Казкі... Яны знаемыя нам з дзяцінства. Яны адчыняюць нам дзверы ў дзівосны свет, напоўнены чараўніцтва, цудамі. У свеце казак жывуць незвычайныя героі, там ажываюць расліны, умеюць размаўляць звяры, а дабро заўсёды перамагае зло.
15 чэрвеня ў Івянецкай гарпасялковай бібліятэцы прайшоў дзень любімых казак “Казачны домік”, у якім прынялі ўдзел дзеці летняга аздараўленчага лагера “Планета здароўя” ДУА “Івянецкая сярэдняя школа”. Хлопчыкі і дзяўчынкі актыўна адказвалі на пытанні віктарыны, дружна ўспаміналі казкі і іх герояў, удзельнічалі ў конкурсах, гульнях. Мерапрыемства прайшло весела і цікава.
