Воложинский районный
исполнительный комитет

У мінулую пятніцу ў РЦК прайшло святочнае мерапрыемства, прымеркаванае да Дня работнікаў сельскай гаспадаркі і перапрацоўчай прамысловасці.

На ўрачыстасць запрасілі дэлегацыі ад усіх сельгаспрадпрыемстваў раёна, у складзе якіх былі ветэраны працы і ерадавікі вытворчасці, лепшых работнікаў накіравалі райаграпрамтэхніка, масласырзавод, ветстанцыя, іншыя ведамствы, што маюць непасрэднае дачыненне да аграрнай галіны. У вестыбюлі раённага цэнтра культуры прыгожай музыкай іх сустракаў аркестр народных інструментаў дзіцячай школы мастацтваў, была разгорнута выстава майстроў дэкаратыўна-прыкладнога мастацтва.

З прафесійным святам усіх прысутных павіншаваў першы намеснік старшыні райвыканкама, начальнік упраўлення па сельскай гаспадарцы і харчаванні У. С. Чычкін. Ён адзначыў: свята працаўнікоў вёскі падводзіць вынік напружанай работы людзей, чые нястомныя рукі кормяць усю краіну, забяспечваюць жыццядзейнасць грамадства. Кожнае сельгаспрадпрыемства раёна ўносіць пасільны ўклад у агульны каравай Міншчыны і роднай Беларусі. Нягледзячы на складаныя пагодна-кліматычныя ўмовы сёлетняга года, дасягнуты па некаторых кірунках пэўны рост паказчыкаў: у прыватнасці, сабрана больш за 77 тысяч тон цукровых буракоў. У аптымальныя тэхнічныя тэрміны праведзена сяўба азімых зерневых і крыжакветкавых культур, узорана пад зябліва больш за 20 тысяч гектараў плошчаў, што дазволіць у значнай ступені спрасціць апрацоўку глебы вясной і закласці фундамент пад будучы ўраджай. Уладзімір Сяргеевіч падзякаваў сельгасвытворцам за цяжкую, не заўсёды ўдзячную, але вельмі годную працу і выказаў надзею, што ім пад сілу выкананне любых задач, якія ставяцца перад аграпрамысловым комплексам Валожыншчыны. Толькі разам, зладжанай работай усіх службаў, аддзелаў, структурных падраздзяленняў магчыма дасягнуць большага, а скрыты патэнцыял будзе развіты ў поўнай меры. Віншавальныя словы былі накіраваны і працоўным калектывам прадпрыемстваў перапрацоўчай прамысловасці, ад эфектыўнага функцыянавання якіх залежыць канчатковы вынік, бо менавіта іх работа дазваляе хутка і якасна давесці да спажыўцоў прадукцыю сельскай гаспадаркі. У. С. Чычкін пажадаў усім шчодрай працоўнай нівы.

У той вечар гучала шмат прыемных слоў у адрас тых, хто гаспадаром крочыць па роднай зямлі, цвёрда ступаючы па раллі, паважліва схіляючыся да залацістага коласа, з радасцю ўслухоўваючыся ў звон збожжавай ракі, хто сваімі мазолістымі рукамі, недаспаўшы вечары і ранкі, змагаўся, стараўся і рупіўся, каб наш агульны стол быў багаты. Канцэртныя нумары дарылі мастацкія калектывы, самадзейныя артысты, выканаўцы раённага Цэнтра і Івянецкага гарпасялковага Дома культуры, дзіцячых школ мастацтваў, а таксама малады спецыяліст – бухгалтар ААТ “Адамова-агра” Ангеліна Захарэўская. Прыгожыя песні, лірычная музыка далі магчымасць віноўнікам урачыстасці адпачыць душой ад карпатлівых, напружаных будняў і адчуць сваю значнасць і важнасць за адданасць зямлі.

16 ноября 2018 года на базе ГУО «Гимназия №1 г.Воложина» с целью создания условий для успешной профессиональной и социальной адаптации молодых специалистов состоялась традиционная встреча молодых специалистов учреждений образования района.

На встрече присутствовали Глебович С.В., заведующий сектором организационно-кадровой работы главного управления по образованию Миноблисполкома, представители управления по образованию, спорту и туризму Воложинского райисполкома, общественных организаций.

Тема встречи «Шаг в профессию: слагаемые успешной адаптации молодых педагогов».

Молодые специалисты имели возможность посетить выставку методических материалов «Педагогический поиск», посмотреть видеофильм «Гарады Беларуси: Валожын».

