На базе ДУ “Нацыянальны гістарычны музей” адбыўся абласны семінар: “Год народнага адзінства ў кантэксце работы дзяржаўных музеяў Мінскай вобласці”. На семінар былі запрошаны дырэктары раённых музеяў.Галоўным пытаннем стала правядзенне акцыі “У адзінстве – сіла!” Падчас акцыі дзяржаўнымі музеямі Мінскай вобласці будзе створана сумесная часовая экспазіцыя, прысвечаная гістарычнаму падзелу і аднаўленню тэрытарыяльнай цэласці БССР у 1921-1939 гг.
Галоўная мэта акцыі: згуртаванне беларускага народа на аснове ідэй суверэнітэту і незалежнасці краіны, фарміравання і ўмацавання ў насельніцтва грамадзянска-патрыятычных, духоўна-маральных якасцяў, беларускай ідэнтычнасці, пачуцця адзінства і прымнажэння гістарычнай і духоўнай спадчыны, што выявілася ў подзвігах і дасягненнях беларускага народа.Валожынскі краязнаўчы музей ужо пачаў сваю працу ў гэтым накірунку.
