На новых арэлях любіць бавіць час Вольга ЧАЛОЎСКАЯ.
У аддзяленні дзённага наведвання для людзей з інваліднасцю тэрытарыяльнага цэнтра сацыяльнага абслугоўвання насельніцтва пастаянна працуюць над тым, каб наведвальнікам было прыемна і камфортна знаходзіцца як у саміх памяшканнях аддзялення, так і на прылеглай да будынка, што на вуліцы Набярэжнай, тэрыторыі.
Спецыяліст па сацыяльнай рабоце Дар’я ЖУК і Сяргей КРУГЛІК на занятках у альтанцы.
Дзмітрый АЛЕШКА дэманструе экасцежку.
Клопат пра чысціню, парадак і ўвасабленне крэатыўных ідэй ажыццяўляюць як супрацоўнікі цэнтра, так і іх выхаванцы. Напрыклад, нядаўна двор установы папоўніўся трыма новымі аб’ектамі. Для адпачынку на свежым паветры тут устаноўлены прасторная альтанка і лаўка-арэлі, створана экалагічная сцежка для аздараўленчай хадзьбы. Усе прадметы дэкору (падушкі, настольнік, сурвэткі, незвычайныя вазы), што дапамагаюць стварыць утульнасць і добры настрой, выкананы людзьмі з інваліднасцю пад кіраўніцтвам педагогаў Вольгі Радына і Юліі Гісіч.
Старонку падрыхтавала Валянціна КРАЎНЕВІЧ