Методист учебно-методического кабинета управления Лушнова Г.В. акцентировала внимание на районных методических мероприятиях для молодых педагогов, в том числе, направленных на их творческую самореализацию. Одним из таких мероприятий стал районный конкурс «Университеты молодого педагога». Эссе «Моя профессия педагог» презентовала присутствующим участник конкурса Данько О.С., учитель начальных классов ГУО «Гимназия №1 г.Воложина».

Педагогическую мастерскую «Путь к успеху» провела с молодыми педагогами Ивановская Е.М., руководитель районной Школы молодого педагога, заместитель директора по учебной работе ГУО «Першайский учебно-педагогический комплекс детский сад – средняя школа».

Молодость — это не только пора мечтаний, но и время, когда определяется место человека в обществе. О проводимых в районе молодежных проектах, инициативах, популярных видах досуга среди молодежи рассказали Башаркевич В.В., главный специалист управления по образованию, спорту и туризму Воложинского райисполкома и Клачко Е.И., председатель Воложинской районной организации РОО «Белая Русь».

Одним из приоритетных направлений деятельности нашего государства была и остается реализация молодежной политики. О социальном партнерстве, защите прав молодых специалистов говорилаКаминская М.Н., председатель Воложинской районной   организации Белорусского профсоюза работников образования и науки.

Главный специалист ЦБУ №605 филиала 500 Минского управления ОАО «Сберегательный банк «Беларусбанк» Петыш Е. Л. довела до сведения присутствующих информацию о возможностях получения молодыми специалистами жилья по месту распределения и о предоставлении им льготных кредитов.

Конструктивно прошел открытый диалог «Есть проблемы? Ищем решения», в ходе которого заведующий сектором организационно-кадровой работы главного управления по образованию Миноблисполкома Глебович С. В. ответила на вопросы молодых специалистов. Светлана Валерьевна подчеркнула, что для нас очень важно, чтобы каждый молодой специалист почувствовал себя как дома, смог реализовать себя в выбранной профессии, достиг определенных успехов.

Встреча не только дала возможность молодым специалистам ознакомиться с системой социально-экономической поддержки и системой стимулов, обеспечивающих эффективную социальную адаптацию, но и содействовала формированию системы ценностной ориентации и активной гражданской позиции молодых специалистов, повышению значимости и престижа педагогической профессии, показала возможные пути профессиональной и социальной самореализации начинающих педагогов.

На мінулым тыдні ў Валожыне для сваіх наведвальнікаў гасцінна расчыніў дзверы супермаркет сеткі “Дабраном”. Гандлёвая кропка пачала работу ў самым сэрцы райцэнтра – у будынку ўнівермага. Што і казаць, для невялікага горада – момант знакавы. Як адзначыў адзін з першых  пакупнікоў, магазінаў шмат не бывае. І гэта сапраўды так. Чым вышэй канкурэнцыя, тым больш карысці для нас, спажыўцоў.

Ва ўрачыстым адкрыцці прынялі ўдзел генеральны дырэктар Алег Данілавіч Бялінскі, іншыя кіраўнікі арганізацыі. Мясцовую ўладу прадставіла намеснік старшыні райвыканкама па эканоміцы Іна Аляксееўна Сакалоўская. Іна Аляксееўна падкрэсліла: “Гэта падзея важная для кожнага з нас асобна і для эканомікі раёна ў цэлым. Упэўнена, адкрыццё магазіна паўплывае і на сярэднюю зарплату ў рэгіёне, і на стан раённага бюджэту. “Дабраном”, безумоўна, палепшыць тавараабарот, яго работа скажацца на асартыменце і якасці прадуктаў у іншых гандлёвых кропках – канкурэнцыю ж патрэбна вытрымаць. Хутка падобнае да сённяшняга мерапрыемства пройдзе ў Ракаве. Там яшчэ да канца бягучага месяца таксама адкрыецца філіял гэтай жа сеткі”.

Людзі пенсіённага ўзросту, маладыя матулі, падлеткі і моладзь… Усе, хто ў сярэдзіне дня змог дазволіць сабе паўдзельнічаць у мерапрыемстве, у лічаныя хвіліны запоўнілі 1100 квадратных метраў (менавіта такая плошча здадзена райспажыўтаварыствам у арэнду супермаркету).

Першых пакупнікоў літаральна правялі ў гандлёвую залу (досыць утульную!) дырэктар магазіна Марыя Мікалаеўна Альгасюк і рэгіянальны кіраўнік Мінскага абласнога ўпраўлення Віктар Вячаслававіч Місючэнка. Яны перарэзалі сімвалічную чырвоную стужку і далі старт першаму працоўнаму дню новага калектыву. Дарэчы, “Дабраном” прадаставіў працоўныя месцы 31 валожынцу (па рэспубліцы ў сетцы задзейнічаны каля паўтары тысячы супрацоўнікаў). Каля паловы – гэта прафесіяналы гандлю. Іх калегам без вопыту работы была прадастаўлена магчымасць навучання, такім чынам яны змаглі набыць новыя прафесіі, а гэта значыць, павысілі сваю вагу на рынку працы.

