Воложинский районный
исполнительный комитет

Президент Республики Беларусь Александр Лукашенко поздравил Президента Федеративной Республики Бразилия Жаира Болсонару с национальным праздником - Днем независимости. Об этом БЕЛТА сообщили в пресс-службе белорусского лидера.

"Сегодня ваша страна демонстрирует значительные успехи в социально-экономическом развитии и укреплении своей роли на международной арене", - подчеркнул глава государства.

Александр Лукашенко также отметил: "Беларусь рассматривает Бразилию как одного из важнейших партнеров в Латинской Америке и заинтересована в дальнейшем углублении двусторонних связей".

Президент выразил убежденность, что плодотворное белорусско-бразильское взаимодействие в экономической, политической и гуманитарной сферах будет содействовать неуклонному прогрессу двух государств и росту благосостояния двух народов.

Источник: belta.by

Перадолеўшы тысячы кіламетраў, праехаўшы сотні гарадоў, пасёлкаў, вёсак, рэспубліканскі аўтапрабег “Сімвал адзінства”, прымеркаваны Дню народнага адзінства, сёння працягнуў свой шлях на Валожыншчыне – у гарпасёлку Івянец.

Яго ініцыятарам з’яўляецца грамадскае аб’яднанне “Патрыёты Беларусі”. Аўтамарафон сабраў разам аднадумцаў – людзей, якія шануюць спадчыну і жадаюць перадаць яе для сваіх дзяцей, а таксама захаваць мір, супакой і дабрабыт на роднай зямлі. Удзельнікі акцыі трымаюць шлях па знакавых гістарычных месцах, святых і дарагіх для кожнага беларуса. Некалькі дзясяткаў машын з чырвона-зялёнымі стужачкамі рухаюцца ад раёна да раёна. І ўсё дзеля таго, каб яшчэ раз упэўніцца: сіла народа – у яго адзінстве. Сімвалам маштабнай акцыі з’яўляцца зерне новага ўраджаю. Кожны са 118 гарадоў дорыць свой мяшочак з каштоўным грузам. Аформлены з нацыянальным каларытам, ён перадаецца з рук у рукі. Мэта гэтага дзеяння – спячы агульны беларускі каравай.

Валожыншчына стала 105-м раёнам на шляху аўтапрабегу “Сімвал адзінства”. Наша аўтакалона ў складзе 20 легкавых аўтамабіляў у 20 гадзін 14 хвілін сустрэла гасцей на мяжы з Дзяржынскім раёнам. Наступным прыпынкам стаў Івянец. На плошчы ў гарпасёлку ля царквы Святой Еўфрасінні Полацкай была ўстаноўлена міні-сцэнічная пляцоўка і разгарнулася само мерапрыемства. Тут сабраліся прадстаўнікі працоўных калектываў, грамадскасці, ветэраны, моладзь. Атмасферу свята стваралі патрыятычныя песні, у большасці прысутных у руках былі Дзяржаўныя флагі Рэспублікі Беларусь.

Паважаных гасцей прымалі прывітальнай песняй у выкананні Заслужанага аматарскага калектыву Рэспублікі Беларусь фальклорнага ансамбля “Гасцінец” Ракаўскага Цэнтра народнай творчасці і караваем, які ўручыў старшыня райвыканкама Яўген Круковіч. У духмяным бохаце – цеплыня рук работнікаў усіх сфер дзейнасці Валожынскай зямлі, дабрыня іх шчырых сэрцаў, напружанай працы, жыццёвай мудрасці і любові да Радзімы.

Ад імя ўдзельнікаў аўтамарафону ўсіх прысутных за цёплы прыём падзякавалі прадстаўнікі Рэспубліканскага грамадскага аб’яднання “Патрыёты Беларусі” Сяргей Рачкоўскі і Ганна Харута. “Праязджаючы па нашай краіне, з кожным разам упэўніваемся ў тым, колькі тут прыгожых месц, гасцінных людзей, – падкрэслілі яны. – І Валожынская зямля не выключэнне. Мы прымаем удзел у мерапрыемстве па закліку сэрца. Бо вельмі важна паказаць значнасць і адзінства народа. Любоў, разуменне павінны быць і ў сям’і, і ў краіне. Калі мы разам – мы адзіныя, і мы непераможныя!”

