Ужо стала добрай традыцыяй, што менавіта ў гэты дзень дзіцячая бібліятэка распачынае экалагічную акцыю “Дапаможам птушкам зімой”.
На мерапрыемстве дзеці даведаліся аб гісторыі гэтага свята, народных прыметах і цікавых фактах, звязаных з сініцамі. Пагаварылі аб правілах пабудовы кармушак і падкормкі птушак.
Дзеці з цікавасцю паглядзелі мультфільм па матывах казкі В. Біянкі “Сінічкін каляндар”, а таксама азнаёміліся з тэматычнай кніжна-ілюстрацыйнай выставай.
Для аматара прыроды няма занятка цікавей, чым назіраць за птушкамі ля кармушкі. Давайце дапаможам маленькім істотам, якія робяць гэты свет лепшым і прыгажэйшым, дажыць да вясны!
