Таварыства роду Плевакаў з Польшчы набыло і перадало ў дарунак Івянецкаму музею традыцыйнай культуры кнігу Мірослава Кшыжанскага “Матэматычная манаграфія” ў двух тамах, выдадзеную ў 1971 годзе ў Варшаве.
Вядомы ў Польшчы матэматык М. Кшыжанскі мае непасрэднае дачыненне да нашага раёна і Івянецкага краю ў прыватнасці: ён з’яўляецца праўнукам В. Дуніна-Марцінкевіча. А ў 1943-1944 гадах ён працаваў у Валожыне, з 1944 па 1945 гады выкладаў матэматыку ў Івянецкай школе.