Далей кіраўнік раёна ўручыў удзельнікам аўтапрабегу мяшочак з зернем новага ўраджаю, сабраным сёлета на нашай зямлі са словамі: “Дазвольце мне перадаць у агульнарэспубліканскі каравай часцінку душы працаўнікоў Валожынскага раёна – спадзяюся , што з нашым укладам ён будзе яшчэ смачнейшы”. Яўген Міхайлавіч таксама падараваў гасцям сувенір ад івянецкіх ганчароў, які з любоўю вырабілі майстры гарпасёлка.

У знак удзячнасці ўдзельнікі аўтапрабегу падарылі валожынцам крышталь з контурам нашай краіны і з сімвалічным надпісам на ім: “Нас усіх аб’ядноўвае родная зямля”.

Цырымонія сустрэчы праляцела хутка. І зноў – у дарогу. З Івянца, дзе ў агульную аўтакалону на сваіх аўтамабілях уліліся больш за два дзясяткі аўтааматараў Валожыншчыны, марафон адзінства накіраваўся ў Маладзечанскі раён.

Толькі зялёнага святла вам на дарозе, патрыёты роднай зямлі!

Камітэт па сельскай гаспадарцы і харчаванні Мінскага аблвыканкама інфармуе, што з 7 верасня ў межах выканання плана супрацьэпізаатычных мерапрыемстваў па прафілактыцы шаленства на тэрыторыі раёнаў Мінскай вобласці праводзіцца распаўсюджванне вакцыназмяшчальных блістар-прынад для аральнай імунізацыі дзікіх драпежных жывёл з выкарыстаннем авіяцыі.

Раскідванне прынад (брыкет шэрага ці цёмна-карычневага колеру масай да 30 г, выраблены з кампанентаў кармоў, прыдатных для ўжывання драпежнымі жывёламі, мае спецыфічны пах) з вакцынай праводзіцца на тэрыторыі Рэспублікі Беларусь уздоўж мяжы з Латвійскай, Літоўскай і Польскай Рэспублікамі (за выключэннем населеных пунктаў і вадаёмаў) з выкарыстаннем самалётаў. Самалёты будуць здзяйсняць палёты на вышыні з хуткасцю 150-200 км/г, адлегласць між паралельнымі лініямі палётаў – 500 метраў. Прынады з вакцынай раскідваюцца з разліку 24+/-1 прынада на 1 кв. м.

Звяртаем увагу, што людзям, якія знаходзяцца ў месцах правядзення работ па распаўсюджванні прынад з вакцынай, неабходна пазбягаць зон палёту самалёта, каб не быць траўміраваным падаючымі прынадамі.

Алег ЖАЛНЯРОВІЧ,

галоўны ветэрынарны ўрач Валожынскага раёна

“Казачны” церамок па вуліцы Партызанскай.

Гісторыя Валожынскай дзіцячай бібліятэкі вельмі цікавая. Шмат цяжкасцей выпала на яе долю, шмат месцаў размяшчэння прыйшлося змяніць.

З задавальненнем наведвалі бібліятэку выхаванцы колішняй школы-інтэрната.

Да 1946 года фонд дзіцячай бібліятэкі знаходзіўся ў складзе раённай бібліятэкі, затым яна стала самастойнай. Спачатку знаходзілася ў памяшканні жылога дома па вуліцы Савецкай, потым пераехала на вуліцу Партызанскую ў аднапавярховы дом, дзе пасля бібліятэкі размясціўся дзіцячы садок. Цяпер гэты дом ужо не існуе, а на тым месцы вырас будынак камбіната грамадскага харчавання з фірменным магазінам “Глобус”. Пасля дзіцячая бібліятэка размяшчалася ў розных прыставаных памяшканнях: у будынках міліцыі, старога райвыканкама. І, нарэшце, атрымала ў карыстанне дом пад нумарам 26 на вуліцы Партызанскай.

