Воложинский районный
исполнительный комитет

6 ліпеня, па традыцыі, ля гарадскога возера, адбылося народнае купальскае свята, якое сабрала гасцей багата. Распачалі яго Купаліш і Купалінка. Дзяўчаты-карагодніцы дарылі вяночкі прысутным і запрашалі на гульню у “Ручаёк”.
На працягу свята гучалі беларускія народныя песні. Не спужалі нікога пагрозы Вядзьмаркі перашкодзіць адшукаць чароўную папараць-кветку.
Моладзь шукала чароўную папараць-кветку, вадзіла карагоды ля купальскага кастра, дзяўчаты кідалі ў ваду вяночкі, варожачы на свой лёс…
Упершыню валожынцы змаглі з захапленнем пабачыць “спяваючыя фантаны”, якімі парадавалі ўдзельнікаў і гасцей купальскага свята работнікі Валожынскага раённага аддзела па надзвычайных сітуацыях.
Закончылася ж народнае гулянне сучасным моладзевым флэшмобам, выступленнем артыстаў РЦК і дыскатэкай.