Валожынскі раённы
выканаўчы камітэт

Сёння наш лясгас прыняў удзел у выставе на першым у рэспубліцы чэмпіянаце па колцы дроў сярод СМІ. Пакладзены пачатак новых традыцый!!!

Крыніца: volozhinles.by

08.11.2022 г. у рамках Тыдня прафілактыкі правапарушэнняў і шкодных залежнасцяў у ДУА «Сярэдняя школа №1 г. Валожына» кіраўніком па ваенна-патрыятычным выхаванні Астаповіч Т. У. была арганізавана прафілактычная гутарка «Падлетак і закон» з начальнікам Валожынскага раённага аддзела Следчага камітэта Рагінскай Марынай Тадэвушаўнай і навучэнцамі 9 класаў. Былі разгледжаны пытанні прафілактыкі незаконнага абароту наркатычных рэчываў, асаблівая ўвага была нададзена адказнасці за збыт наркатычных сродкаў, якая наступае з 14 гадоў. Таксама абмяркоўвалася пытанне прафілактыкі распаўсюджвання несанкцыянаванага доступу да інфармацыі.

Марына Тадэвушаўна падрабязна адказала на ўсе пытанні навучэнцаў, правяла прафарыентацыйную працу.

Крыніца: school1.volozhin-edu.gov.by

8 лістапада ў Ракаўскай сярэдняй школе прайшла ўрачыстая лінейка, прысвечаная пачатку 2 чвэрці 2022/2023 навучальнага года.

Тром навучэнцам школы ва ўрачыстай абстаноўцы ўручаны пасведчанні і нагрудныя значкі «Спартыўная змена» Міністэрства спорту і турызму Рэспублікі Беларусь.

Хлопцам нагадалі аб правілах бяспечных паводзін, аб неабходнасці выкарыстання святлоадбівальных элементаў, а таксама пажадалі поспехаў у вучобе і творчасці

Крыніца: schoolrakov.volozhin-edu.gov.by

8 лістапада 2022 года адбылася ўрачыстая лінейка, прысвечаная пачатку другой чвэрці 2022/2023 навучальнага года. З пачаткам чвэрці навучэнцаў і педагогаў павіншавала дырэктар школы С.Л. Ламака. Навучэнцам, якія выканалі нарматывы, прадугледжаныя дзяржаўным фізкультурна-аздараўленчым комплексам Рэспублікі Беларусь былі ўручаны пасведчанні. Таксама былі падведзены вынікі ўдзелу ў конкурсе «Вавёрка». І яшчэ раз адзначаны вучні, якія прынялі ўдзел у другім этапе рэспубліканскай алімпіяды па вучэбных прадметах у час восеньскіх канікул.

Крыніца: pershai.volozhin-edu.gov.by

Да 105-годдзя Вялікай Кастрычніцкай сацыялістычнай рэвалюцыі ў памяшканні, дзе размяшчаецца экспазіцыя «Родам з СССР» прайшло мерапрыемства «Адзінай воляй аб'яднаныя», якое падрыхтавала і правяла работнік культуры Таццяна Ланько.

Людзям пенсійнага ўзросту было прыемна на час акунуцца ў атмасферу, звязаную з іх дзяцінствам, юнацтвам – гадамі, калі давялося жыць у СССР. Цікава было даведацца аб тым часе і больш маладым наведвальнікам. Таццяна Валянцінаўна расказала аб шматлікіх экспанатах, што паступова збіраліся і збіраюцца для арганізацыі выставы. Гэта шматлікія прадметы побыту, адзенне, абутак, упрыгажэнні, посуд, музычныя інструменты, радыёлы, прайгравальнікі і г. д.

Асаблівую каштоўнасць уяўляюць фатаграфіі, дакументы таго часу, лісты ваеннага перыяду. Моцныя эмоцыі ва ўсіх прысутных выклікала велізарнае палотнішча «За сяброўства народаў СССР», дзе намаляваны гербы шаснаццаці рэспублік, якія першапачаткова ўваходзілі ў склад велізарнай вялікай краіны.