Гэта двухпавярховы драўляны дом. Нібы “казачны” церамок у акружэнні прыгажунь-бяроз, ён стаіць сярод пяціпавярховых шматкватэрных дамоў і яшчэ здалёк кідаецца ў вочы. Менавіта ў гэтым доме доўгі час размяшчалася Валожынская дзіцячая бібліятэка.

Гэта двухпавярховы драўляны дом. Нібы “казачны” церамок у акружэнні прыгажунь-бяроз, ён стаіць сярод пяціпавярховых шматкватэрных дамоў і яшчэ здалёк кідаецца ў вочы. Менавіта ў гэтым доме доўгі час размяшчалася Валожынская дзіцячая бібліятэка.1946 года фонд дзіцячай бібліятэкі знаходзіўся ў складзе раённай бібліятэкі, затым яна стала самастойнай. Спачатку знаходзілася ў памяшканні жылога дома па вуліцы Савецкай, потым пераехала на вуліцу Партызанскую ў аднапавярховы дом, дзе пасля бібліятэкі размясціўся дзіцячы садок. Цяпер гэты дом ужо не існуе, а на тым месцы вырас будынак камбіната грамадскага харчавання з фірменным магазінам “Глобус”. Пасля дзіцячая бібліятэка размяшчалася ў розных прыставаных памяшканнях: у будынках міліцыі, старога райвыканкама. І, нарэшце, атрымала ў карыстанне дом пад нумарам 26 на вуліцы Партызанскай.

Гісторыя будынка налічвае каля 100 гадоў. Калісьці месціліся тут і дзіцячая паліклініка, і стаматалагічны кабінет, і ваенкамат, і Дом піянераў. Дзіцячая бібліятэка на правах пайшчыка займала палову дома 18 гадоў. А ў 1991 годзе ён быў перададзены на баланс аддзела культуры, і адзіным яго гаспадаром стала бібліятэка.

Па ўспамінах старажылаў, пабудаваны дом прыкладна ў 20-х гадах мінулага стагоддзя. Хтосьці лічыць, што там жылі чыноўнікі, якія працавалі ў тагачасным старостве (адміністрацыі). Некаторы час тут быў нават паліцэйскі ўчастак.

З навінкамі літаратуры юных чытальнікаў знаёміць Алена БАРАХОЎСКАЯ.

Першай гаспадыняй бібліятэкі была А. І. Перадзельская. Затым, у 1953 годзе, загадчыцай прызначылі Вольгу Ягораўну Пруднікаву. Яна працавала на гэтай пасадзе 20 гадоў. У 1973 годзе на змену ёй прыйшла Роза Іосіфаўна Сямякіна. А ў 1984 годзе загадчыцай дзіцячай бібліятэкі стала Алена Ігнацьеўна Барахоўская. Менавіта ў гэты час быў зроблены рамонт, праведзена каналізацыя і паравое ацяпленне. Сам будынак дзіцячай бібліятэкі набыў непаўторны, прыгожы выгляд.

Сённяшні і былыя дырэктары: Святлана ЯНКОЎСКАЯ, Алена СУГАКА, Алена ТРАСЦЯНКА.

У 1999 годзе бібліятэку ўзначаліла Ірына Міхайлаўна Зянько, якая працавала на гэтай пасадзе да верасня 2002 года. Яе пераемніцай стала Алена Францаўна Сугака. Затым кіраваць храмам кнігі даручылі Алене Іванаўне Трасцянка.

У 2018 года бібліятэку ўзначаліла Святлана Аляксееўна Янкоўская.

У 2012 годзе дзіцячая бібліятэка пераехала ў цэнтр горада, у былы будынак цэнтра дзіцячай творчасці, па адрасе: вуліца Беларуская, 2.

