Паважаныя выратавальнікі Валожыншчыны!
Кожны год, кожны дзень, кожная гадзіна вашай працы вымяраюцца колькасцю выратаваных жыццяў, аб’ёмам захаванай маёмасці, колькасцю прадухіленых трагедый. Гэта самыя галоўныя паказчыкі вашай дзейнасці, і можна з упэўненасцю казаць, што эфектыўнасць дзеянняў выратавальнікаў пастаянна павышаецца.
Спецыялісты, якія нясуць службу на Валожыншчыне, знаходзяцца ў рэжыме пастаяннай гатоўнасці, выконваюць небяспечную і адказную работу, часта рызыкуючы ўласным жыццём і здароўем. Асабістымі прыкладамі вы неаднаразова даказвалі бездакорнае выкананне свайго службовага абавязку.
Жадаем усім супрацоўнікам РАНС і ветэранам службы моцнага здароўя, цвёрдасці духу, невычэрпнай энергіі, як мага менш трывожных званкоў і больш спакойных дзяжурстваў. Няхай усе крытычныя сітуацыі маюць толькі шчаслівы зыход! Шчасця, поспехаў, дабрабыту вам і вашым сем’ям!
Раённы выканаўчы камітэт.