Як і ў большасці сучасных магазінаў, у “Дабраноме” радуе вока шырокі выбар тавараў харчовай і нехарчовай груп. Тут існуе сістэма скідак, дзейнічае дысконтная праграма, праходзяць акцыі. Адметнасцю можна лічыць тое, што нарэшце нашым пакупнікам прапануюць прадукцыю ўласнай вытворчасці, якая да гэтага часу не значылася ў асартыменце валожынскіх пунктаў гандлю: мноства гатовых страў з мяса і рыбы, паўфабрыкаты, салаты, выпечка, жэле, сушы і безліч іншых прысмакаў.

Падчас адкрыцця юныя валожынцы ацанілі святочныя сюрпрызы – паветраныя шары ў падарунак і магчымасць сфатаграфавацца з роставай лялькай – эмблемай магазіна.

Воложинский район участвует в гигиеническом проекте «Оценка загрязнения атмосферного воздуха населенных мест и акустическая нагрузка, обусловленные движением автотранспорта в Минской области». В рамках данного проекта проводятся измерения уровня шума и исследования атмосферного воздуха в следующих мониторинговых точках района: в г. Воложин, ул. Чапаева - влияние движения легкового и грузового автотранспорта, г. Воложин, ул. 60 лет БССР  - влияние автодороги М6, а.г. Раков, ул. Минская – влияние МКАД-2, населенные пункты примыкающие к реконструируемому участку автодороги М6 (а.г. Першаи, ул. Советская, 3, а.г. Першаи, ул. Заречная, 10, д. Довбени, 3, д. Капустино, 120, д. Перелесанка,  д. Пытань, 1, д. Мазурка, 8, д. Рум (участок № 1), д. Рум (участок № 2), д. Цаюны, 15, д. Яшковичи, 1) – влияние автодороги, и д. Лавский Брод – влияние автодороги М7.

За истекший период текущего года дважды проведены исследования атмосферного воздуха по показателям: диоксид серы, диоксид азота, оксид углерода, недифференцированная пыль, формальдегид, фенол в зоне влияния МКАД-2 (а.г. Раков, ул. Минская), в зоне влияния автодороги М6 (а.г. Першаи, г. Воложин, ул. 60 лет БССР), в г. Воложин, ул. Чапаева (влияние городского транспорта) – превышений по исследованным показателям не установлено.

В мониторинговых точках на территории жилой застройки в а.г. Раков, ул. Минская, а.г. Першаи, ул. Заречная, г. Воложин, ул. 60 лет БССР,  г. Воложин, ул. Чапаева, д. Довбени, 3, д. Капустино, 120, д. Перелесанка,  д. Пытань, 1, д. Мазурка, 8, д. Рум (участок № 1), д. Рум (участок № 2), д. Лавский Брод, ул. Пионерская, 7 - исследованный уровень шума создаваемый автотранспортом не превышал гигиенический норматив для дневного времени.

Уровень звука превысил допустимый для дневного времени суток в мониторинговых точках на реконструируемом участке автодороги М6 в д. Цаюны, 15 - на 4 дБА, д. Яшковичи, 1 – на 2 дБА, а.г. Першаи, ул. Советская, 3 - на 2 дБА, в г. Воложин, ул. 60 лет БССР, 52 – на 2 дБА.

Так же были проведены измерения уровня шума на территории жилой застройки в г.п. Ивенец, ул. Пушкина для оценки акустической нагрузки от производственной деятельности ЧТПУП «Функе-Бел», измеренные уровни звука  не превышали гигиенические нормативы.

В соответствии с Комплексом мероприятий  по обеспечению санитарно-эпидемиологического благополучия населения Воложинского района на 2018-2020 годы информируем, что  аналитический (лабораторный) контроль атмосферного воздуха в рамках выполнения программы производственного контроля провели следующие  предприятия: ООО «Битарел», ЧТПУП «Функе-Бел», ООО «Сплендор», СООО «Данпрод», нефтебаза «Воложин» ИООО «ЛУКОЙЛ Белоруссия», Воложинский производственный участок ОАО «Молодечненский молочный комбинат», филиал ОДО «Юлайн» г.п. Ивенец, ИП «Холодинтернешнл Плюс» д. Пряльники. В отобранных пробах атмосферного воздуха превышений предельно-допустимых максимальных разовых концентраций по исследованным показателям не обнаружено. Длительное проживание в условиях загрязненного атмосферного воздуха может привести к хроническому воздействию на организм человека низкодозовых концентраций химических веществ, что может в дальнейшем способствовать развитию заболеваний.