Гісторыя гэтага будынка таксама вельмі цікавая. Пабудаваны ён графамі Тышкевічамі ў 1900 годзе. Графская сям’я здавала яго ў арэнду. Пры Польшчы на першым паверсе месцілася сельскагаспадарчая кантора (“рольнік”, што ў перакладзе азначае “селянін”), у якой знаходзіліся спецыялісты, што распаўсюджвалі веды аб сельскагаспадарчых раслінах, пасевах, насенні і гэтак далей (нешта накшталт насеннай інспекцыі). Таксама тут займаліся гандлем сельскагаспадарчых прылад працы і тэхнікі: невялікі магазін быў абсталяваны на першым паверсе. У ім прадавалі косы, сярпы, вілы і многае іншае. За будынкам стаялі склады, у якіх размяшчалася больш аб’ёмная тэхніка – яе таксама можна было набыць: малатарні, сячкарні, вагі.

У гэтым жа будынку на першым паверсе з правага боку знаходзілася кавярня, дзе можна было выпіць каву, спіртныя напіткі, а таксама была ігральная ўстанова (гулялі ў карты, рабілі стаўкі і г. д.). Другі паверх займала пошта – тут прадаваліся канверты, газеты, часопісы, быў нават тэлефон. Падчас вайны будынак быў пашкоджаны, але яго адрамантавалі. Пасля вайны ў ім месціліся пошта, пасля – Дом піянераў, цэнтр дзіцячай творчасці (пераехаў у 2009 годзе).

У будынку быў зроблены капітальны рамонт, пасля якога сюды пераехала дзіцячая бібліятэка. Цяпер ён набыў прыгожы сучасны выгляд. Аддзелы бібліятэкі размешчаны ў больш прасторных светлых памяшканнях, акрамя агульнай чытальнай залы створана чытальная зала “Малышок” для дзяцей дашкольнага і малодшага школьнага ўзросту. Яна абсталявана спецыяльнай мэбляй для маленькіх чытачоў. Ёсць тут не толькі яркія, прыгожыя і цікавыя кніжкі, але і цацкі. Новай мэбляй абсталяваны таксама абанемент, чытальная зала і метадычны кабінет. Сродкі на набыццё былі выдаткаваны з раённага бюджэту.

Сёння Валожынская дзіцячая бібліятэка – гэта цэнтр прапаганды дзіцячай кнігі, цэнтр кіраўніцтва дзіцячым чытаннем, далучэння да нацыянальнай культуры, прывіцця ў дзяцей пачуцця прыгожага.

З 1987 года пры дзіцячай бібліятэцы працуе літаратурны клуб “Кругагляд”. Мэта клуба – прапаганда беларускай літаратуры і беларускай мовы, адраджэнне нацыянальнай культуры, краязнаўчая праца па вывучэнні гісторыі роднага краю, прапаганда творчасці мясцовых пісьменнікаў і паэтаў, знакамітых людзей краю. Шмат гадоў доўжыцца супрацоўніцтва з Валожынскім раённым радыё, дзе створаны радыёклуб “Кругагляд”. Лялечны гурток існуе з верасня 1989 года. У праграме гуртка – інсцэніроўкі беларускіх народных казак, казак беларускіх пісьменнікаў, вершаў. У 2000 годзе з мэтай знаёмства падлеткаў з разнастайнымі прафесіямі, дапамогі ім у выбары свайго шляху быў створаны прафарыентацыйны клуб “Ветразь”.

Таксама бібліятэка з’яўляецца метадычным цэнтрам для школьных і сельскіх бібліятэк раёна па рабоце з дзецьмі і падлеткамі. У зоне яе абслугоўвання знаходзяцца 2 сярэднія школы, гімназія № 1 г. Валожына, 4 дзіцячыя садкі.

Асноўныя паказчыкі працы за 2020 год:

чытачы – 2735;

кнігавыдача – 41618;

наведванні – 25618;

фонд бібліятэкі састаўляе 16322 экзэмпляры.

Гісторыю склаў калектыў Валожынскай дзіцячай бібліятэкі

У Валожынскі краязнаўчы музей прыйшоў цікавы ліст ад калег з г. Стаўрапаля. У Стаўрапольскім дзяржаўным музеі-запаведніку захоўваецца аэрафотаздымак, дзе адлюстравана частка цяперашняй тэрыторыі Валожынскага раёна. У здымка вельмі багатая і незвычайная гісторыя, якой з намі ахвотна падзяліліся.

