Дырэктарам дзяржаўнай установы адукацыі “Валожынскі сельскагаспадарчы прафесійны ліцэй” 31 жніўня прызначана Святлана Іванаўна МУЧЫНСКАЯ.
Нарадзілася ў 1970 годзе ў вёсцы Дайнава Вялікая нашага раёна. Першую вышэйшую адукацыю атрымала ў Беларускім педагагічным універсітэце імя Максіма Танка на факультэце беларускай мовы і літаратуры, у 2012 годзе скончыла Рэспубліканскі інстытут прафесійнай адукацыі па спецыяльнасці менеджмент устаноў прафесійнай адукацыі.
Працоўны шлях пачынала старшай піянерважатай Узбалацкай васьмігадовай школы, пасля была выхавальнікам яслей-сада № 4 г. Валожына, выхавальнікам прафесійна-тэхнічнага вучылішча № 208. Пяць гадоў адрабіла настаўніцай пачатковых класаў СШ № 2 райцэнтра. З 2001-а па 2006-ы гады яе работа ізноў была звязана з прафтэхадукацыяй раёна: спачатку на пасадзе сацыяльнага педагога ПТВ-208, затым – выкладчыка беларускай мовы і літаратуры.
Напачатку 2007 года С. І. Мучынская перайшла на работу ў раённы сацыяльна-педагагічны цэнтр: адразу працавала загадчыцай аддзялення прытулку, з праз два гады ўзначаліла яго і з’яўлялася дырэктарам да назначэння на цяперашнюю пасаду.
