Воложинский районный
исполнительный комитет

У Валожынскай школе мастацтваў працуюць таленавітыя і адданыя сваёй справе педагогі. Кожны з іх заслугоўвае павагі і добрых слоў. З нагоды Дня работнікаў культуры аддзел ідэалагічнай работы, культуры і па справах моладзі райвыканкама адзначыў Ганаровай граматай выкладчыка па класе цымбалаў А. Л. КЛІМЯНКОВУ.

Значную ролю ў выбары прафесіі і станаўленні Аліны Леанідаўны сыграла маці – Ірына Пятроўна, якая сама не была абдзелена талентам, добра спявала. Ёй вельмі хацелася, каб дачка паступіла ў музычную школу. Таму яшчэ ў дзіцячым садку пацікавілася ў музычнага кіраўніка, ці ёсць у дзяўчынкі здольнасці. А калі Аліна пайшла ў першы клас, жанчына дамовілася з настаўніцай з групы падоўжанага дня, што тая будзе адпускаць дачку на заняткі ў музычную школу.

На выбар дзяўчынцы прапанавалі вучыцца ігры на скрыпцы, домры, фартэпіяна і цымбалах. Наведаўшы розныя ўрокі, Аліна аддала перавагу цымбалам, вельмі спадабалася ёй прыгожая, статная настаўніца Г. М. Кулеша. Сем гадоў яна дапамагала нашай гераіні спасцігаць усе прамудрасці спецыяльнасці, з іх апошнія два – рыхтавала сваю вучаніцу да паступлення. Неўзабаве Аліна Леанідаўна стала студэнткай Мінскага дзяржаўнага каледжа мастацтваў па класе цымбалаў.

Праз чатыры гады малады спецыяліст вярнулася ў Валожын, пачала выкладаць у школе мастацтваў. Прапрацаваўшы год, вырашыла паступаць у вышэйшую навучальную ўстанову. Адвучыўшыся ў Беларускім дзяржаўным універсітэце культуры і мастацтваў, атрымала спецыяльнасць сацыяльнага педагога. Жанчына гаворыць, што гэта адукацыя вельмі дапамагае ёй у рабоце з дзецьмі, у зносінах з іх бацькамі.

У новым навучальным годзе Аліна Леанідаўна вучыць ігры на цымбалах 13 чалавек, двое з іх толькі пачалі спасцігаць азы гэтай навукі. Сваю выпускніцу Ірыну Кадырка педагог рыхтуе да паступлення ў каледж. Нядаўна ў раённым конкурсе інструментальнага майстэрства «Асаблівы сусвет» дзяўчына заняла 1-е месца. Яшчэ адна выхаванка – Вікторыя Гаспарэвіч – на III адкрытым рэгіянальным фестывалі-конкурсе выканаўцаў на народных інструментах імя К. Паплаўскага ў малодшай узроставай групе заняла 3-е месца.

Аліна Леанідаўна ўпэўнена, што ў дзяцей, акрамя школьных урокаў, павінны быць яшчэ дадатковыя заняткі. Гэта спрыяе развіццю, вучыць правільна размяркоўваць час. Педагог на вопыце ведае, што вельмі часта талент раскрываецца ў працэсе навучання. Самае галоўнае ў выхаванні, лічыць яна, – прыклад бацькоў і іх падтрымка.

Анжэла РАДЫНА,

фота аўтара

Такая рэкамендацыя прагучала падчас сустрэчы прадстаўнікоў Парламента і ўлады з членамі адной з будаўнічых арганізацый раёна.

Нядаўна з рабочым візітам Валожыншчыну наведалі дэпутаты Палаты прадстаўнікоў Нацыянальнага сходу Рэспублікі Беларусь 6 склікання, намеснікі старшыні пастаяннай камісіі па заканадаўстве Іван Станіслававіч Маркевіч і Максім Уладзіміравіч Місько, а таксама памочнік дэпутата, першы намеснік старшыні праўлення ГА “Беларускі фонд міру” Аляксандр Уладзіміравіч Чырко. Разам са старшынёй райвыканкама Мікалаем Анатольевічам Астрэйкам яны перад пачаткам рабочага дня правялі сустрэчу-нараду з калектывам ААТ “ПМК-188”.

