Воложинский районный
исполнительный комитет

З 1 па 6 сакавіка ва ўсіх установах адукацыі Валожынскага раёна прагучалі тры трывожныя званкі. Пачуўшы трывожны сігнал, выконваючы неабходныя правілы, усе эвакуіраваліся з памяшканняў. Так як за кожнай установай адукацыі былі замацаваны работнікі Валожынскага раённага аддзела па надзвычайных сітуацыях, то дзеянням падчас правядзення эвакуацыі была дадзена прафесійная ацэнка. З пастаўленай задачай справіліся ўсе на выдатна. А гэта значыць, што дзеці знаходзяцца ў бяспецы. Працягам акцыі сталі ўрокі бяспекі, на якіх дзеці змаглі даведацца шмат новага і аднавіць свае веды ў галіне асноў бяспечнай жыццядзейнасці. Прагледжаныя відэафільмы дазволілі замацаваць веды, атрыманыя ад выратавальнікаў.