З 3 лютага намеснікам старшыні раённага выканаўчага камітэта па будаўніцтве, ЖКГ і праблемах ліквідацыі наступстваў катастрофы на Чарнобыльскай АЭС працуе Дзмітрый Мар’янавіч ПРОТАС.
Дзмітрый Мар’янавіч нарадзіўся ў Валожыне ў 1974 годзе. Вучыўся ў Барысаўскім політэхнічным тэхнікуме, з 1994 па 2002 год працаваў землеўпарадкавальнікам Івянецкага пасвыканкама. З 2002 па 2004 гады быў вядучым спецыялістам адзела па зямельных рэсурсах і землеўпарадкаванні Валожынскага райвыканкама. У 2003-м атрымаў вышэйшую адукацыю, скончыўшы Горацкую сельскагаспадарчую акадэмію. Да 2011 года Дзмітрый Мар’янавіч працаваў намеснікам начальніка раённай землеўпарадкавальнай службы, а да моманту цяперашняга назначэння – займаў пасаду начальніка аддзела землеўпарадкавання райвыканкама. Д. М. Протас – дэпутат раённага Савета дэпутатаў XXVIII склікання.
З 3 лютага кіраўніком спраў раённага выканаўчага камітэта працуе Наталія Іванаўна ЖУКОЎСКАЯ.
Яна нарадзілася ў г. Беразіно, у 2013 годзе скончыла Інстытут парламентарызму і прадпрымальніцтва, а сёлета – факультэт Вышэйшай школы кіравання і бізнесу па спецыяльнасці “правазнаўства” Беларускага дзяржаўнага эканамічнага ўніверсітэта.
Наталія Іванаўна пачынала кар’ерны шлях у аддзеле кантролю і справаводства Валожынскага райвыканкама, працавала ў прыёмнай старшыні райвыканкама, затым – вядучым спецыялістам сектара бухгалтарскага ўліку і справаздачнасці кіраўніцтва справамі. На цяперашнюю пасаду назначана з пасады галоўнага бухгалтара групы бухгалтарскага ўліку і справаздачнасці раённага выканаўчага камітэта.