Інтарэс парламентарыяў і прадстаўнікоў улады менавіта да гэтай арганізацыі ўзнік недарэмна. Тут апошнім часам прасочваецца складаная эканамічная сітуацыя. А яе галоўнай прычынай служыць тое, што істотныя фінансавыя сродкі, звязаныя з асноўнай дзейнасцю прадпрыемства – будаўніцтвам на Валожыншчыне,  праходзяць “міма” ўнутранага бюджэту: гэтай дзейнасцю займаюцца іншыя структуры. І практычна ўсе яны размешчаны па-за межамі нашага раёна. Адкрытае акцыянернае таварыства “ПМК-188” трымае на субпадрадзе 44 такія арганізацыі. А гэта заведама пройгрышная стратэгія: прыбытак, які можна было б атрымаць пры ўмове выканання будаўнічых работ уласнымі сіламі, паступае на рахункі іншых удзельнікаў рынку гэтых паслуг.

Сёння ў “ПМК-188” працуе 61 чалавек, сярэдняя заработная плата складае 460 рублёў. На парадку дня ў калектыве – будаўніцтва некалькіх аб’ектаў, буйнейшым з якіх выступае новы клюшачнік на тэрыторыі ААТ “Агра-Дубінское”. На яго ўзвядзенне і падрыхтоўку да ўводу ў эксплуатацыю плануецца асвоіць 130000 рублёў. Аднак пры гэтым знешняя запазычанасць перад арганізацыямі на парадак перавышае названую суму. Адчуваецца востры недахоп тэхнікі і ўмелых рабочых рук…

Як слушна заўважыў Іван Станіслававіч Маркевіч, ад сітуацыі, пры якой нашаму прадпрыемству даводзіцца прыцягваць да выканання работ староннія арганізацыі, пакутуе эканоміка ўсяго рэгіёну. Не сакрэт, што зацікаўленасць раённай вертыкалі ўлады заключаецца ў тым, каб прыярытэт у гэтай справе належаў усё ж будаўнікам Валожыншчыны. А таму, каб апраўдаць надзеі і палепшыць уласнае фінансавае становішча, патрэбна сканцэнтравацца на нарошчванні працоўнага і тэхнічнага рэсурсаў. Тады і атрымаецца выставіць патэнцыяльнаму заказчыку найбольш выгадныя ўмовы і выйграць тэндар. Дэпутат Палаты прадстаўнікоў параіў шчыльней працаваць з банкамі, разгледзець варыянты набыцця неабходных тэхнічных сродкаў у лізінг – сёння існуюць дастойныя, вартыя ўвагі ўмовы. Магчыма, кіраўніцтву трэба арыентавацца і на набыццё кітайскіх агрэгатаў. Яны хоць і не самыя перадавыя па якасці, затое каштуюць танней. А калі на балансе ААТ “ПМК-188” акажуцца 10-12 новых машын (кранаў, экскаватараў і іншых), то можна будзе гаварыць і пра нарошчванне аб’ёмаў вытворчасці, стабілізацыю і рост як знешніх, так і ўнутрыкалектыўных заробкаў. У гэтым бачанні выйсця з кола праблем парламентарыя цалкам падтрымалі калегі.     

Старшыня ж раённага выканаўчага камітэта, у сваю чаргу, заклікаў набіраць каманду ўмелых спецыялістаў. Мікалай Анатольевіч прывёў няхітрыя разлікі: толькі на тынкаванні сцен за 22 рабочыя дні можна дастаткова ўпэўнена зарабіць каля 900 рублёў на чалавека. Але пры ўмове, што работа будзе сапраўды выканана сумленна і якасна. А таму ўжо цяпер калектыву варта заяўляць пра сябе. Першым крокам у гэтым кірунку можа стаць рэкламаванне тавараў і паслуг у выглядзе інфармацыйнага шчыта каля ўваходу на тэрыторыю прадпрыемства з узорамі прадукцыі і цэннікамі.