На основании проведенного анализа заболеваемости с временной нетрудоспособностью (далее – ВН) за 9 месяцев по Воложинскому району и отдельно по врачебным участкам, установлено, что основная заболеваемость с ВН  в районе распределяется таким образом:  болезни органов дыхания – 40,39 %, болезни костно-мышечной системы – 15,9 %, болезни системы кровообращения – 6,62 %, новообразования -  4,76 %, болезни органов пищеварения 4,4 %. В связи с тем, что на текущий момент, не установлены превышения гигиенических нормативов по измеренным химическим веществам в атмосферном воздухе, невозможно утверждать, что на распределение заболеваемости населения района основное влияние оказывает качество атмосферного воздуха. 

Мероприятия профилактического и предупредительного характера за соблюдением законодательства Республики Беларусь в области санитарно-эпидемиологического благополучия населения на субъектах хозяйствования продолжаются.

Врач-гигиенист                                                                  Н.М. Булова

Воложинского РЦГиЭ

19.11.2018 года

15 лістапада ў выставачным пакоі народнага аб’яднання народных майстроў “Скарбніца” адбылася творчая сустрэча з аўтарам выставы сувенірнай лялькі Наталляй Хаванскай “В ситцевом царстве, в шёлковом государстве”. Наведвальнікі пазнаёміліся з жыццёвым і творчым шляхам аўтара выставы.

Сардэчна запрашаем наведаць выставу, якая працуе да 30 лістапада!

     З адным з лепшых прадстаўнікоў сваёй каманды Дзмітрыем Вікенцьевічам КОНАЎКАМ мяне пазнаёміў кіраўнік ТАА “Адамова-агра” Павел Іванавіч Родзь. Калі па-выхадному апрануты, прывабны мужчына сустрэў на парозе адміністрацыйнага будынка гаспадаркі, не адразу паверыла, што ён той, з кім павінна гутарыць. Сапраўды, знешнасць аператара машыннага даення з Запур’я ўражвае, а жыццёвы шлях маладога чалавека выклікае бязмежную павагу і захапленне.

    У сельгаспрадпрыемства ён трапіў пасля заканчэння ПТВ-208. Пачынаў вадзіцелем. Пасля па стане здароўя давялося перайсці ў жывёлаводы. Спачатку карміў цялят, а калі ажаніўся і патрэбна было думаць пра жыллё, згадзіўся паспрабаваць сябе ў новай іпастасі. Безумоўна, спачатку саромеўся прызнацца, кім працуе, але з цягам часу да работы прывык, хутка выбіўся ў перадавікі (пайшлі падзякі, падарункі), нават адчуў гонар за тое, што змог дабіцца поспеху там, дзе не спадзяваўся. Працавіты з дзяцінства, ён не баіцца ніякай работы, прычым робіць даручанае толькі на выдатна – інакш проста не ўмее. Калі папрасілі паралельна з даеннем кароў выконваць абавязкі загадчыка, згадзіўся. Сумяшчэнне працягвалася тры гады. Сёння рады, што нарэшце перадаў пасаду іншаму чалавеку, але гэты факт не гаворыць пра тое, што асабіста ён стаў менш заняты. Мае новае сумяшчэнне – нясе адказнасць за 200 галоў маладняку.

    Дзмітрый Вікенцьевіч надзвычай сціплы чалавек. Проста, без жадання выклікаць спачуванне ці захапленне расказвае пра свой распарадак дня. Пад’ём у 5 гадзін (летам – у 4), у 11 – першая дойка, другая – у 18, дома – не раней за 21. Да таго ж на працягу дня – догляд за цялятамі, прывядзенне ў парадак даільнага абсталявання. А дома – уласная гаспадарка, дзеці… У чым жа сакрэт такой працаздольнасці? “Па-першае, хачу, каб родныя мелі ўсё неабходнае, па-другое, шкадую жывёлу, а па-трэцяе – дрэнна працаваць сорамна”, – тлумачыць без пафасу.  

     Мужчыну – аператара машыннага даення – сустрэнеш не часта. Большасць з нас прывыклі лічыць: работа гэта не для рук прадстаўнікоў моцнай паловы чалавецтва. Але ў Адамове з такім меркаваннем гатовы паспрачацца.

Казімір Іосіфавіч БАГУСЛАЎСКІ працуе на пасадзе галоўнага інжынера ААТ “Агра-Дубінское”.

