Воложинский районный
исполнительный комитет

Сцяпан Мікалаевіч ДАНЬКО працуе электраманцёрам-кабельшчыкам на Валожынскім раёне электрычных сетак Маладзечанскія электрычныя сеткі РУП “Мінскэнерга”. Дагэтуль, вярнуўшыся з арміі, непрацяглы час быў вадзіцелем у раённым камбінаце бытавога абслугоўвання. Прачытаў аб’яву, што ў электрасеткі патрабуюцца на работу электраманцёры. Спецыяльныя навыкі атрымаў у вучэбным цэнтры. І вось ужо тры дзясяткі гадоў займаецца рамонтам і абслугоўваннем кабельных сетак раёна. Аляксей Сцяпанавіч такую ж прафесію пайшоў атрымліваць мэтанакіравана ў Валожынскі сельгасліцэй, а некалькі гадоў таму скончыў аграрны ўніверсітэт і зараз працуе майстрам. Нягледзячы на тое, што сын цяпер з’яўляецца непасрэдным начальнікам у бацькі, галава сям’і рады, што стаў прыкладам для яго ў рабоце. А вось дома “камандуе” Сцяпан Мікалаевіч, і Аляксей цалкам падпарадкоўваецца вопыту і гаспадарлівасці старэйшыны.