Красуе лета буйствам фарбаў. Зяленыя лугі і палеткі, рознакаляровыя барвы кветак, спеў птушак,- усё вабіць і радуе вока. Для дзятвы ж - сапраўдны рай!
Цікава бавяць яны час у летніках. Для іх арганізаваны шматлікія мерапрыемствы: экскурсіі, паходы, гульнёвыя праграмы, квэст-гульні.
Аздараўленчыя лагеры з дзённым прабываннем працуюць на базе ўстаноў адукацыі раёна. У горадзе таксама рабяты адпачываюць цікава і весела. Для іх на базе ДУА “Цэнтр творчасці дзяцей і моладзі Валожынскага раёна” прапаноўвюцца вельмі цікавыя і разнастайныя конкурсы, спартыўныя мерапрыемствы, тэматычныя праграмы.
Педагогі арганізоўваюць майстар-класы па вырабу сувеніраў з паперы, картону, ільну. Пасля заняткаў дзеці з задавальненнем нясуць з сабой вырабленую самастойна работу. У скарбонцы вырабаў персанажы з казак, птушкі роднага краю, забаўны вожык, букеты кветак і інш.
Інтэлектуальная творчасць - таксама цікавы занятак! Праведзены Конкурс "эрудытаў”, “Умники и умницы”. Рабяты паказалі сябе кемлівымі і эрудыраванымі ў розных галінах ведаў. Вынік быў зусім нядрэнны.
Як сабрацца ў паход, што браць з сабою, як раскласці вогнішча? - такія пытанні былі вырашы падчас майстар-класа “З турызмам на ты”, “Школа турысцкага майстэрства", які правяла педагог дадатковай адукацыі Перапеча Ксенія Васільеўна.
У Год гістарычнай памяці асабліва актуальна тэма гістарычнага мінулага. Пазнавальныя экскурсіі по роднаму гораду, знаёмства з яго архітэктурай, падзеямі часоў Вялікай Айчыннай вайны правёў метадыст цэнтра творчасці Марзак Васіль Уладзіміравіч.
Кожны канікулярны дзень насычаны новымі адкрыццямі, сапраўднымі падарожжамі і пошукамі.
Цэнтр творчасці наведваюць не толькі вучні са школ горада, але і выхаванцы - дашкольнікі. Для гэтай катэгорыі рабят арганізаваны праграмы “У гасцях у Карамелькі”, “Пірацкі БУМ”, “Малыя рэкорды Гінэса”, “Вясёлыя ноткі.”
У цэнтры творчасці працягваецца праца па ўдасканальванні метадычнай работы. Педагогі прынялі ўдзел ў абласным этапе рэспубліканскага конкурса па прафесіянальнай арэентацыі ва ўставе дадатковай адукацыі.
Навучэнцы аб’яднанняў па інтарэсах прынялі ўдзел у абласным этапе рэспубліканскага конкурсу “Я гэтым краем ганаруся". Цікавыя падзелкі, каляровыя фотаздымкі, пейзажныя малюнкі прадставілі рабяты.
Таксама адбыўся Пленум Мінскага абласнога Савета ГА “БРПА”. У рамках яго адбыўся семінар “Брэндзінг як стратэгія развіцця ўстановы адукацыі”.
Дырэктар цэнтра творчасці Кушнір М.В. і культарганізатар Зенюк В.У. правялі цімбілдзінг па камандастварэнню “Вернісаж брэндаў і ідэй”. Быў прадстаўлены брэнд цэнтра “Тайм-кафэ “Разам”.
Наперадзе яшчэ шмат карыснага і цікавага. І педагогі, і дзеці час дарма не марнуюць: разам з адпачынкам займаюцца вельмі добрымі і патрэбнымі справамі.
