Воложинский районный
исполнительный комитет

Двое вучняў сярэдняй школы №2 райцэнтранядаўна атрымалі пасведчанне стыпендыятаспецыяльнага фонду Прэзідэнта РэспублікіБеларусь па сацыяльнай падтрымцы таленавітыхвучняў і студэнтаў. Такой высокай адзнакі сваёйвучнёўскай працы яны былі ўдастоены за дыпломII-й ступені ў рэспубліканскім конкурсе работдаследчага характару ў секцыі “Хімія”.

Дзевяцікласніца Анастасія Стэльмах і вучань 10 класа Уладзіслаў Селятыцкі займаюцца навуковай працай, якая называецца “Атрыманне кіслароду і хлору з хлорнай вапны”, з 2013 года. Кіруе, падтрымлівае і натхняе вучняў настаўніца хіміі Таццяна Вячаславаўна Халявінская. Рабяты спачатку праводзяць хімічныя вопыты, робяць вывады, а пасля стараюцца патлумачыць зробленую работу з пункту гледжання навукі. Як адзначыла педагог, адна справа рукой зрабіць, а іншая – расказаць: “Гэта вельмі вялікая і складаная праца, аналагаў такой работы практычна няма. Мае вучні некалькі раз праводзілі эксперыменты. Калі патлумачыць больш проста: спрабавалі пад маім кіраўніцтвам замяніць дорагакаштуючую марганцоўку, якая выкарыстоўваецца для атрымання кіслароду і хлору ў лабараторыі, на больш танны матэрыял – хлорную вапну, вядомую ўсім, як хлёрка. Яна ёсць амаль што ва ўсіх, як санітарны пакет”.

Па словах Анастасіі і Уладзіслава, само правядзенне гэтага эксперыменту было цікавым і захапляючым: спачатку атрымлівалі кісларод і хлор навуковым метадам, пасля падмацоўвалі тэарэтычнымі ведамі, разлічвалі сваю хібнасць. На такую высокую ацэнку не спадзяваліся, але атрымліваючы крок за крокам перамогу на розных узроўнях, разумелі, што накірунак выбралі правільны, тым больш што ён неардынарны і нестандартны.

Для самой Т. В. Халявінскай гэта ўжо 5-ы і 6-ы стыпендыяты спецыяльнага фонду. “Кожны раз такім сваім навуковым дасягненнем ці перамогай у навучальным працэсе вельмі ганаруся: я расту, бо дрэнны той настаўнік, які не вучыцца, а я вучуся разам з імі, – кажа Таццяна Вячаславаўна. – Настаўніку трэба заўважыць схільнасці вучня, цікаўнасць і любоў да прадмета. Распачынацца ўсё можа з 7-га класа, а як з Анастасіяй – дык з 6-га. Мы ўжо ўдзельнічалі ў дыстанцыйнай алімпіядзе, ёй гэта спадабалася, таму вырашылі прадоўжыць. Калі дзеці займаюцца навуковай працай, вельмі важна, каб у іх было і жаданне, і старанне, і ўменне паказаць сваю працу. Тое, што мы атрымалі – вялікае дасягненне, і ў першую чаргу, саміх дзяцей. Акрамя перамогі на рэспубліцы, пайшлі далей. У прыватнасці, прымаем удзел у розных конкурсах міжнароднага ўзроўню: ужо сталі лаўрэатамі і лаўрэатамі 1-й ступені. Цяпер таксама чакаем вынікаў, якія павінны быць падведзены на прыканцы чэрвеня”.

Адзначым, што за 19 гадоў з моманту існавання спецыяльнага фонду Прэзідэнта Рэспублікі Беларусь па сацыяльнай падтрымцы таленавітых вучняў і студэнтаў стыпендыятамі сталі 24 школьнікі раёна.

Алена ЗАЛЕСКАЯ.

На мінулым тыдні Валожынскі філіял ААТ “Маладзечанскі малочны камбінат” наведала дэлегацыя з Кітайскай Народнай Рэспублікі.