Што сын абавязкова звяжа лёс з тэхнікай, яго бацькі не сумняваліся. Вельмі ж любіў разбіраць і складваць розныя механізмы. Дзесьці ў 9 класе вырашыў стаць машыністам поезда, пачаў налягаць на матэматыку, фізіку. Але старэйшы брат, які быў для юнака безумоўным аўтарытэтам, лічыў, што ніякая работа не можа параўнацца з інжынернай. Да таго ж вясковы юнак быў упэўнены: і яму, і малодшаму брату нельга адрывацца ад сельскай гаспадаркі. Таму хлопцы падалі дакументы ў Беларускі інстытут механізацыі сельскай гаспадаркі (сённяшні БАТУ), а паступіў у той раз менавіта Казімір. Вучоба захапіла, а пасля першай жа практыкі зразумеў: інжынер на сельгаспрадпрыемстве і ёсць яго прызванне. З той пары ні разу не ўсумніўся ў выбары.

    Сёння стаж яго работы – больш за 30 гадоў. Апошнія сезоны – у камандзе дубінскіх аграрыяў. Работа хоць і любімая, але надзвычай складаная. Гаспадарка вялікая, кожны з відаў работ вядзецца адразу на некалькіх палях. Даводзіцца несці адказнасць за стан 400 адзінак тэхнікі. Тут галоўнае – знайсці паразуменне і ўстанавіць даверлівыя адносіны з падначаленымі. Казімір Іосіфавіч з павагай адзываецца пра дубінскіх механізатараў, вадзіцеляў. На яго думку, больш адданых сваёй справе работнікаў знайсці цяжка. Паломкі выпраўляюцца імгненна, заказы на дэталі паступаюць загадзя. Пры неабходнасці галоўны інжынер і сам можа закасаць рукавы – ніякай работы не баіцца. Таму не адгаворваў сыноў, калі тыя заявілі пра жаданне прадоўжыць яго справу. Зараз у сям’і Багуслаўскіх два дыпламаваныя інжынеры і адзін студэнт – як і бацька, будучы інжынер-механік.

Міхаіла СЕЎРУКА з ААТ "Суднікаўскі" ў прафесіі тэхніка-асемянатара можна назваць навічком, але толькі з-за таго, што працуе не так даўно. А калі браць у разлік высокія вынікі, то ён – майстар гэтай адказнай справы.

   З кожнай сотні кароў, прайшоўшых працэдуру штучнага асемянення, нараджаюцца 92 цяляты.

      Міхаіл Іванавіч раз і назаўсёды аддаў свае душу, сэрца і працавітыя рукі роднай вёсцы, сельскай гаспадарцы. Восем гадоў адпрацаваў трактарыстам, мае пасведчанне механізатара 1-га класа, а яшчэ быў добрым слесарам, жывёлаводам. Новых спраў ён не баіцца.

Дыспетчар ААТ “Лоск” Галіна Антонаўна ГНІЛАЗУБ працуе ў сваім калгасе 43 гады.

    Пачала прафесійны шлях у 1975 годзе, калі пасля заканчэння Смілавіцкага аграрнага тэхнікума і размеркавання ўладкавалася брыгадзірам у калгасны сад, потым перайшла на пасаду спецыяліста ў аддзел кадраў, а ўжо ў 1996-м – у дыспетчарскую. Сама жанчына нарадзілася ў вёсцы Малое Запруддзе, цяпер жыве ў Гародзьках.

    Галіна Антонаўна выконвае адказную арганізатарскую работу: вядзе справаздачнасць, кіруе рабочым працэсам, выдае дарожныя лісты вадзіцелям. Расказвае, што самы напружаны час, калі ад рабочага тэлефона нельга адысці ні на хвіліну, – пасяўная і ўборачная кампаніі. Як і на любой працы, тут узнікае шмат складаных і няпростых момантаў, але вырашаць іх дыспетчар можа хутка і ўпэўнена. Шматгадовы вопыт і любоў да свайго занятку робяць яе незаменным і каштоўным работнікам.

Наталля Казіміраўна ХАЛЕВІЧ – галоўны заатэхнік КСУП “Пяршаі-2014” – ужо 15 гадоў аддана працуе ў гаспадарцы.

    Пачынала загадчыцай МТФ. Ніколі не адчувала страху перад жывёламі, выдатна спраўлялася з абярдзіна-ангусамі (мясная парода буйной рагатай жывёлы), а, між іншым, яны лічацца досыць агрэсіўнымі. Калі ж зразумела, што жывёлагадоўля і ёсць яе прызванне, паступіла ў Гродзенскі аграрны ўніверсітэт. Пасля абароны дыплома добра “ўзброеная” і тэорыяй, і практыкай атрымала прапанову заняць адказную пасаду. Ужо тады выдатна валодала інфармацыяй пра стан утрымання жывёлы ў сельгаспрадпрыемстве, ведала людзей. Таму прыйшла да высновы: са складанымі абавязкамі галоўнага заатэхніка справіцца.

