Сёння ў Купалаўскім мемарыяльным запаведніку «Вязынка» праходзіць рэспубліканскае свята паэзіі, песні і народных рамёстваў «З адною думкаю аб шчасці Беларусі», прысвечанае 141-годдзю з дня нараджэння народнага паэта Беларусі Янкі Купалы.
Мерапрыемства па традыцыі ладзіцца Дзяржаўным літаратурным музеем Янкі Купалы сумесна з Саюзам пісьменнікаў Беларусі, Мінскім аблвыканкамам, Маладзечанскім райвыканкамам.
Пачалося яно з ускладання кветак да помніка Янку Купалу. Пасля пісьменнікі, прадстаўнікі творчай інтэлігенцыі наведалі філіял-музей паэта, дзе іх гасцінна сустракалі, правялі экскурсію супрацоўнікі ўстановы.
Источник: minsk-region.gov.by
