У рамках свята прайшло таксама ІІІ Рэгіянальнае свята-конкурс “Беларуская лялька”. Свае работы на суд спецыялістаў і гледачоў прадстаўлялі дырэктар Сівіцкага СДК Алена Лабун і мастацкі кіраўнік Сакаўшчынскага СДК Наталля Хаванская, а таксама Таццяна Сельвясюк і Насця Баталава, якія займаюцца ў гуртку “Чароўны паясок” пад кіраўніцтвам Наталлі Хаванскай. Лялькі Алены Лабун былі адзначаны дыпломам II ступені за захаванне нацыянальнай спадчыны, астатнія ўдзельнікі атрымалі дыпломы за ўдзел у свяце. У той дзень у Слуцку таксама прайшла навукова-практычная канферэнцыя “Беларускія паясы: гістарычныя шляхі развіцця і сучасная практыка”. З дакладам “Ткацтва традыцыйных паясоў у Валожынскім раёне” выступіла дырэктар Ракаўскага цэнтра фальклору і адначасова кіраўнік гуртка “Ткачыкі” Хрысціна Лямбовіч.