Усходнія госці цікавіліся вытворчымі магутнасцямі прадпрыемства, а таксама асартыментам выпускаемай прадукцыі. Асноўныя стасункі давялося ладзіць пры дапамозе перакладчыка, але некаторыя моманты былі зразумелыя і так. Відавочна, што кітайцы ацанілі тэхнічны стан філіяла і высокую культуру працы. З асаблівай увагай яны вывучалі цэх па вытворчасці сухога малака. І, як аказалася, нездарма. Кітай зацікаўлены менавіта ў пастаўках сухіх малочных прадуктаў з Беларусі. На іх рынку ўжо прысутнічала сухая малочная сыроватка з маркай “Зроблена ў Валожыне”, не выключана, што ў хуткім часе ў далёкую краіну з нашага райцэнтра адправяцца мяшкі з сухім малаком і пратэінавымі сумесямі, якія з кожным годам набываюць усё большую папулярнасць сярод спартсменаў і людзей, занятых цяжкай фізічнай працай.

Дэлегацыя з шасці чалавек прадстаўляла буйную малочную карпарацыю “Гунда” на чале з дырэктарам. З нашага боку іх сустракаў дырэктар філіяла А. М. Лушчык. Пасля таго, як госці наведалі вытворчыя пляцоўкі, іх чакала прэзентацыя выпускаемай на прадпрыемстве прадукцыі.

І хоць вядома, што малочныя вырабы не вельмі папулярныя ў кітайскай кухні, прапанаваныя сыры яўна прыйшліся жыхарам Паднябеснай да смаку. Станоўча была ацэнена імі і ўпакоўка тавараў.

Будзем спадзявацца, што гэты візіт закладзе падмурак для трывалага, узаемавыгаднага партнёрства.

«Дождж разведчыка не мочыць, дождж разведчыка бадзёрыць», – такімі словамі вітаў новае папаўненне 153-й Кёнігсбергскай ордэна Чырвонай зоркі радыётэхнічнай брыгады асобага прызначэння начальнік галоўнага разведвальнага ўпраўлення – намеснік начальніка Генеральнага штаба Узброеных Сіл Рэспублікі Беларусь палкоўнік П. В. Ціханаў. 

У мінулую суботу 119 маладых абаронцаў Айчыны прынялі Ваенную прысягу. Урачыстае мерапрыемства праходзіла на пляцы мясцовай воінскай часці. Чамусьці так атрымалася, што толькі тут у момант прыняцця прысягі воінамі-разведчыкамі пайшоў дождж, а ў самім горадзе было без ападкаў. Але дождж – надвор’е разведчыкаў. Такое меркаванне бытуе сярод ваеннаслужачых, якія праходзяць службу ў гэтых радах войскаў. І пра тое, што гэта і сапраўды іх дзень, пацвердзіла сама прырода, пасылаючы дробныя, а часам і досыць моцныя кроплі з нябёсаў. Нягледзячы на тое, што наскрозь прамоклі, маладыя салдаты не здрыгануліся: з іх вуснаў гучна і пранікнёна гучалі словы клятвы на вернасць сваёй Айчыне. Яны нягучна спрабавалі даказаць самім сабе і камандаванню, што баявое хрышчэнне прайшлі на выдатна.

Ваенная прысяга накладае на кожнага воіна ганаровы і адказны абавязак – верай і праўдай служыць беларускаму народу, даражыць воінскім гонарам, баявой славай сваёй воінскай часці, рабіць усё дзеля бяспекі Радзімы. Менавіта з гэтага моманту ўчарашнія хлопцы становяцца сапраўднымі мужчынамі, надзейнымі абаронцамі сваёй краіны. З прыняццем Ваеннай прысягі іх віншавалі і давалі наказ камандзір брыгады палкоўнік С. В. Галіеў , старшыня раённага Савета дэпутатаў С. Ф. Глінскі, намеснік старшыні раённай арганізацыі ГА “Беларускі саюз афіцэраў”, падпалкоўнік у адстаўцы У. У. Сёмін, маці курсанта вучэбнага падраздзялення Т. І. Урбановіч. Ад імя маладых ваеннаслужачых не падвесці сваіх камандзіраў абяцаў і радавы Д. Дзяруга. Божае благаславенне на армейскую службу даў Благачынны Валожынскай акругі, настаяцель Свята-Канстанціна-Аленінскай царквы ў Валожыне протаіерэй Д. Агіевіч.

