Янка Купала… Імя гэтага чалавека ў сэрцы кожнага беларуса. Яно неаддзельна ад роднай мовы, ад сінявокай і шчодрай беларускай зямлі…
7 ліпеня ў дзіцячай бібліятэцы ў рамках рэспубліканскай акцыі прайшла гадзіна паэзіі “Запрашаем да Купалы”. Удзельнікамі мерапрыемства сталі чытачы бібліятэкі.
У атмасферы дабразычлівасці прайшла размова пра беларускую мову, жыццё і творчасць Янкі Купалы, знаемства з яго творамі, агляд кніжнай выставы “І не змоўкнуць ніколі ў свеце Купалавы словы…”. Аповяд пра жыццевы і творчы шлях паэта суправаджаўся прэзентацыяй “Янка Купала”. Галоснае чытанне вершаў дало дзецям магчымасць узгадаць велічнае і прыгожае беларускае слова, яго моц, багатую гісторыю.