Навуковыя супрацоўнікі расійскага музея высветлілі, што гэта фота рускіх вайскоўцаў-авіятараў. Фатаграфіі больш за сто гадоў! Як аэраздымак трапіў у Стаўрапаль, не ўстаноўлена. Вядома, што стаўрапольцы ваявалі ў складзе 10-й арміі, дзе быў зроблены здымак, – уваходзячы ў яе 2-і Каўказскі корпус фарміраваўся ў Каўказскай ваеннай акрузе, куды ўваходзіла Стаўрапольская губерня.

На аэрафотаздымку адлюстравана пакрытая снегам раўніна з участкамі лесу, крутыя павароты ракі Бярэзіны і чыгунка. На адваротным баку фатаграфіі ёсць подпіс на рускай мове:

“№ 750 – Углы-Мильковщина. Снято летчиком наблюдателем 34-го Корпусного авиационного отряда поручиком Гончаровым при полете с командиром отряда военным летчиком капитаном 2-го ранга Н. А. Яцуком 30-го января 1917 года в 16-м часу на аппарате Румплер с высоты 1100 м (аппар. Потте)”. Вёска Вуглы – кропка аэраздымкі. Вуглы – былы Падбярэзскі, а зараз Вішнеўскі сельсавет. На сённяшні дзень у ёй знаходзяцца пяць сядзіб, дзе пражываюць 15 чалавек.

Рускія ваенна-паветраныя сілы да пачатку Першай сусветнай вайны складаліся з падраздзяленняў, якія называліся авіяатрадамі. У першы дзень мабілізацыі ў Школе авіяцыі Імператарскага ўсерасійскага аэраклуба з выкладчыкаў і выпускнікоў быў сфарміраваны авіяатрад – Асобы добраахвотніцкі, пазней быў перайменаваны ў 34-ы карпусны авіяатрад, камандаваў ім М. А. Яцук.

 Мікалай Аляксандравіч Яцук (1884-1930) – легендарная асоба ў гісторыі авіяцыі – стаяў каля вытокаў гідрапланіравання, палярнай авіяцыі, авіяцыйнай медыцыны. Ён распрацаваў спецыяльную методыку, якую прымяняў пры падрыхтоўцы лётчыкаў-навічкоў да вылету пад агонь ворага. Складаў вершаваныя радкі, дзе былі названы населеныя пункты пэўнай мясцовасці фронту. Лётчыкі павінны былі вывучыць на памяць верш і здаць залік камандзіру перад вылетам. У адным з такіх вершаў былі радкі, што тычыліся мясцовасці з дасланага нам фотаздымка: “А южнее “пистолета” (так называўся лес, што мае форму браўнінга і густа насычаны непрыяцельскай артылерыяй) есть особая примета: деревень там очень много и железная дорога. Гуты там, Рогалевщина, есть Затишье, Мельковщина, два фольварка”… Гэтыя простыя рыфмы з лёгкасцю запаміналіся самі сабой і маглі выратаваць жыццё лётчыку пры складаных сітуацыях або раненнях. Дарэчы, М. А. Яцук быў узнагароджаны залатой зброяй “За адвагу” падчас вылетаў у гэты дзень, 30 студзеня, і за атрыманыя каштоўныя фотаздымкі і разведінфармацыю.

 Акрамя лётчыкаў, у атрадзе служылі лётчыкі-назіральнікі, іх называлі “летнабамі”. Менавіта яны вялі аэрафотаздымку, адстрэльваліся з кулямёта. Гэты здымак быў зроблены паручнікам Мікалаем Ганчаровым (1895-?). На фота ёсць штамп яшчэ аднаго “летнаба” – ад’ютанта атрада Мікалая Рахманінава (1893-1917) – зводнага брата вядомага рускага кампазітара Сяргея Рахманінава.

34-ы авіяатрад адносіўся да 10-й арміі, што трымала абарону ў Беларусі і базіравалася недалёка ад мястэчка Валожын. Усе пазіцыі непрыяцельскай артылерыі, выяўленыя на здымках, наносіліся на ваенныя карты і перадаваліся ў штаб гэтай арміі, які знаходзіўся ў горадзе Маладзечна.