Пасля сустрэчы з калектывам ААТ “ПМК-188” была арганізавана азнаямленчая паездка на пляцоўку, дзе ідзе падрыхтоўка да будаўніцтва новага дубінскога клюшачніка. Таксама высокія госці наведалі і валожынскі філіял ААТ “Маладзечанскі малочны камбінат”, дзе пазнаёміліся з працэсам вытворчасці экспартнай прадукцыі і абмеркавалі стратэгічныя шляхі выхаду на новыя рынкі збыту.

Сяргей САДОЎСКІ,

фота аўтара

Даведаўшыся ад старшыні Івянецкага гарпасвыканкама Тарэсы Ліпніцкай, што кандытарская фабрыка “Івкон” працуе ў тры змены, тут жа захацелася падзяліцца гэтай добрай навіной з нашымі чытачамі.

Яшчэ месяц назад хадзілі чуткі, што славутае прадпрыемства стала банкрутам і ў яго гісторыі пішуцца апошнія радкі…

Негатыўныя звесткі аказаліся залішне перабольшанымі. Антыкрызісны план кіраўніцтва “Івкона” стаў тым выратавальным кругам, які дазволіў калектыву не толькі пратрымацца на плаве, але і з надзеяй глядзець у будучыню.

Заяўкі на салодкую прадукцыю паступаюць зараз як ад суб’ектаў айчыннага рынку, так і блізкага замежжа. Галоўнае, што марка “Івкон” давер у спажыўца не страціла, а значыць, івянецкія ласункі і далей будуць радаваць нас знаёмым смакам. 

Упакоўшчыца Святлана БУБЕН і грузчык Васіль РУДОВІЧ прадстаўляюць тую частку працоўнага калектыву, якая не губляла аптымізму нават у самыя цяжкія часы. І Святлана Данілаўна, і Васіль Пятровіч аддалі роднаму прадпрыемству не адзін год жыцця. Яны вераць, што “Івкон” з поспехам не размінецца, а рост эканамічных паказчыкаў пацягне за сабой і іх асабісты дабрабыт.

Алена ЗБІРЭНКА,

фота аўтара

Ірына Міхайлаўна ЗЯНЬКО нарадзілася ў Багданаве Валожынскага раёна, дзе і скончыла дзесяцігодку. У дзяцінстве захаплялася не толькі казкамі, але і больш сур’ёзнымі творамі. Яе мама працавала настаўніцай рускай мовы і літаратуры, старалася прывіць дзецям любоў да чытання.

У старэйшых класах прыйшла думка звязаць сваё жыццё з кнігамі. У выніку Ірына Міхайлаўна паступіла ў Мінскі інстытут культуры, які скончыла ў 1985 годзе. Далей – размеркаванне ў Валожын. Тут яна паспела папрацаваць і ў аддзеле абслугоўвання, і ў аддзеле камплектавання і апрацоўкі літаратуры, і ў дзіцячай бібліятэцы. У 2000 годзе заняла пасаду намесніка дырэктара бібліятэчнай сістэмы Валожынскага раёна, праз два гады стала дырэктарам. Пад яе наглядам 15 устаноў, 13 з іх – сельскія. Займаецца кадравымі і фінансавымі пытаннямі, фондамі, арганізацыяй мерапрыемстваў, што праводзяцца да ўсіх значных дат.

Зараз у бібліятэк складаны час – новыя тэхналогіі выцясняюць друкаваную прадукцыю, але спад яе папулярнасці ўдалося перамагчы. Былі і застаюцца сапраўдныя прыхільнікі, якія пастаянна наведваюць і карыстаюцца паслугамі “кнігасховішча”. Гэта не толькі інфармацыйны цэнтр, але і месца, куды можна прыйсці адпачыць, паглядзець выставы навінак літаратуры.

