзімы».

Акцыя пройдзе ў два этапы: першы – з 1 па 18 жніўня, а другі – з 18 верасня па 2 кастрычніка. У рамках гэтых этапаў запланавана шмат карыснага і цікавага. І, вядома ж, сустрэчы з жыхарамі сельскай (гарадской) мясцовасці, дзе прапагандысты яшчэ раз нагадаюць аб правілах бяспекі, зробяць акцэнт на прычынах узнікнення надзвычайных сітуацый.

Пра бяспеку ў руху таксама будзе вяшчаць спецыяльны транспарт МНС, які праедзе па сельскіх населеных пунктах для транслявання насельніцтву кароткіх прафілактычных тэкстаў праз гучнагаварыцель. Акрамя гэтага, ратавальнікі правядуць працу па маршруце руху гандлёвых аўталавак праз праект «Аўталаўка бяспекі». Сумесна з актывістамі і прадстаўнікамі зацікаўленых арганізацый яны паедуць у населеныя пункты, дзе ў месцах прыпынкаў перасоўных магазінаў разгорнуты інтэрактыўныя пляцоўкі, правядуць майстар-класы па аказанні першай дапамогі, размесцяць тэматычную інфармацыю на таварах народнага спажывання.

Кожны можа паўдзельнічаць у аглядзе-конкурсе на лепшае афармленне прысядзібнага ўчастка і аграсядзібы «Ландшафтны дызайн МНС».

Калі здаецца, што традыцыйная пошта - перажытак мінулага, то гэта вялікая памылка. Нашы бабулі і дзядулі працягваюць актыўна карыстацца гэтым відам паслуг і адчуваць тыя ж эмоцыі, што і раней – прыемнае трапятанне і лёгкае хваляванне пасля атрымання запаветных адпраўленняў. Менавіта таму работнікі прапаганды арганізуюць рассылку не толькі бяспечнай карэспандэнцыі, але і пасылак ад МНС, унутры якіх пажылыя людзі змогуць знайсці прадметы, здольныя зрабіць іх жыццё больш бяспечным. Так ні адзін адрас не застанецца па-за ўвагай прапагандыстаў.

Прыпеўкі - самы любімы і цытуемы від народнай творчасці. Нават у чатырохрадкоўе з лішкам месціцца ўся «соль» зададзенай тэматыкі. Ратавальнікі ўносяць сваю лепту і правядуць ужо традыцыйны конкурс для пенсіянераў «Прыпеўкі бяспекі».

Гэта толькі невялікі пералік тых мерапрыемстваў, якія правядуць прапагандысты з пажылымі грамадзянамі ў рамках кампаніі «З клопатам аб бяспецы малой Радзімы».

Завершыцца акцыя 2 кастрычніка шырокамаштабнымі мерапрыемствамі, якія пройдуць у рамках Міжнароднага дня пажылых людзей.

valozhin.by

25.07.2023 года ў Ракаўскім Цэнтры народнай творчасці Лямбовіч Хрысціна Станіславаўна, майстар па ткацтву паясоў, правяла майстар-клас “Водар ракаўскіх лугоў” па ткацтву габелена з лекавых раслін.

31 ліпеня выхаванцы лагера "Дружба" адправіліся на прагулку па родным аграгарадку з адной мэтай: завітаць да самых паважаных аднавяскоўцаў. І ім гэта ўдалося.

Сустрэліся з Чаславай Уладзіміраўнай Бурак, шаноўным педагогам, выхаваўшым не адно пакаленне сівічан.

Пабывалі ля дома, дзе раней жыў адважны партызан, стойкі камуніст, старшыня калгаса "Рассвет" (цяпер гэта КУП "Сівіца") Галубцоў Мікалай  Іванавіч. Зараз гэты дом належыць гаспадарам Яновічам. Віктар Іванавіч ветэран афганскай вайны—заўсёды паважаны госць у школе.

З Марынай Феліксаўнай Маляўскай сустрэліся літаральна на некалькі  хвілін - спяшалася на працу. Сацыяльны работнік, стараста аг.Сівіца, дэпутат, дэлегат Усебеларускага народнага сходу і адна з тройкі лепшых сацыяльных работнікаў цэнтральнага рэгіёна па выніках конкурсу "Лепшы сацыяльны работнік Мінскай вобласці 2022", карыстаецца пашанай людзей і маладзейшых і сталых. Яна паведаміла выхаванцам лагера пра сваю працу і пачаставала іх цукеркамі.

І закончылася прагулка адпачынкам і рухомымі гульнямі ў дэндрапарку.

sivica.volozhin-edu.gov.by