Акцыя з такой назвай крочыць па Валожыншчыне. На працягу трох месяцаў выратавальнікі будуць наведваць прышкольныя і стацыянарныя летнія аздараўленчыя лагеры. Галоўная мэта акцыі – папярэдзіць узнікненне пажараў па прычыне дзіцячых забаў з агнём, не дапусціць гібелі і траўматызму юных грамадзян.
З хлопчыкамі і дзяўчынкамі аздараўленчага лагера, што працуе на базе СШ № 2 г. Валожына, сустрэліся старшы інспектар сектара прапаганды і ўзаемадзеяння з грамадскасцю Алеся Радвіловіч. Яна правяла цікавае мерапрыемства, падчас якога дзеці вучылі правілы бяспекі, правяралі свае веды, прагледзелі навучальныя відэаролікі, паўдзельнічалі ў спартыўна-выратавальнай эстафеце.