    Сказаць, што яна застаецца спецыялістам з ранку да ночы, ні ў якім разе не будзе перабольшваннем. Працавітасць дасталася ў спадчыну, адказнасць выпрацавала ў сабе з гадамі. Муж, начальнік газавай службы гаспадаркі, таксама ўвесь у рабоце, а значыць, добра разумее жонку і яе клопаты.

   Наталля Казіміраўна не саромеецца называць сваю работу цяжкай, нават стрэсавай. З гэтым не паспрачаешся. Мінулы сельскагаспадарчы год стаў сапраўдным экзаменам на прафесіяналізм. Па аб’ектыўных прычынах катастрафічна не хапала кармоў, а статак патрэбна было зберагчы. Працаўнікі на чале з новым кіраўніком Віктарам Іванавічам Шалашом пераадолелі гэта выпрабаванне. Фермы Пяршайшчыны маюць моцны патэнцыял, таму сёння дружны калектыў жывёлаводаў з надзеяй глядзіць у будучыню.

     За развіццё раслінаводства ў КСУП “Пяршаі-2014” адказнасць нясе галоўны аграном Раман Іванавіч ГОЛУБ.

Выпускнік Горацкай акадэміі яшчэ ў школьныя гады вырашыў звязаць жыццё з сельскай гаспадаркай. У адказ на пытанне “Чаму абраў менавіта аграномію?” прызнаецца, што ніколі не разглядаў іншых варыянтаў. Самая старажытная сельгасгаліна вабіла цеснай сувяззю з зямлёй-карміцелькай, адданасць якой прывілі бацькі. Яны ўсё жыццё былі аграрыямі, і сына заахвоцілі да цікавай  і разам з тым складанай работы.

    “Як спрацуе раслінаводства, такія паказчыкі будуць і ў жывёлагадоўлі”, – сцвярджае Раман Іванавіч. Галоўны аграном ганарыцца выдатным ураджаем кукурузы, які сабралі ў бягучым годзе. Менавіта на гэту культуру зрабілі стаўку яшчэ падчас планавання пасеваў. Нягледзячы на тое, што мінулы сезон у дачыненні да кукурузы прынёс шмат расчараванняў, плошчу пад яе павялічылі аж на 1000 га – і не прагадалі. Парадаваў ураджай цукровых буракоў, не падвялі і травы: люцэрна – чатыры ўкосы, шматлетнікі – па два. Канешне, засуха не спрыяла ўраджайнасці зерневых, але спецыяліст радуецца: “Сёлета мы з кармамі!”. Яго бацька калісьці часта паўтараў: “За працавітасць зямля заўсёды аддзячыць добрым ураджаем”. Раман Іванавіч з камандай (аграномы Юрый Уладзіміравіч Навіцкі і Валерый Паўлавіч Фурман, начальнікі ўчасткаў Жанна Уладзіміраўна Церан, Віталій Вікенцьевіч Есьман, Сяргей Бенядзіктавіч Трасцянка) цалкам згодны з думкай продка.

 Ілона Мікалаеўна МАЛЯЎСКАЯ працуе ветэрынарным урачом у КУП “Сівіца” з 2010 года.

    Ілона – карэнная жыхарка Сівіцы. Скончыла мясцовую школу і паступіла ў Ільянскі дзяржаўны аграрны каледж, дзе вывучала спецыяльнасць ветэрынарнага фельчара. Пасля першай прыступкі цвёрда вырашыла спасцігаць прафесію далей. Першую вышэйшую адукацыю і дыплом ветурача атрымала ў Віцебскай дзяржаўнай акадэміі ветэрынарнай медыцыны. Цяпер вучыцца там жа на завочным аддзяленні, каб быць санітарным экспертам.

    Звязала жыццё з сельскай гаспадаркай выпадкова. Бацькі Ілоны працуюць у іншых сферах, але выбар дачкі цалкам падтрымалі. Спачатку планавала будаваць спартыўную кар’еру: дзяўчына з дзяцінства займалася лёгкай атлетыкай і мае шмат дасягненняў у спорце. Потым параілася з роднымі і абрала зусім іншую дзейнасць для прафесійнага развіцця, і ні разу не пашкадавала аб гэтым. Сваю работу любіць і штодня стараецца развівацца ў ёй. Больш за ўсё падабаецца, што праца не руцінная: кожны дзень перад ёй паўстаюць усё новыя задачы, якія патрабуюць новых падыходаў для вырашэння, атрымліваецца пазнаць нешта новае і набрацца вопыту. Аб'ём работы ў ветэрынарнага ўрача немаленькі: пад наглядам знаходзяцца 6 ферм, дзе ўтрымліваюцца 3000 кароў.