Яшчэ адно хобі Ірыны Міхайлаўны – музыка. Палюбіла спяваць у дзяцінстве. У складзе школьнага гуртка пачалася яе вакальная “кар’ера”. У Інстытуце культуры працягнула займацца любімай справай. Ужо ў Валожыне выступала на канцэрце ў РЦК, там яе заўважылі і запрасілі ў ансамбль “Сваякі”.

Гэты тандэм захапленняў – песні і кнігі – самы важны. Дзякуючы яму жыццё напоўнена натхненнем, і няма калі сумаваць.

Настасся ЛЯВІНСКАЯ,

фота аўтара

Государственное учреждение «Воложинский районный центр гигиены и эпидемиологии» доводит до сведения руководителей предприятий и организаций,  населения, что в  соответствии с распоряжением председателя Минского областного исполнительного комитета от 29.09.2017 г. № 215р Исаченко А.М.  с 30 сентября по 31 октября 2017 года объявлен месячник по наведению порядка на земле, благоустройству и озеленению территорий.

В рамках месячника необходимо провести субботники с максимально эффективным участием всех учреждений, предприятий, организаций и населения, определив необходимые объемы выполнения работ, трудовые и материальные ресурсы, ответственных лиц за организацию работ по наведению порядка на закрепленных территориях предприятий и организаций и населения, определив необходимые объемы выполненных работ, трудовые и материальные ресурсы, ответственных лиц за организацию работ по наведению порядка на закрепленных территориях предприятий и организаций, территориях общего пользования населенных пунктов.

Призываем всех принять активное участие в проведении месячника по наведению порядка на земле, благоустройству и озеленению территории! Сделаем нашу землю чистой и красивой!

Врач-гигиенист (заведующий отделом гигиены)  ГУ «Воложинский районный  центр гигиены и эпидемиологии»                        С.А.Марчик

05.10.2017

Председатель Минского облисполкома Анатолий Исаченко в Воложинском районе провел прием граждан, записавшихся на личный прием. 

Льготное кредитование жилья, выделение дополнительных земельных угодий фермеру, благоустройство улиц, компенсация за сгоревший дом, строительство водопровода по улице, развитие движения «Родовые поместья» и другие вопросы очень внимательно выслушаны,  некоторые решены в процессе приёма. По поводу отношений между хозяйствующими субъектами у Анатолия Исаченко подход такой, что власть не должна в них вмешиваться.

Многодетной маме Татьяне Липницкой, дом которой признан непригодным для жилья, Анатолий Михайлович ответил, что «всем, чем можем от государства – поможем». По поводу невыделения льготного кредита фермеру Иосифу Нехведовичу посоветовал банкирам «не мудрить». Наталье Стекольниковой, которая ратует за развитие родовых поместий, в частности, заметил: «Каждый волен выбирать то, что ему нравится».

В конце приёма председатель Минского облисполкома Анатолий Исаченко ответил на вопросы журналистов: «Местная власть должна решать все эти вопросы. Система выстроена, она работает, а человек вправе обращаться за помощью к власти, они всегда будут обращаться. А кто не хочет эти вопросы решать –  это самое страшное, эти люди не должны здесь работать».

Минская волна, Тамара Вятская

1 кастрычніка па шматгадовай традыцыі супрацоўнікі Ракаўскага ЦНТ наведаліся з віншавальнай музычнай паштоўкай да настаўнікаў, якія зараз на пенсіі. Традыцыйная музыка і песні стварылі для іх сапраўды святочны настрой, а віншавальныя словы расчульвалі прысутных да слёз. Супрацоўнікі ЦНТ выказваюць падзяку настаўніцы матэматыкі М.І. Шумскай за дапамогу ў арганізвацыі акцыі.

У мінулую суботу ў кінатэатры “Юнацтва” райцэнтра прайшло святочнае мерапрыемства, прысвечанае Дню настаўніка.

