На тэрыторыі, што ля СШ № 2 г. Валожына, абылося адкрыццё пляцоўкі, адведзенай пад будаўніцтва помніка Герою Савецкага Саюза Васілію Шчарбіне.
Велічнае ўшанаванне памяці змагара з фашызмам ініцыіравана Беларускім грамадскім аб’яднаннем “Ветэраны ваеннай разведкі”. Дэлегацыю начале са старшынёй Аляксандрам Бітусам віталі старшыня райвыканкама Яўгеній Круковіч і намеснік старшыні райвыканкама Ігар Шакун. У міні-мітынгу ля будучага памятнага месца прынялі ўдзел ваеннаслужачыя вайсковай часці 30695, прадстаўнікі грамадскіх арганізацый Валожыншчыны, педагогі і выхаванцы навучальнай установы, што размяшчаецца на вуліцы Шчарбіны.
