Алег СЕМЯНЧУК і прадстаўнікі шматдзетнай сям’І КЕБІЧ-САЎКО.
У госці да персанажаў галоўнай раённай ёлкі трапілі і дзеці са шматдзетных сем’яў, а таксама тыя, хто выхоўваецца ў прыёмных і апякунскіх сем’ях, дзеці-інваліды і дзеці, чые сем’і знаходзяцца на ўліку з прычыны сацыяльнага недабрабыту.
Павіншаваць юных гасцей, а таксама дарослых, якія іх суправаджалі, прыбылі дэпутат Палаты прадстаўнікоў Нацыянальнага сходу Рэспублікі Беларусь Алег Семянчук, старшыня раённага Савета дэпутатаў Пётр Бібік, начальнік упраўлення па працы, занятасці і сацыяльнай абароне Святлана Ракавец, дырэктар ТЦСАН Галіна Рай.
Адкрываючы святочнае дзеянне, да прысутных з найлепшымі навагоднімі віншаваннямі звярнуўся Пётр Іосіфавіч Бібік. Атрымалі віншаванне дзеці і дарослыя, што іх суправаджалі, і ад Алега Аляксеевіча Семенчука, які пажадаў аптымізму, здзяйснення самых запаветных мар і жаданняў. Удзельнікі святочнай казкі атрымалі ў якасці падарункаў наборы цукерак, сродкі на якія выдаткавалі райвыканкам і раённая арганізацыя “Беларускі саюз жанчын”.
Тэкст і фота
Валянціны КРАЎНЕВІЧ