 ААТ “Агра-Дубінское” – адно з самых перадавых сельгаспрадпрыемстваў у раёне. Тут не толькі ўмеюць паспяхова працаваць, але і стараюцца дбаць пра дзень заўтрашні. А лёс будучыні, як вядома, – за новымі тэхналогіямі.

    Сёлета гаспадарка набыла ў лізінг сучасны камбайн нямецкай вытворчасці для ўборкі караняплодаў “Агрыфак”. Яго тэхнічныя характарыстыкі можна апісаць так: эфектыўнасць, эканамічнасць, экалагічнасць.

    Працаваць на трактары даручана вопытнаму механізатару Івану САЛОМКУ. Ён ужо паспеў ацаніць камфорт і зручнасць новай тэхнікі. Кажа, што ў кабіне выдатная гукаізаляцыя, клімат-кантроль, зусім як у легкавой іншамарцы экстра-класа. За адну змену камбайн можа ўбраць плошчу ў 20 гектараў, незалежна ад рэльефу глебы і надвор’я.   

     Кошт такой машыны немаленькі. Аднак дубінцы спадзяюцца хутка разлічыцца з даўгамі: цукровыя буракі ўрадзілі сёлета на дзіва – 550 цэнтнераў з гектара, а месцамі і больш. Пад салодкі караняплод у гаспадарцы была адведзена плошча ў 700 гектараў. Ёсць усе падставы меркаваць пра значны прыбытак.   

Паважаныя работнікі аграпрамысловага комплексу

Валожыншчыны, ветэраны вытворчасці!

    Віншую вас з прафесійным святам і ад усёй душы дзякую за нялёгкую працу і адданасць абранай справе.

    Аграрны сектар – важнейшая сфера эканамічнага жыцця нашай дзяржавы. Менавіта вы, хлебаробы, механізатары, жывёлаводы, кіраўнікі і спецыялісты гаспадарак, работнікі харчовай і перапрацоўчай прамысловасці, самаадданай працай забяспечваеце харчовую бяспеку дзяржавы, дабрабыт і росквіт кожнай сям’і.

    Я ўдзячны ўсім работнікам сельскагаспадарчай вытворчасці, чыімі поспехамі ганарыцца раён, ветэранам працы, якія перадаюць свае веды і вопыт маладому пакаленню.

    Жадаю ўсім моцнага здароўя, доўгіх гадоў жыцця, шчасця, дабрабыту, невычэрпнай бадзёрасці і энергіі, новых поспехаў ва ўсіх справах і пачынаннях! Няхай ваша праца заўсёды акупляецца багатым ураджаем і дастойнымі вынікамі, а кожны новы дзень дорыць толькі радасць!

Старшыня раённага выканаўчага камітэта

Мікалай Анатольевіч АСТРЭЙКА

     На ўскрайку Налібоцкай пушчы прытулілася малочнатаварная ферма «Даўбені» СГУ «Бабровічы» УП «Мінскаблгаз». Гэты сельскагаспадарчы аб’ект зусім не псуе маляўнічых краявідаў. Рухаючыся па новай аўтастрадзе М6, уважлівы назіральнік абавязкова адзначыць, наколькі светла-бірузовы колер будынкаў добра глядзіцца на фоне елак і сосен.

    Але не толькі з далёкага ракурсу выгадна выглядае ферма. Завітаўшы на яе двор, адразу бачыш, як па-гаспадарску ўсё дагледжана і ўпарадкавана. Кампліментаў і слоў падзякі, безумоўна, заслугоўвае кіраўніцтва сельгаспрадпрыемства, а таксама загадчыца МТФ Раіса Іванаўна Навіцкая.

     Жывёлагадоўля ў Бабровічах трымае лідзіруючыя пазіцыі па ўсіх паказчыках, якія забяспечваюцца трывалай кармавой базай, сучасным абсталяваннем і, галоўнае, граматнай кадравай палітыкай. Людзі тут трымаюцца за сваё працоўнае месца, дзе ім створаны добрыя ўмовы, гарантаваны высокія заробкі. Кожны работнік мае добраўпарадкаванае жыллё, у Калектыўным дагаворы прадугледжваюцца шматлікія льготы і дапамогі: два разы на год выдзяляецца тэхніка на апрацоўку прысядзібных участкаў, з нагоды значных сямейных падзей можна бясплатна атрымаць транспарт для падвозкі гасцей, існуе наладжаны механізм матэрыяльнага заахвочвання. 