Работнікаў сістэмы адукацыі  раёна ад імя старшыні райвыканкама М. А. Астрэйкі і ад сябе асабіста павіншаваў намеснік старшыні райвыканкама П. І. Бібік. У сваім выступленні ён адзначыў важнасць прафесіі педагога і яе вялікую ролю ў станаўленні грамадзяніна. Уклад, які ўносяць настаўнікі ў развіццё дзяржавы, неацэнны, на іх ляжыць адказнасць за будучыню як раёна, так і краіны ў цэлым. Пётр Іосіфавіч падзякаваў за нялёгкую, але такую неабходную і адказную працу. Са словамі асаблівай удзячнасці прадстаўнік улады звярнуўся да ветэранаў педагагічнай працы.

П. І. Бібік уручыў Падзякі старшыні райвыканкама настаўніку матэматыкі Чэхаўшчынскай дапаможнай школы-інтэрната М. І. Вайткевіч і дырэктару Суднікаўскай сярэдняй школы І. У. Юсцік.

З віншавальнымі словамі да прысутных звярнулася начальнік аддзела адукацыі, спорту і турызму райвыканкама Т. М. Крыкала. Яна адзначыла, што Дзень настаўніка – свята тых, для каго сэнсам жыцця стала служэнне высакароднай справе асветы і выхавання. Яно дае кожнаму чалавеку магчымасць задумацца, як змяніў яго жыццё і лёс настаўнік. Таццяна Мікалаеўна выказала глыбокую ўдзячнасць педагогам і ветэранам працы, якія ў свой час самааддана закладалі фундамент сістэмы адукацыі, і ўручыла ўзнагароджаным Ганаровыя граматы ўпраўлення адукацыі Мінскага аблвыканкама і Ганаровыя граматы аддзела адукацыі, спорту і турызму Валожынскага райвыканкама. На заканчэнні яна павіншавала з днём нараджэння дырэктара Івянецкай СШ І. Р. Рудую, у якой асабістае свята супала з прафесіянальным.

Старшыня раённага камітэта Беларускага прафесіянальнага саюза работнікаў адукацыі і навукі М. М. Камінская сказала, што пра ролю і значнасць настаўніка ў жыцці кожнага чалавека можна гаварыць бясконца, бо ад іх залежыць, якімі вырастуць дзеці, якімі гранямі зазіхаціць талент кожнага з іх. Марыя Мікалаеўна ўручыла Ганаровыя граматы дырэктару Сівіцкага ДССШ Л. І. Бібік, намесніку загадчыка ясляў-сада “Лесавічок” г. п. Івянец К. М. Мазанік і ветэрану сістэмы адукацыі, былому настаўніку Ракаўскай сярэдняй школы, старшыні пярвічнай ветэранскай арганізацыі гэтай установы Г. К. Янушкевіч.

З нагоды прафесіянальнага свята педагогаў раёна павіншавала старшыня райарганізацыі РГА “Белая Русь” А. І. Клачко. Яна адзначыла, што работнікі сістэмы адукацыі заўсёды ў цэнтры грамадскага жыцця горада і раёна, падзякавала за актыўнасць і высокую свядомасць. За ўдзел у рабоце арганізацыі Алена Іванаўна ўручыла найбольш актыўным яе членам граматы і падарункі.

    Святочны настрой прысутным у зале стваралі настаўнікі і вучні сярэдняй школы № 1 райцэнтра. Яны падрыхтавалі сапраўды годную праграму, і таму кожнае выступленне выклікала бурныя апладысменты. Гледачы высока ацанілі і іх мультымедыйнае віншаванне. Начальнік аддзела адукацыі, спорту і турызму райвыканкама Т. М. Крыкала падзякавала дырэктару навучальнай установы І. В. Чаховіч і ўручыла ёй прыгожы букет.

Кветкі, шквал пажаданняў і пазітыўных эмоцый атрымалі настаўнікі раёна. А з панядзелка для іх зноў пачаліся працоўныя будні.

Анжэла РАДЫНА,

фота аўтара