Герой Сацыялістычнай працы – Зоя Макараўна Задора - узнагараджана высокай узнагародай Федэрацыі прафсаюзаў Беларусі – прафсаюзным Знакам пашаны.
Сёння, 6 мая, старшыня Валожынскай раённай прафсаюзнай арганізацыі Беларускага прафсаюза аграпрамысловага комплексу Вікенцій Адамовіч і старшыня Ракаўскага сельскага Савета Аляксандр Мякінка урачыста ўручылі высокую узнагароду Федэрацыі прафсаюзаў Беларусі Герою Сацыялістычнай працы – Зоі Макараўне Задора з Валожынскага раёна за значны асабісты ўклад у развіццё сельскагаспадарчай галіны Валожыншчыны.
4 студзеня бягучага года Зоя Макараўна адзначыла 80-гадовы юбілей .
Кажуць, калі нараджаецца чалавек, на небе загараецца яго зорка. Напэўна, для таго, каб асвятляць шлях і паказваць дарогу…Не кожнаму суджана бачыць гэта святло, каб не збочыць з правільнага напрамку і рухацца толькі наперад. Менавіта такім і быў жыццёвы дэвіз брыгадзіра паляводчай брыгады саўгаса “Падбярэззе” Зоі Макараўны Задора, якая прыехала на працу ў Валожынскі раён у 1953 годзе. Аграном па адукацыі, Зоя Макараўна не на словах ведае, што зямля з’яўляецца сапраўднай карміцелькай. І яна не проста змагла, а даказала сваёй працай і за поспехі была ўзнагароджана ордэнам Героя Сацыялістычнай працы, двойчы з’яўлялася дэлегатам з’ездаў КПСС. Аб гэтым яскрава сведчаць зорка на грудзях і ўсенародная любоў і пашана.
Пажадаем Зоі Макараўне Задора моцнага здароўя і доўгіх год жыцця.
