У дзень абароны дзяцей Валожыншчыну наведаў дэпутат Палаты прадстаўнікоў Нацыянальнага сходу Рэспублікі Беларусь Алег Семянчук. Пасля завяршэння прыёму грамадзян і ўдзелу ў мерапрыемстве, наладжаным у раённым выканаўчым камітэце для выхаванцаў Івянецкага дома-інтэрната для дзяцей з асаблівасцямі развіцця, Алег Аляксеевіч вырашыў завітаць у педыятрычнае аддзяленне цэнтральнай раённай бальніцы. Для кожнага з маленькіх пацыентаў парламентарый прывёз салодкія і карысныя падарункі і ўручыў іх з наказам хутчэй папраўляцца і сустракаць лета з добрым настроем і поўным здароўем.
Тэкст і фота Сяргея САДОЎСКАГА
