Святлана РАКАВЕЦ і Галіна РАЙ уручаюць гасцям падарунак.
Нядаўна ў Ракаў завітала група жанчын, кожная з якіх – асоба, што ўнесла ці працягвае ўносіць значны ўклад у сацыяльна-эканамічнае і культурнае развіццё Рэспублікі Беларусь. Сёння ўдзельніцы мерапрыемства – актывісткі ГА “Беларускі саюз жанчын” і складаюць Савет старэйшын арганізацыі.
Пасяджэнне Савета адбылося ўпершыню. Рашэнне аб стварэнні падобнага фарміравання было прынята з мэтай распаўсюджання вопыту ў кірунку абароны правоў жанчын, іх сем’яў і дзяцей, забеспячэння годнага становішча беларусак у грамадстве, павышэння іх ролі ў розных галінах жыцця краіны.
Вітальнае слова Алены БОГДАН.
Як адзначыла старшыня БСЖ, першы намеснік Міністра аховы здароўя Рэспублікі Беларусь Алена Богдан, аграгарадок у Валожынскім раёне невыпадкова стаў месцам правядзення падобнай сустрэчы. Менавіта гэты населены пункт Беларусі ва ўсе часы лічыўся кропкай, дзе сутыкаліся і сутыкаюцца розныя культуры, нацыянальныя традыцыі, рэлігійныя светапогляды. У Год народнага адзінства гэты факт набывае вельмі важнае гучанне.сяджэнне Савета адбылося ўпершыню. Рашэнне аб стварэнні падобнага фарміравання было прынята з мэтай распаўсюджання вопыту ў кірунку абароны правоў жанчын, іх сем’яў і дзяцей, забеспячэння годнага становішча беларусак у грамадстве, павышэння іх ролі ў розных галінах жыцця краіны.
На пасяджэнні, якое адбылося ў арт-галерэі, што ў цэнтры Ракава, старшынёй Савета аднагалосна была выбрана вядомы беларускі дзяржаўны дзеяч Надзея Ермакова. Жанчыны з актыўнай грамадзянскай пазіцыяй вызначылі асноўныя кірункі дзейнасці свайго Саюза на бліжэйшы час, а таксама абмеркавалі мерапрыемствы, што будуць праведзены ў рамках Года народнага адзінства і да 30-годдзя БСЖ.
Савет старэйшын ГА “Беларускі саюз жанчын”.
Сустракалі шаноўных гасцей на Валожынскай зямлі старшыня раённай арганізацыі БСЖ Галіна Рай і начальнік упраўлення па працы, занятасці і сацыяльнай абароне райвыканкама Святлана Ракавец. Галіна Фадзееўна звярнулася да старэйшын арганізацыі з вітальным словам, а асабіста Алене Леанідаўне Богдан уручыла памятны сувенір з этнакаларытам.
Валянціна КРАЎНЕВІЧ,
фота аўтара