Пасля прыняцця прысягі бацькі сустрэліся ў РЦК з камандаваннем брыгады, дзе змаглі задаць хвалюючыя пытанні. Пазней віноўнікаў урачыстасці чакала першае звальненне – астатак гэтага знамянальнага дня яны правялі ў коле дарагіх людзей. І ўжо на наступны дзень для маладых абаронцаў Айчыны пачаліся салдацкія будні, напружаная баявая падрыхтоўка, сярод якіх будзе ўсяго некалькі хвілін для таго, каб напісаць пісьмо бацькам ці любімай дзяўчыне – сувязь з блізкімі людзьмі вельмі важная для іх на пераломным этапе жыцця.

Алена ЗАЛЕСКАЯ,

С 23 по 30 июня 2015 года  в кинотеатре «Юность»  г.Воложина    работает   передвижной аттракцион  «Стереолайф    Мобиле     Премиум-Плюс».

Производится демонстрация видеофильмов в формате 5D.

В репертуаре   11 фильмов   для   взрослых  и   детей.

 Время работы аттракциона:

 понедельник-пятница - с 12.00 по 22.00

 суббота-воскресенье -    с 10.00 до 23.00

Цена  билета – 25 000 рублей.

Аттракцион «5D–кино»окунёт вас и ваших детей в мир увлекательных  приключений. Благодаря стереоэффекту и спецэффектам можно  пережить ощущение полета, падения с огромной высоты на американских горках, прочувствовать крутые виражи сафари и резкие повороты в такси, встретиться  с пугающими персонажами дома Привидений и Мертвого дома, побывать на диком Западе, в подводном мире, почувствовать упоение завоевателя новых галактик.

После завершения VII Съезда Федерации профсоюзов Беларуси, председатель районного объединения профсоюзов Вероника Викторовна Загорская провела расширенное заседание совета объединения и на районном уровне. Во время мероприятия участники приступили к обсуждению основной темы, которая поднималась на съезде, - программы реальных действий на ближайшие 5 лет. Подчеркивалась основная задача - повсеместно и в полной мере обеспечить соблюдение трудового законодательства. Все, что гарантировано работникам по закону, обязательно должно выполняться. Переключившись на конкретные местные потребности, внимание акцентировали на возможность оказания помощи работникам организаций и учреждений - членом первичных профсоюзных организаций - в оздоровлении их детей. Чтобы получить путевки в стационарные лагеря области (а в этом году они работают в Вилейском, Дзержинском и нашим районах), можно обратиться в профком по месту работы. Здесь помогут частично погасить стоимость путевки. Также можно обратиться и в райком или обком отраслевого профсоюза. Но надо иметь в виду, что в первую очередь такую ​​помощь получат наименее социально защищенные категории населения - многодетные и неполные семьи, семьи, находящиеся в социально опасном положении и др.

Еще один важный момент - активизация информационной работы. Председатель районного объединения профсоюзов сориентировала коллег не умалчивать то, что они делают для людей. В таком "пиаре" есть рациональное зерно: у председателей первичек появится стимул еще лучше организовывать работу с доверенными трудовыми коллективами.

Обратить внимание нужно и на профессиональную дисциплину - повышение личной ответственности за выполнение доведенных заданий. Не надо объяснять, что это необходимо в первую очередь для подъема профсоюзного движения на принципиально новый уровень. Нужно приложить максимум усилий, чтобы людям работалось комфортно: быть востребованными и иметь заслуженный доверие - одна из целей, поставленных ФПБ на текущую пятилетку.

Паважаныя працаўнiкi аховы здароўя!

         Прымiце шчырыя вiншаваннi з прафесiйным святам – Днем медыцынскіх работнiкаў.

Гэта дата даўно выйшла за межы толькі прафесійнага свята, таму што на свеце няма ніводнага чалавека, які б не звяртаўся за дапамогай да ўрача. Менавіта ў гэты дзень працаўнікі аховы здароўя асабліва адчуваюць сваю неабходнасць і значнасць, ганарацца сваёй прафесіяй, сваімі поспехамі і дасягненнямі. А мы ганарымся імі!

Няма ў свеце нічога даражэй і каштоўней здароўя. Гэта наша шчасце і багацце. А самае галоўнае ў медыцыне – высокае пачуццё адказнасці, прафесіяналізм, дабрата і жаданне дапамагчы людзям. У гэтай прафесіі няма выпадковых людзей, таму што днём і ноччу патрэбна ратаваць здароўе і жыццё людзей, патрэбна быць самымі добразычлівымі і спагадлівымі.

