21 сакавіка – Сусветны дзень паэзіі. З нагоды гэтага дня, традыцыйна, удзельнікамі народнага літаратурна-мастацкага аб’яднання “Рунь”, што працуе пры Валожынскім раённым цэнтры культуры, праводзяцца сустрэчы і прэзентацыі кніг, ладзяцца творчыя конкурсы і паэтычныя акцыі. Вось і ў гэтым годзе вучні сярэдняй школы №1 г. Валожына наведалі літаратурную гасцёўню “Свет душы”, дзе сустрэліся з майстры вершаванага слова Валожыншчыны.
Паэты чыталі вершы і выконвалі песні, дзяліліся чароўнымі радкамі. У гэты сакавіцкі дзень гучалі творы членаў Саюза пісьменнікаў Беларусі Марыі Шакун, Зінаіды Гасціловіч і Наталлі Жызнеўскай, членаў Міжнароднага Саюза рускамоўных пісьменнікаў Людмілы Садоўскай і Марыі Мучынскай, не менш таленавітых, самадзейных аўтараў Аляксандра Кулака, Надзеі Агіевіч, Дзмітрыя Завацкага і Галіны Гражынскай, маладых і адораных паэтаў Ігара Шарко і Аксаны Мітрошчынкавай.
