Паважаныя жыхары Валожынскага раёна!
Сардэчна віншую Вас са святам працы!
Дзень Першамая даўно ўвайшоў у наша жыццё, сімвалізуючы радасць творчасці і самаадданай працы на карысць роднай зямлі. Міжнародная гісторыя гэтай традыцыі адыходзіць у далёкае мінулае.
Сёння Першамай сімвалізуе пачатак вясны і нясе ў сабе значны эмацыянальны зарад абуджэння і адраджэння.
Свята працы згуртоўвае людзей розных прафессій, надае ўпэўненасць ва ўласных сілах і магчымасцях, прымушае рэальна ацаніць як свой асабісты, так і агульны ўклад у будаўніцтва мірнага жыцця на роднай зямлі.
У гэты дзень мы славім ветэранаў і перадавікоў вытворчасці, іх маладую змену, усіх працаўнікоў, чыімі рукамі ствараецца дабрабыт краіны.
Спадзяёмся, што і наша сумесная дзейнасць дапаможа роднаму краю стаць яшчэ багацейшым і прыгажэйшым.
Няхай у гэты святочны дзень нашы сэрцы і душы напоўняцца вясновым цяплом, усмешкамі, дабрынёй, аптымізмам, верай у саміх сябе і тых, хто побач з намі!
Жадаю, каб ваша праца заўсёды была запатрабавана і ацэнена па вартасці, каб яна прыносіла вам маральнае задавальненне і матэрыяльны дабрабыт. Здароўя, шчасця, аптымізму і добрага вясновага настрою!
Вераніка Загорская
старшыня Валожынскага
раённага аб'яднання прафсаюзаў
