«Працоўным лёсам паяднаныя» - выстава да дня ўтварэння Валожынскага раёна (15 студзеня 1940 г.) адкрыта ў Валожынскім краязнаўчым музеі.
На выставе прадстаўлены фотаальбомы сярэдзіны 70-х гадоў мінулага стагоддзя. У той час, працоўныя нашага раёна, як і уся краіна, рыхтаваліся да святкавання 60-годдзя Вялікай Кастрычніцкай рэвалюцыі. Кожны калгас, саўгас, кожнае прадпрыемства падводзіла вынікі сваіх поспехаў і дасягненняў, прымеркаваных да знамянальнай даты. Усё гэта занатоўвалася на фотаздымках і ў кароткіх інфармацыйных даведках, якія змяшчаліся ў спецыяльных фотаальбомах пад назвай “Эстафета трудовых дел, посвященная 60-летию Великого Октября”.