Вялiкi дзякуй   ўрачам, сярэдняму i  малодшаму медперсаналу ўстаноў аховы здароўя Валожыншчыны за мiласэрднасць, за таленавітыя рукі, якія дораць людзям радасць выздараўлення і надзею на далейшае жыццё, за дапамогу пажылым людзям, за клопат аб  будучым нашай краіны – дзецях.

У гэты святочны дзень жадаем вам шчасця і радасці,  поспехаў і  дабрабыту!

Раённы выканаўчы камiтэт

Раённы Савет Дэпутатаў

Па выніках работы за мінулы год калектыў Ракаўскай участковай бальніцы быў прызнаны пераможцам сярод медыцынскіх устаноў раёна і занесены на раённую Дошку гонару. 

Быць пераможцам заўсёды пачэсна, але разам з тым і вельмі адказна, бо за паказчыкамі і лічбамі, па якіх ацэньваецца агульная праца, стаіць самае галоўнае – жыццё чалавека. Хоць медыкі і сцвярджаюць, што здароўе людзей толькі на 10-15 працэнтаў залежыць ад медыцыны, але адказнасць на іх кладзецца вялікая. Летась ракаўскім медыкам удалося не дапусціць дзіцячай і мацярынскай смяротнасці, значна знізіўся паказчык смяротнасці людзей працаздольнага ўзросту і ўвогуле ўсяго насельніцтва. А пражывае на замацаваным участку амаль 6 тысяч чалавек, з іх 1053 дзіцяці. Дзякуючы паляпшэнню прафілактычнай работы сярод насельніцтва, не дапушчана росту анкалагічных захворванняў, няма выпадкаў захворвання актыўным туберкулёзам. Яшчэ адзін досыць важны фактар станоўчай работы, які дазваляе значна зэканоміць бюджэтныя сродкі, – выезды брыгад хуткай дапамогі: іх удалося знізіць за кошт накіравання хворых пацыентаў на амбулаторна-паліклінічнае абследаванне. Дарэчы, выклік хуткай дапамогі каштуе больш за 600 тысяч рублёў, а візіт урача на дом – 170-180 тысяч.

Шмат зроблена не толькі ў напрамку захавання здароўя жыхароў Ракаўшчыны, але і стварэння камфортных умоў для лячэння хворых. У прыватнасці, у мінулым годзе гаспадарчым спосабам адрамантаваны 6 бальнічных палат на 1-м пасту, сучасны выгляд набылі кабінеты педыятра, тэрапеўта і дзяжурнага фельчара хуткай медыцынскай дапамогі. З добрым настроем працуецца зараз работнікам сталовай, дзе таксама праведзены рамонт. У хуткім часе ў новым абліччы будзе раздатачная на харчаблоку. Прыемным пахам фарбы сустрэнуць сваіх гаспадароў і пакоі ў інтэрнаце для медперсаналу – рамонтныя работы тут стараюцца правесці ў сціслыя тэрміны, бо чакаюць маладых спецыялістаў.

Па словах загадчыцы Ракаўскай участковай бальніцы С. Л. Гардзей, яна даражыць кожным з 44 сваіх работнікаў: калектыў харошы, дружны. Нягледзячы на недахоп медперсаналу, усе стараюцца прыйсці на ўзаемавыручку, разумеюць, якой важнай справе прысвяцілі сябе. “Розныя бываюць цяжкасці і складанасці, але невырашальных праблем няма, – зазначае Святлана Леанідаўна. – Галоўнае, прыходзіць на працу з добрым настроем – тады ўсе пытанні будуць вырашацца на рабоце”.

Алена ЗАЛЕСКАЯ

Продолжаются внеплановые проверки детских оздоровительных лагерей на территории Воложинского района, ведь безопасности детей уделяется особое внимание. Так были завершены проверки детских оздоровительных лагерей «Фотон» (д.Раков, начальник лагеря Куницкий В.В.) и «Юбилейный» (д.Раков, начальник лагеря Сырицына Е.И.).