Валожынскі краязнаўчы музей вельмі ўдзячны Стаўрапольскаму дзяржаўнаму музею-запаведніку за цікавую інфармацыю, якая дапаўняе звесткі пра перыяд Першай сусветнай вайны на тэрыторыі нашага краю.

Таццяна ВАСІЛЬЕВА,

навуковы супрацоўнік Валожынскага музея

Па выніках эфектыўнай работы па прадухіленні гібелі людзей ад знешніх прычын Падзякамі старшыні райвыканкама адзначаны старшыні Івянецкага гарпасялковага і Вішнеўскага сельскага выканкамаў Тэрэза Ліпніцкая і Марына Траццяк.

 З мэтай пастаяннага кантролю за тым, як у кожным домаўладанні выконваюцца правілы бяспекі, сочаць спецыяльныя назіральныя камісіі, што дзейнічаюць пры кожным сельвыканкаме. У іх склад уваходзяць прадстаўнікі мясцовай улады, медыкі, педагогі, сацыяльныя работнікі, інспектары ТЦСАН, участковыя інспектары міліцыі, прадстаўнікі РАНС, аўтарытэтныя грамадзяне.

Пры наведванні дамоў члены камісіі ў першую чаргу звяртаюць увагу на наяўнасць аўтаномных пажарных апавяшчальнікаў,  дасканаласць пячнога ацяплення (цэласнасць дзверцаў, топачны ліст, шчыліны), стан электрычнай праводкі і іншага электраабсталявання, а таксама на санітарны стан жылля, паводзіны гаспадароў (злоўжыванне алкаголем, курэнне). Па выніках наведвання запаўняецца спецыяльная ўліковая форма. Пры неабходнасці інфармацыя накіроўваецца суб’ектам прафілактыкі: калі ў сям’і маюцца дзеці – у школу, калі грамадзяне адносяцца да катэгорыі адзінокіх – у тэрытарыяльны цэнтр сацыяльнага абслугоўвання насельніцтва, калі да адзінока пражываючых – іх дзецям, у выпадку калі ўладальнікі дома вядуць асацыяльны лад жыцця – у РАУС.

Штотыднёва назіральныя камісіі накіроўваюць справаздачы ў РАНС і штомесячна – у раённы Савет дэпутатаў. Галоўная задача агульнай дзейнасці – прадухіленне гібелі людзей.

Як паведаміла Марына Іосіфаўна Траццяк, за паўгоддзе камісіяй, якую яна ўзначальвае, абследаваны 1403 домаўладанні (48%), у тым ліку ўсе шматдзетныя сем’і, адзінока пражываючыя і адзінокія жыхары.

Добрая ў азначаным кірунку карціна і ў гарадскім пасёлку. Тут з пачатку года па цяперашні час абследаваны  больш за тысячу (72%)  домаўладанняў. Па выніках праверак накіраваны 60 лістоў самім грамадзянам і арганізацыям па вырашэнні пытанняў пажарнай бяспекі.

Узнагароды Т. Я. Ліпніцкай і М. І. Траццяк падчас пасяджэння раённага выканаўчага камітэта ўручыў кіраўнік раённай улады Яўгеній Круковіч.

Валянціна КРАЎНЕВІЧ,

фота аўтара

Пры звароце ў службу занятасці вы можаце разлічваць на аказанне садзейнічання ў працаўладкаванні, прафесійную падрыхтоўку, перападрыхтоўку і павышэнне кваліфікацыі, КАЛІ:

 немагчыма падабраць падыходзячую работу з-за адсутнасці ў беспрацоўнага неабходнай кваліфікацыі (спецыяльнасці);

неабходна змяніць прафесію (спецыяльнасць, род заняткаў) у сувязі з адсутнасцю работы, што адпавядае прафесійным навыкам беспрацоўнага, якія ён мае, і ў адпаведнасці з яго індывідуальнай праграмай рэабілітацыі;

беспрацоўным страчана здольнасць ці ўзніклі супрацьпаказанні да выканання работы па папярэдняй прафесіі (з-за працяглага перапынку ці стану здароўя).

