Валожынскі раённы
выканаўчы камітэт

Сёння на базе ДУА «Дашкольны цэнтр развіцця дзіцяці г.п. Івянец» Валожынскага раёна праходзіць дыялогавая пляцоўка.

Мерапрыемства сабрала спецыялістаў упраўленняў па адукацыі райвыканкамаў, метадыстаў раённых вучэбна-метадычных кабінетаў, якія курыруюць установы дашкольнай адукацыі, з удзелам членаў Савета па пытаннях дашкольнай адукацыі Мінскай вобласці. Прэзентацыйныя кампазіцыі гатовы да прыняцця ўдзельнікаў і ганаровых гасцей.

valozhin.by

Паважаныя жыхары і госці горада Валожына і Валожынскага раёна!

20 жніўня ў г. Валожыне па вул. Партызанскай, 19 (пляцоўка каля фізкультурна-аздараўленчага комплексу) будзе арганізаваны кірмаш «Школьны базар» з удзелам арганізацый гандлю і бытавога абслугоўвання.

Пачатак у 9.00. Чакаем Вас за пакупкамі з добрым настроем!!!!

Жніво ў раёне кожны дзень называе новых герояў, якія заваявалі ў гэтым сезоне значны рубеж - тысячную адзнаку. Працаўнікоў вёскі, якія задаюць тон на ўборцы ўраджаю, з працоўнай перамогай віншуюць прафсаюзы.

Падзячныя словы ў адрас аграрыяў КСУП «Сакаўшчына-Агра» кіроўцу Русіновічу Аляксандру Георгіевічу і аператару сушыльнай устаноўкі Рубану Аляксандру Антонавічу, прагучалі ад старшыні абласной арганізацыі Беларускага прафсаюза работнікаў лесу і прыродакарыстання Аляксандра Кузмітовіча і старшыні раённага аб'яднання прафсаюзаў Сняжаны Нахай.

Узнагародамі былі адзначаны таксама кіроўцы ААТ «Агра-Дубінскае» Конан Уладзімір Уладзіміравіч, Лянкевіч Антон Іванавіч і старэйшы аператар зернесушылкі ЗСК-30 КСУП «Пяршаі-2014» Халевіч Валянцін Зігмундавіч.

valozhin.by

Адразу два камбайнеры сельгаспрадпрыемства «Валожынскае» дасягнулі тысячнага намалоту збожжа: Яўген Паляшчук і Мікалай Жызнеўскі.

Павіншаваць першых камбайнераў-тысячнікаў у раёне на хлебнае поле каля вёскі Есьманаўцы прыехалі старшыня райвыканкама Яўген Круковіч, начальнік упраўлення па сельскай гаспадарцы і харчаванні Віктар Лявонік, дырэктар гаспадаркі Дзяніс Каралёнак.

Звяртаючыся да лідараў жніва, кіраўнік раёна адзначыў, што першая тысяча збожжа, намалочаная на камбайнах, – добры ўклад у хлебны каравай Валожыншчыны.

– Кожны з нас хоча ў нечым быць першым. Вось вы сёння сваёй працавітасцю, майстэрствам паказалі, што на ўборачнай кампаніі 2022 года менавіта вы сталі першымі камбайнерамі-тысячнікамі, - падкрэсліў Яўген Міхайлавіч. - На палях стаіць добры ўраджай, і я глыбока перакананы, што гэтая тысяча будзе на вашым рахунку не першая - хацелася б, каб 3-тысячную мяжу вам удалося перасягнуць.

Яўген Круковіч пажадаў перадавікам уборкі моцнага здароўя, мірнага неба і каб сілы і імкненні быць першымі не пакідалі іх і далей, а таксама ўручыў Падзякі старшыні райвыканкама і падарункі.
Самадзеяльныя артысты РЦК падарылі работнікам палёў музычнае віншаванне.

Першую тысячу намалаціў за 6 дзён

Яўген Паляшчук летась намалаціў 2300 тон і прадстаўляў наш раён на абласных «Дажынках-2022» у горадзе Капылі.

