Намеснікам старшыні раённага выканаўчага камітэта па пытаннях сацыяльнай сферы і ідэалагічнай работы назначаны Ігар Уладзіміравіч ШАКУН.
Ігар Уладзіміравіч нарадзіўся ў Валожыне ў 1964 годзе. У 1987-м закончыў Мінскую спецыяльную сярэднюю школу міліцыі імя Фрунзе МУС СССР, а ў 1998-м – Акадэмію МУС Рэспублікі Беларусь. Узнагароджаны медалём “За бездакорную службу”.
Шлях у прафесію пачынаў аўтаслесарам у Валожынскай райаграпрамтэхніцы. Пасля службы ў арміі і вучобы ў школе міліцыі стаў участковым інспектарам інспекцыі па справах непаўналетніх РАУС. Пасля гэтага ўся кар’ера І. У. Шакуна была звязана з раённым аддзелам унутраных спраў. Ён працаваў у аддзелах крымінальнага вышуку, барацьбы з эканамічнай злачыннасцю. Затым быў назначаны першым намеснікам начальніка РАУС, а з 2005 па 2018 гады ўзначальваў гэту структуру. З сакавіка да назначэння на цяперашнюю пасаду Ігар Уладзіміравіч працаваў старшынёй Валожынскага сельскага выканаўчага камітэта.