В нарушение требований статей 14 и 17 Закона Республики Беларусь от 15 июня 1993г. «О пожарной безопасности» начальником лагеря «Юбилейный» не обеспечивается пожарная безопасность. Не обеспечено своевременное выполнение противопожарных мероприятий по предписаниям и рекомендациям органов государственного пожарного надзора. Обучение работников правилам пожарной безопасности не организовано на должном уровне, с работниками не проводится обучение по программе пожарно-технического минимума. Не обеспечен анализ противопожарного состояния оздоровительного лагеря, не выделяются необходимые средства на противопожарные мероприятия. За имеющиеся нарушения начальник лагеря привлечена к административной ответственности.

С положительной стороны хочется отметить детский оздоровительный лагерь «Фотон», в ходе проверки которого нарушений не выявлено.

Инспекцией надзор и профилактики Воложинского РОЧС были проведены проверки ОАО «Минскремстрой» (а.г.Раков, ул.17-го сентября, 17; директор Корольков А.В.), ОАО «Маньковщина» (д.Маньковщина; директор Скрундь В.А.).

На большинстве объектов предприятия ОАО «Манькощина» отсутствует исправная молниезащита зданий, часть огнетушителей с истекшим сроком эксплуатации, отсутствуют стенды с информацией о пожарной безопасности и безопасности жизнедеятельности. Не организована система обучения работников по программе пожарно-технического минимума.

Помещения ОАО «Минскремстрой» не оборудованы системой автоматической пожарной сигнализации и системой оповещения людей о пожаре, отсутствуют дымонепроницаемые двери в стенах, отделяющих лестничные клетки от коридоров, пожарный резервуар на территории находится в неисправном состоянии, не все пожарные краны внутреннего противопожарного водоснабжения укомплектованы пожарными рукавами и стволами, заключены в шкафы; установка автоматического пожаротушения не обслуживается.

За имеющиеся нарушения к административной ответственности привлечены руководители объектов и должностные лица.

12 чэрвеня 245 юнакоў і дзяўчат Валожыншчыны, якія сёлета скончылі адзінаццатыя класы ў 13 установах адукацыі, сабраліся на галоўнай плошчы райцэнтра. Сабраліся, каб разам сказаць шчымлівыя словы “Бывай, дзяцінства!”, шчыра падзякаваць настаўнікам за атрыманыя веды, за праяўленае цярпенне і клопат. Сабраліся, каб бацькоўскія сэрцы напоўніліся гонарам за іх, дзяцей, такіх юных, прыгожых, ужо амаль самастойных і дарослых. І, вядома ж, каб пад музыку не старэючага вальса развітацца са школай…

Гэты сцэнарый паўтараецца з году ў год, але заўсёды прыцягвае, выклікае інтарэс людзей самых розных узростаў. Хтосьці са светлым сумам успамінае свой развітальны баль, а хтосьці ўглядаецца ў маладзёжныя строі, каб на наступны год і яго дзіця было, як кажуць, “у трэндзе”. Дарэчы, сёлета святочныя ўборы юнакоў і дзяўчат мелі некаторыя тэндэнцыі. Напрыклад, дэлегацыя Вішнеўскай школы перавагу аддала ўсім адценням сіняга. А вось сярод выпускнікоў СШ № 2 г. Валожына ў фаворы быў яўна чырвоны спектр. Асабліва позіркі прыцягваў Андрэй Балабан у касцюме ярка пунсовага колеру, які вельмі пасаваў хлопцу. Як заўсёды, не адвесці вачэй было ад юных прыгажунь-дзяўчат. Усе варты таго, каб трапіць на вокладку моднага часопіса! Нават выдзеліць некага складана. Адзначу хіба што гімназістку Дзіяну Падгайскую: вельмі ўжо спалучаўся зялёны колер і фасон сукенкі з усім абліччам.

Правесці выпускнікоў на шырокую жыццёвую дарогу лічаць за гонар прадстаўнікі ўлады, адказныя службовыя асобы. У той дзень першым з бацькоўскім наказам у адрас юных грамадзян выступіў старшыня райвыканкама У. А. Наумовіч.