– Для мяне гэта 10-я ўборачная кампанія, - распавёў ён. - Тысячнікам быў заўсёды, больш за тое - браў і 3-тысячны рубеж. У гэтым годзе першую тысячу намалаціў за 6 дзён. Безумоўна, хацелася б атрымаць другую і трэцюю тысячу. Буду вельмі старацца!

9-ы сезон працуе на жніве і Мікалай Жызнеўскі. Ён таксама з ліку пастаянных камбайнераў-тысячнікаў у гаспадарцы.

Хочацца пажадаць нашым паважаным хлебаробам так трымаць і далей!

valozhin.by

У рамках рэспубліканскай акцыі «За бяспеку малой радзімы!» у вёсцы Вуглы падчас свята вёскі прайшоў «Кірмаш бяспекі», дзе кожны жадаючы змог праверыць свае веды ў галіне бяспекі, а таксама даведацца пра новую і карысную інфармацыю.

Для жыхароў і гасцей вёскі ратавальнікі разам са сваімі памочнікамі падрыхтавалі розныя заданні, выконваючы якія ўдзельнікі акцыі зараблялі падарункі. Кожны з вялізным задавальненнем удзельнічаў у акцыі і хацеў, як мага лепш і правільней адказаць на пытанні ратавальнікаў. Таксама ва ўдзельнікаў акцыі была магчымасць паўдзельнічаць у бяспройгрышнай латарэі і выйграць галоўныя прызы: аўтаномны пажарны апавяшчальнік або вогнетушыцель.

https://valozhin.by/16082022/zhiteli-derevni-ugly/

Інспекцыя Міністэрства па падатках і зборах Рэспублікі Беларусь па Валожынскім раёне ў сувязі з прыняццем пастановы Савета Міністраў і Нацыянальнага банка ад 14.05.2022 № 304/12 «Аб змяненні пастановы Савета Міністраў Рэспублікі Беларусь і Нацыянальнага банка Рэспублікі Беларусь ад 15 лістапада 2021 г .№ 647/11» (далей – Пастанова № 304/12) паведамляе наступнае.

Пастановай № 304/12 вызначана, што арганізацыі і ІП абавязаны выкарыстоўваць касавае абсталяванне пры ажыццяўленні рознічнага гандлю харчовымі таварамі, у тым ліку сельскагаспадарчай прадукцыяй, на кірмашах, гандлёвых месцах на рынках з 01.01.2023. Раней было ўстаноўлена, што такі абавязак надыходзіць з 18.05.2022 (п. 1 пастановы № 304/12; абз. 13, 14 падп. 1.4, абз. 2 п. 4 пастановы № 647/11).

Гэта змена азначае, што да 31.12.2022 (уключна) пры ажыццяўленні рознічнага гандлю на кірмашах і гандлёвых месцах на рынку харчовымі таварамі, у тым ліку сельскагаспадарчай прадукцыяй, арганізацыі і ІП могуць прымаць наяўныя грашовыя сродкі без прымянення касавага абсталявання. Пры гэтым пасля заканчэння працоўнага дня (змены), іншага перыяду, які вызначаецца суб'ектамі гаспадарання, але не радзей як адзін раз у сем дзён, на агульную суму выручкі павінен быць аформлены ВКО (п. 38 Палажэння № 924/16).

Таксама трэба ўлічваць, што на арганізацыі, ІП, якія да 18.05.2022 набылі і выкарыстоўваюць касавае абсталяванне пры ажыццяўленні рознічнага гандлю харчовымі таварамі на кірмашах, гандлёвых месцах на рынках, не распаўсюджваецца права не выкарыстоўваць гэта абсталяванне да 01.01.2023 (п. 41 Палажэння № 924/16).

Пастанова № 304/12 набыла моц з 18.05.2022 (п. 2 пастановы № 304/12).

На протяжении трех дней в Логойском районе кипели спортивные страсти, работали диалоговые площадки, проходили интеллектуальные конкурсы и квизы, гремела дискотека и не замолкал задорный смех. Наша молодёжь на областном фестивале показывала свои уникальные, творческие таланты, проявила себя в истории регионов, приготовила отменное блюдо в полевых условиях, креативно обустраила свой быт.