Дзяржава ГАРАНТУЕ беспрацоўным:

бясплатнае садзейнічанне ў працаўладкаванні;

бясплатную прафесійную падрыхтоўку, перападрыхтоўку і павышэнне кваліфікацыі з улікам грамадскага запатрабавання і ў адпаведнасці са схільнасцямі, здольнасцямі, навыкамі і асаблівасцямі іх псіхафізічнага развіцця;

выплату стыпендыі ў перыяд навучання па накіраванні органаў па працы, занятасці і сацыяльнай абароне насельніцтва;

бясплатны медыцынскі агляд.

У прыватнасці, у спецыялізаваным навучальна-рэабілітацыйным цэнтры рэспубліканскага ўнітарнага прадпрыемства “Беларускі пратэзна-артапедычны аднаўленчы цэнтр” беспрацоўныя грамадзяне, якія маюць групу інваліднасці, могуць атрымаць прафесію “Аператар электронна-вылічальных машын (персанальных ЭВМ)”, а таксама рабочыя спецыяльнасці па індывідуальнай форме навучання: абутнік, цырульнік, сталяр, выканаўца мастацка-афарміцельскіх работ.

Па пытаннях працаўладкавання, навучання і перанавучання звяртайцеся па адрасе: г. Валожын, пл. Свабоды, 2, упраўленне па працы, занятасці і сацыяльнай абароне райвыканкама ці па тэлефоне: 55233.

Аддзел занятасці

С 01 сентября 2021 по 10 сентября 2021 года в Республике Беларусь проводится «Единый день безопасности».

Основная цель акции – привлечение внимания общественности к вопросам безопасности, а также снижение гибели людей от внешних факторов.

Активизация усилий всех государственных органов будет направлена на пропаганду безопасных условий проживания, развитие в обществе культуры безопасности жизнедеятельности, проведение образовательно-воспитательной работы с подрастающим поколением. 

В рамках проведения единого дня безопасности в филиалах предприятия будут организованы: - мероприятия в рамках выступления в учебных заведениях и трудовых коллективах по правилам пользования газом в быту; акция «Дорога-символ жизни!»;  демонстрация видеороликов, видеосюжетов на плазменных мониторах, расположенных в филиале; распространение наглядно-изобразительной продукции среди населения.   

С  персоналом аварийно-диспетчерских служб будут проведены внеочередные практические тренировки по локализации и ликвидации аварийных ситуаций на опасных производственных объектах.

Соблюдение требований «Правил пользования газом в быту» позволит сохранить здоровье, а порою, и саму жизнь.

Учитывая сложную санитарно-эпидемиологическую обстановку, мероприятия будут организованы и проведены с учетом рекомендаций Министерства здравоохранения Республики Беларусь по профилактике коронавирусной инфекции (COVID-19) в организациях, рекомендаций Министерства здравоохранения Республики Беларусь и Министерства образования Республики Беларусь по организации образовательного процесса в учреждениях образования в условиях распространения инфекции COVID-19, а также комплексных планов санитарно-противоэпидемических мероприятий, направленных на предотвращение возникновения и распространения инфекции COVID-19.

З 1 чэрвеня Валожынскі хлебазавод узяло ў арэнду гандлёвае ўнітарнае прадпрыемства “Аблкаапгандаль”. З прыходам новага гаспадара работа тут значна ажывілася: павялічыліся рынкі збыту і пашырыўся асартымент выпускаемай прадукцыі. А самае галоўнае – у людзей ёсць работа.

Безумоўна ж, вытворчасць дасталася незайздросная – з вялікімі даўгамі і на стадыі ліквідацыі. Працавалі па запатрабаванасці: ноччу выпякалі хлеб, а ўдзень – невялікія аб’ёмы кандытарскіх вырабаў, якія гатаваліся, можна сказаць, уручную. Прадукцыя пастаўлялася ў асноўным на мясцовы рынак: у магазіны горада і раёна. Калектыў складаўся з 46 чалавек – на сённяшні дзень ён не павялічыўся.

