На рынку папулярнасцю карыстаецца масла «Сялянскае», цвёрдыя сыры 50- і 45-працэнтнай тлустасці, сухое абястлушчанае малако.
Сёлета валожынцы асвоілі выпуск новых відаў прадукцыі. Адразу знайшло свайго спажыўца хуткарастваральнае сухое малако ва ўпакоўках па 700 грамаў, з якога атрымліваецца больш за сем з паловай літраў адноўленага. Для прыхільнікаў здаровага ладу жыцця і людзей, якія актыўна займаюцца спортам, наладжаны выпуск фітнес-пратэінавых сумесей.
У летні перыяд да пяці шматтонных рэфрыжэратараў штодзень загружаюцца малочнымі вырабамі з валожынскай маркай.