      На малочнатаварнай ферме ў Даўбенях догляд за жывёлай ажыццяўляюць 20 чалавек – 16 рабочых і 4 спецыялісты. На іх ускладзены клопат пра дойны статак у 620 галоў і вырошчванне 327 цялят. Цяпер сярэднясутачны надой складае прыкладна 20 кілаграмаў, а прывагі маладняку – 820 грамаў.

     Першая дойка пачынаецца а палове шостай. Вопытныя даяркі справу сваю ведаюць і строга прытрымліваюцца патрабаванняў тэхналогіі. Як вынік – усё малако паступае на перапрацоўчыя прадпрыемствы толькі экстра-класам.

    Для адпачынку на ферме абсталяваны ўтульны пакой. У ім мы і засталі лепшых даярак: Марыну Андрэеўну ТАЛЕР, Марыну Анатольеўну КІСЕЛЬ, Алену Мікалаеўну ВАЙЦЯХОВІЧ, Яніну Тадэвушаўну СТАНКЕВІЧ, Настассю Уладзіміраўну ЛАНДЗАР. Жанчынам, тым больш калегам, заўсёды ёсць што абмеркаваць. Падчас размовы на ферму завітаў кіраўнік гаспадаркі Г. У. Бычкоўскі, запытаў: “Дзяўчаты, да мяне ёсць якія-небудзь просьбы, пытанні?” Пачуўшы ў адказ, што ўсё ідзе ў штатным рэжыме, Генадзь Уладзіміравіч развітаўся. Яго клікалі паўсядзённыя клопаты…

    Кожны год у сельскай гаспадарцы не падобны да іншых. Адзін адметны высокімі намалотамі, другі – сакавітым травастоем, трэці вызначаецца надоямі. Сёлетні год для аграпрамысловага комплексу Валожыншчыны таксама добра ўпісваецца ў гэту канцэпцыю.

    Аксіёма, што чым больш у сельскагаспадарчага статка корму, тым лепш гэта праявіцца ў вытворчасці аднаго з асноўных прадуктаў – малака, – вядомая ўсім. Сёлета кожная гаспадарка раёна істотна павысіла свой кармавы патэнцыял. Калі летась паказчык адзначыўся на ўзроўні 19 цэнтнераў кармавых адзінак на ўмоўную галаву жывёлы, то ў бягучым годзе гэта лічба ўзнялася да 27 цэнтнераў. А гэта ўжо важкі рэзультат!

    Планамерна мадэрнізуецца і сама вытворчая база. За кошт абласнога бюджэту і ўласных сродкаў сельгаспрадпрыемстваў уведзены ў эксплуатацыю 14 новых сіласна-сянажных траншэй. Плануюцца ў запуск 2 новыя клюшачнікі ў Пяршаях і Дубіне (адзін з іх з наступным уводам малочна-даільнага блоку), распачата будаўніцтва такога аб’екта ў ААТ «Суднікаўскі», яшчэ адзін будуецца сёння ў КСУП «Пяршаі-2014».

    Абнаўляецца і машынна-трактарны парк раёна. Для скарачэння тэрмінаў правядзення палявых работ, нарыхтоўкі кармоў, выканання тэхналагічных аперацый у раслінаводстве і жывёлагадоўлі па Указе Прэзідэнта Рэспублікі Беларусь № 146 ад 02.04.2015 г. праз лізінгавыя кампаніі былі набыты для гаспадарак Валожыншчыны 12 энерганасычаных трактароў «МТЗ-3522» і 12 дзевяцікорпусных плугоў да іх, 2 раздатчыкі-змешвальнікі кармоў «ІСРК-12», дыскатар «АПД-7,5», граблі «ГРЛ-9,5», а таксама 4 высокапрадукцыйныя кормаўборачныя комплексы «КВК-800» і 5 зернеўборачных камбайнаў «КЗС 12-18».

    Але не трэба забываць, што за ўсімі паказчыкамі і лічбамі, якімі мы ганарымся, стаіць самаадданая, напружаная праца многіх людзей. Прыміце ж, шаноўныя, самыя шчырыя віншаванні з Днём работнікаў сельскай гаспадаркі і перапрацоўчай прамысловасці аграпрамысловага комплексу!

    Уменні жыць і працаваць на зямлі, шчыраваць у раслінаводстве і жывёлагадоўлі, беражліва і рацыянальна выкарыстоўваць матэрыяльна-тэхнічныя рэсурсы застаюцца галоўнымі прыярытэтамі ў выкананні штодзённых задач. Нізкі паклон работнікам і ветэранам аграпрамысловага комплексу, усім аграрыям за самаадданую і добрасумленную працу, за высокі прафесіяналізм, за хлеб на нашых сталах! Моцнага здароўя вам, шчасця і ўдачы.