Адраджэнне пачалося з мадэрнізацыі: закупілі машыну-аўтамат для вырабу пячэння. Каб максімальна задаволіць попыт пакупніка, папрацавалі над асартыментам і ўпакоўкай. Стаўку зрабілі на якасць – уся прадукцыя натуральная, без харчовых Е-дабавак. Тэхнолаг Наталля Палуянчык распрацавала некалькі традыцыйных рэцэптаў: цукровае “Смак дзяцінства”, “Апетытнае”, “Да чаю”, “Сустрэча”. Згодна з сучаснымі запатрабаваннямі, яно расфасавана і ўпакавана ў кардонныя скрыначкі вагой ад 300 грамаў да 3 кілаграмаў. Захоўваецца да 5 месяцаў. Таму, набываючы ў гандлёвай сетцы пячэнне, абавязкова звярніце ўвагу на вытворцу: калі там будзе напісана ГУП “Аблкаапгандаль”, значыць, выраблена на Валожынскім хлебазаводзе. А гэта, як і ў савецкі час, не проста брэнд, а знак якасці.

Набылі і машыну для ўпакоўкі хлеба – такія правілы прадыктаваны складанай эпідэміялагічнай сітуацыяй ва ўсім свеце. Пачалі выпякаць новы від хлеба пад назвай “Калядны”: гэта фармавы хлеб з сумесі мукі 1-га гатунку і аржаной з дабаўленнем солі, вады і дражджэй. Ізноў жа – без усялякіх дабавак. Асаблівы акцэнт вытворцы робяць на захаванне старажытных традыцый выпякання хлеба: ён выпякаецца ў печы, зробленай з цэглы, якая з’яўляецца аналагам рускай печы, з душой і любоўю. Ну а пра смакавыя якасці нашага хлеба і ўвогуле казаць не варта: калі разразаеш свежы бохан, з яго ідзе прыемны кіславаты пах, які адразу ж абуджае апетыт. Таксама на хлебазаводзе аднавілі выпуск кісялю.

Зразумела, каб быць на плаве, трэба пашыраць рынкі збыту. Акрамя спажыўцоў, якімі з’яўляюцца буйныя гандлёвыя сеткі – “Еўраопт”, “Дабраном”, “Капеечка”, валожынская прадукцыя цяпер пастаўляецца на паліцы магазінаў суседніх раёнаў: Маладзечанскага, Вілейскага і Мядзельскага. Закуплены новы аўтамабіль для развозкі хлеба.

Як адзначыў дырэктар ГУП “Аблкаапгандаль” Віталій Сызранцаў, сама абласная база кааператыўнай прамысловасці працуе з 60-х гадоў мінулага стагоддзя. “Акрамя аптовага гандлю харчовымі і нехарчовымі таварамі, мы маем сеткі кніжных магазінаў і магазінаў па продажы спіртных напіткаў “Градус” па Мінскай вобласці, – расказаў Віталій Аляксеевіч. – Займаемся нарыхтоўкай і перапрацоўкай мяса, дзеля чаго ёсць жывёлазабойныя пляцоўкі ў Валожыне, Салігорску і Крупках; маюцца пункты прыёму металалому. Яшчэ адзін від дзейнасці – продаж ветэрынарных прэпаратаў. Дарэчы, апошнія кірункі вызначыліся каля трох гадоў таму. Досыць цесна працуем з сельгаспрадпрыемствамі: праз іх сетку пастаўляюцца прадукты харчавання на кухні харчаблокаў гаспадарак у гарачую пару. І вось зараз асвойваем новы напрамак – выраб хлеба. Карыстаючыся магчымасцю, хацелася б падзякаваць асабіста намесніку старшыні Валожынскага райвыканкама па эканоміцы Вользе Багатыровай за садзейнічанне ў арганізацыі ўзаемадзеяння нашага прадпрыемства з гандлёвымі аб’ектамі Валожыншчыны”.

Будзем спадзявацца, што ўзяты курс, заснаваны на традыцыях і якасці і такі актуальны ў наш час, абавязкова прынясе плён.

Алена ЗАЛЕСКАЯ