І вось настаў самы хвалюючы момант: на трыбуну падняліся запрошаныя для ўзнагароджання “залатыя” медалісты і іх бацькі. Сёлета ў раёне лепшых вынікаў у вучобе дабіліся сямнаццаць школьнікаў: Яўгенія Басарановіч, Алеся Занямонец, Інеса Саевіч і Настасся Загнетава з СШ № 2 г. Валожына; гімназісткі Паліна Бітэль, Дзіяна Падгайская і Настасся Гомель; выпускніца Ракаўскай СШ Аліна Ефіменка; Аліна Новік і Аляксей Сузановіч з Івянецкай СШ; Настасся Рагель, Настасся Сухадолец, Настасся Сянкевіч, Настасся Шакун і Уладзіслаў Ракавец – выпускнікі СШ № 1 г. Валожына; Вераніка Станкевіч і Павел Шаўлюк з Гародзькаўскай СШ.

Не засталіся без узнагарод і тыя ўчарашнія школьнікі, якія актыўна займаліся спортам, удзельнічалі ў мастацкай самадзейнасці, перамагалі ў прадметных алімпіядах і конкурсах. Намеснік старшыні райвыканкама П. І. Бібік уручыў пасведчанні спецыяльнага фонду Прэзідэнта Рэспублікі Беларусь па сацыяльнай падтрымцы таленавітых школьнікаў і студэнтаў выпускнікам СШ № 2 Настассі Стэльмах і Уладзіславу Селятыцкаму.

Падзякі і грашовыя прэміі з рук начальніка аддзела адукацыі, спорту і турызму райвыканкама Н. А. Чарнышовай атрымалі юнакі і дзяўчаты, якія на выдатна скончылі адзінаццаты клас: Ала Ванслаў і Ірына Квач з Дорскай СШ, Аляксандр Журкевіч і Вераніка Ляўковіч з Сакаўшчынскай СШ, Таццяна Кулеш з СШ № 1 г. Валожына, Кацярына Южык з Ракаўскай СШ.

Сваіх адрасатаў мелі і падарункі ад ГА “Белая Русь”. Іх Валянціне Вялічка, Міраславу Жылкевічу, Хрысціне Тур, Вадзіму Сафрановічу, Наталлі Аляшкевіч уручыў старшыня раённага Савета дэпутатаў С. Ф. Глінскі.

Начальнік аддзела ідэалагічнай работы, культуры і па справах моладзі В. М. Адамовіч таксама далучыўся да віншаванняў і ў сваю чаргу адзначыў тых выпускнікоў, якія ішлі ў авангардзе грамадскага жыцця школ і раёна: Таццяну Бітэль, Дзіяну Кароль, Наталлю Ліштван, Аляксандра Шакуна. Не застаўся ўбаку ад урачыстасці і райкам ГА «БРСМ». Першы сакратар раённага камітэта гэтага грамадскага аб’яднання А. В. Грыбоўская адзначыла самых актыўных удзельнікаў маладзёжнага руху ў раёне сярод сёлетніх адзінаццацікласнікаў: Максіма Болдырава, Караліну Волчак, Дар’ю Перташкевіч, Яўгена Янушкевіча.

Напрыканцы афіцыйнай часткі слова ўзялі віноўнікі ўрачыстасці. Агульныя думкі, пачуцці, спадзяванні выказвалі Ала Ванслаў з Дорскай СШ, Уладзіслаў Ракавец з СШ № 1, Аляксандр Шакун з гімназіі № 1.

Адметнай рысай выпускных баляў з’яўляецца тое, што афіцыйная частка мерапрыемства выклікае інтарэс не меншы, чым мастацкая. “Лірыкай” у мікрафонах загучала, калі спякотнае сонца трохі злітавалася над сабранымі. На сцэне, прыгожа аформленай стараннем супрацоўнікаў цэнтра дзіцячай творчасці, распачаўся канцэрт “Феерверк талентаў” з удзелам выпускнікоў. А каб баль запомніўся надоўга, падарункам стала выступленне Дзядзі Вані і групы “Ван Хельсінг”. Наперадзе ж учарашніх школьнікаў, бацькоў і настаўнікаў яшчэ чакала развітанне з роднымі школамі і сустрэча першага “дарослага” світанку.

Няхай жа ўсе вашы наступныя раніцы будуць сонечнымі і шчаслівымі, дарагія выпускнікі 2015 года!

Алена ЗБІРЭНКА,