У Мінлясгасе аб'яўлены агляд-конкурс на лепшае добраўпарадкаванне і навядзенне парадку пад дэвізам «Зробім лес чысцей за 50 дзён!».
Праходзіць ён па 7 лістапада сярод лясніцтваў, лясгасаў і дзяржаўных вытворчых лесагаспадарчых аб'яднанняў. З пачатку верасня работнікі галіны ўзяліся за ўборку лясных масіваў уздоўж аўтамабільных дарог і чыгунак, вакол населеных пунктаў і садаводчых таварыстваў, паблізу знакавых і памятных месцаў. Раней у ведамстве адзначалі, што ў сувязі з распрацоўкай ветравальна-бураломных лесасек, якая заняла вясну і лета, у асобных месцах пытанні з навядзеннем парадку былі ўпушчаны. Так што гэтай тэме восенню вырашылі надаць асаблівую ўвагу ва ўсёй краіне.
Таксама акцыя «Аднавім лясы разам» будзе праходзіць і ў Валожынскім лясгасе на ветравальна-бураломных участках. Кожны жадаючы можа далучыцца і дапамагчы ў навядзенні парадку ў лесе.
Крыніца: valozhin.by
