15-гадовая Дар’я ЛУГІНА – “Вучань года Мінскай вобласці-2015”.
Гімназістка-дзесяцікласніца з Валожына ўдастоілася гэтага звання ў ліку 25 школьнікаў цэнтральнага рэгіёну. На традыцыйным абласным навагоднім свяце ў Палацы культуры горада Барысава, куды з’ехаліся больш за 900 дзяцей і падлеткаў, лепшым уручылі спецыяльныя сертыфікаты і значкі.
Такое ўзнагароджанне праходзіла ўпершыню па ініцыятыве ўпраўлення адукацыі аблвыканкама. Дзяцей павіншаваў і губернатар Міншчыны С. Б. Шапіра.
