У нашай краіне надаецца вялікая ўвага захаванню здароўя чалавека. Добрая прафілактыка шматлікіх захворванняў – здаровы лад жыцця. Але ва ўмовах сучаснага свету і хуткаплыннасці часу складана знайсці час на заняткі спортам, асабліва на кіруючай пасадзе. Кіраўнік павінен быць лідарам ва ўсім і паказваць станоўчы прыклад для супрацоўнікаў. Такую магчымасць дае штогадовая спартакіяда кіруючых работнікаў, якая ўжо стала добрай традыцыяй на Валожыншчыне.
Гэта знакавая падзея ў спартыўна-аздараўленчым руху раёна, дзе прафесіяналы, кожны ў сваёй сферы, дэманструюць усім яшчэ і любоў да спорту, здаровага ладу жыцця, згуртаванасць, адзінства. Для многіх з удзельнікаў гэта і нагода паразмаўляць з калегамі ў нефармальнай абстаноўцы, адцягнуцца ад паўсядзённых спраў і клопатаў, праверыць свае сілы ў тым ці іншым відзе спорту.
Атмасфера ў зале ажыўленая. Хтосьці размінаецца і трэніруецца, хтосьці мае зносіны з калегамі, артысты раённага цэнтра культуры дораць выдатны настрой творчымі нумарамі. На пачатку мерапрыемства традыцыйныя пастраенне і прывітанне старшыні Валожынскага раённага выканаўчага камітэта Яўгена Круковіча.
“Чалавеку шмат у чым цікавей жыць, калі ён спаборнічае, нават з самім сабой, і дасягае мэт. У зале сабраліся 50 кіраўнікоў. Гэта сіла і моц Валожынскага раёна. Яны клапоцяцца пра людзей і разам дасягаюць высокіх вынікаў у сацыяльна-эканамічным развіцці рэгіёну. Мэта мерапрыемства – не вызначыць пераможцаў, а найперш згуртаваць і даць магчымасць паразмаўляць. Я хачу, каб вы атрымалі задавальненне ад спаборніцтваў, і спартакіда для вас стала сапраўдным святам”, – адзначыў старшыня Валожынскага райвыканкама.
Усе ўдзельнікі спаборнічалі ў кідках у баскетбольнае кальцо, стральбе з пнеўматычнай вінтоўкі, фігурным ваджэнні веласіпеда, кіданні набіўнога мяча, у скачках у даўжыню з месца, спаборніцтвах па дартсе. Абсалютна кожны з іх паказаў добрыя вынікі. Але, як бывае ў любым спаборніцтве, былі тыя, хто зрабіў лепш за ўсіх. Першае месца ў спаборніцтвах па дартсе сярод мужчын заняў Павел Алегавіч Ганчар, другое – Генадзь Вацлававіч Каспяровіч, трэцяе – Аляксандр Мікалаевіч Уланчык. Сярод жанчын першае месца ў Алены Іванаўны Садоўскай, другое – у Таццяны Мікалаеўны Крыкала, трэцяе – у Тамары Леанідаўны Кушаль.
У спаборніцтвах па кідках у баскетбольнае кальцо сярод мужчын першае месца заняў Павел Алегавіч Ганчар, другое – Віктар Аляксандравіч Комель, трэцяе – Аляксандр Мікалаевіч Барада. Лепшыя кідкі сярод жанчын адзначаны першым месцам у Алы Віктараўны Клімковай, другім – Ірыны Вацлаваўны Чаховіч, трэцім – Тарэсы Яўгенаўны Ліпніцкай.
Самымі трапнымі ў стральбе з пнеўматычнай вінтоўкі сярод мужчын сталі: першае месца – Віктар Зянонавіч Падгайскі, другое – Міхаіл Міхайлавіч Унучак, трэцяе – Павел Алегавіч Ганчар. Месцы сярод жанчын у спаборніцтвах па стральбе размеркаваліся наступным чынам: першае – Алена Іванаўна Клачко, другое – Таццяна Уладзіміраўна Занямонец, трэцяе – Алена Іванаўна Садоўская.
У фігурным ваджэнні веласіпеда лепшыя вынікі паказалі: Аляксандр Ігаравіч Сівы – першае месца, Аляксандр Іванавіч Сямёнаў – другое, Віктар Зянонавіч Падгайскі – трэцяе. Сярод жанчын першае месца заняла Ірына Вацлаваўна Чаховіч, другое – Юлія Вікенцьеўна Матус, трэцяе – Наталля Іванаўна Жукоўская.
У спаборніцтвах па кіданні набіўнога мяча першае месца заняў Павел Алегавіч Ганчар, другое – Аляксандр Ігаравіч Сівы, трэцяе – Павел Мікалаевіч Сарока. Сярод жанчын першае месца ў Марыны Іосіфаўны Траццяк, другое – у Валянціны Іосіфаўны Кушаль, трэцяе – у Таццяны Уладзіміраўны Занямонец.
У скачках у даўжыню з месца лепшымі сталі сярод мужчын: Аляксандр Ігаравіч Сівы – першае месца, Аляксандр Іванавіч Сямёнаў – другое, Аляксандр Мікалаевіч Барада – трэцяе. Высокі вынік сярод жанчын паказалі: першае месца – Алена Іванаўна Клачко, другое – Тарэса Яўгенаўна Ліпніцкая, трэцяе – Юлія Вікенцьеўна Матус.
У спаборніцтвах па гарадошным спорце сярод мужчын першае месца заняў Міхаіл Міхайлавіч Унучак, другое – Сяргей Паўлавіч Патапчук, трэцяе – Генадзь Вацлававіч Каспяровіч. Сярод жанчын першае месца ў Алены Іванаўны Клачко, другое – Тарэсы Яўгенаўны Ліпніцкай, трэцяе – Таццяны Мікалаеўны Крыкала.
Наталля НЯМКЕВІЧ
