Кіраўнік вучыць выхаванцаў майстэрству напісання партрэтаў.
Стала добрай традыцыяй на працягу навучальнага года ў Валожынскім дзяржаўным сельскагаспадарчым прафесіянальным ліцэі праводзіць выставы-прэзентацыі аб’яднанняў па інтарэсах, якія працуюць ва ўстанове. Атрымліваецца своеасаблівая справаздача зробленага. Дарэчы, на такіх выставах дэманструюцца работы як навучэнцаў, так і саміх педагогаў дадатковай адукацыі.
Родныя краявіды натхняюць мастакоў розных узростаў.
Бягучы месяц аддадзены аднаму з самых маладых творчых аб’яднанняў – “Жывапісны настрой”, якім кіруе прафесіянальны мастак, ураджэнец Валожына Уладзімір Рыгоравіч Сайко. Авалодаць азамі малявання пажадалі 15 юнакоў і дзяўчат. Выстава, якой далі назву “Наш прызыў – вясенні пазітыў”, будзе працаваць да 29 сакавіка. На ёй дэманструюцца каля 10 першых работ пачынаючых мастакоў, ёсць і калектыўныя творы. Пераважная большасць – пейзажы, што ствараюць пазітыўны настрой.
Наталля ШТЭЙНЕР
