Гэта свята асабліва важнае для беларускай дзяржавы і кожнага грамадзяніна. Менавіта з прыняццем Канстытуцыі наш народ вызначыў уласны стратэгічны шлях развіцця, што стала своеасаблівай кропкай адліку ва ўмацаванні суверэннай дзяржаўнасці, міру і згоды, дасягненні сацыяльна-палітычнай стабільнасці ў грамадстве. Канстытуцыя рэалізуе такія важныя чалавечыя каштоўнасці, як народаўладдзе і справядлівасць, роўнасць і законнасць. Нядаўна мы прынялі змяненні і дапаўненні ў наш Асноўны закон, што яшчэ больш удасканаліла асобныя яго палажэнні.
Дарагія землякі! Мы ўпэўнены: натхнёная праца кожнага з нас дазволіць паўней рэалізаваць канстытуцыйныя нормы і прынцыпы, створыць самыя спрыяльныя ўмовы, якія забяспечваюць жыццядзейнасць людзей і далейшае паступальнае развіццё Айчыны і нашай Валожыншчыны ў прыватнасці. Жадаем вам добрага здароўя і аптымізму, міру і дабрабыту, новых прафесійных дасягненняў. Няхай Дзень Канстытуцыі будзе для ўсіх нас сімвалам упэўненасці ў шчаслівай будучыні!
Раённы выканаўчы камітэт
Раённы Савет дэпутатаў