Завяршылася мерапрыемства чаяваннем, падчас якога не сціхалі размовы аб мінуўшчыне. Усе з задавальненнем дзяліліся ўражаннямі ад убачанага. А ўдзельнікі клуба «Верас» раённага цэнтра культуры прапанавалі ўвазе прысутных выдатныя песні ў сваім выкананні.

Анжэла Радына

https://valozhin.by/08112022/velikoj-revolyuczii-posvyashhaetsya/

З мэтай прафілактыкі ДТЗ з удзелам непаўналетніх Дзяржаўтаінспекцыя Валожынскага раёна з 08 па 18 лістапада 2022 года праводзіць дэкаду бяспекі дарожнага руху.

Падчас акцыі супрацоўнікі МГБ Валожынскага РАУС правядуць інфармацыйна-тлумачальныя гутаркі ва ўстановах адукацыі, працоўных калектывах, арганізацыях і на бацькоўскіх сходах. У гутарках выступоўцы растлумачаць як дзецям, так і дарослым правілы бяспечных паводзін у транспарце, на дарозе, дваровых тэрыторыях, выкарыстанні сродкаў персанальнай мабільнасці, надаўшы асаблівую ўвагу выкарыстанню святлоадбіўных элементаў у цёмны час сутак. Таксама інспектары нагадаюць і правілы пераходу праезнай часткі па пешаходных пераходах і недапушчальнасці выкарыстання пры гэтым гаджэтаў і навушнікаў.

Даведачна, за 10 месяцаў бягучага года на тэрыторыі Міншчыны адбылося 67 ДТЗ з удзелам дзяцей, у выніку якіх 6 дзяцей загінулі, 68 - атрымалі траўмы рознай ступені цяжкасці. Асноўнымі прычынамі ДТЗ з'явіліся: адсутнасць належнага кантролю з боку дарослых асоб, недастатковыя навыкі бяспечных паводзін дзяцей на вулічна-дарожнай сетцы, недастатковыя веды ПДР і недысцыплінаванасць.

Заўсёды намячаецца актыўная перавозка дзяцей, а статыстыка дарожна-транспартных здарэнняў з удзелам непаўналетніх гаворыць аб тым, што ў большай ступені пацярпелі дзеці-пасажыры — пад асаблівым кантролем вартавых дарог будуць вадзіцелі, якія адказваюць за бяспеку перавозкі сваіх пасажыраў.

ДАІ нагадвае, што за парушэнне правілаў перавозкі дзяцей у адпаведнасці з ч.6 арт.18.13 КоАП Рэспублікі Беларусь у дачыненні да кіроўцы накладаецца адміністрацыйнае спагнанне ў выглядзе штрафу ў памеры да 4 б.в. За паўторнае дадзенае правапарушэнне на працягу года прадугледжана адміністрацыйная адказнасць у адпаведнасці з ч.14 арт.18.13 КоАП Рэспублікі Беларусь ад 2 да 8 б.в.

Паважаныя дарослыя!

У абавязковым парадку перавозіце дзяцей толькі прышпіленымі рамянямі бяспекі, а для дзяцей малодшага ўзросту выкарыстоўвайце спецыяльныя ўтрымліваючыя прылады!

Дзяржаўтаінспекцыя Мінскай вобласці звяртае ўвагу дарослых і нагадвае аб тым, што менавіта яны ў першую чаргу нясуць адказнасць за сваіх дзяцей да іх паўналецця! Неабходна на асабістым станоўчым прыкладзе прывучаць дзіця да гранічнай увагі, дысцыпліны і няўхільнага захавання правілаў дарожнага руху.

АДАІ Валожынскага РАУС

valozhin.by

У зале беларускай літаратуры Нацыянальнай бібліятэкі праходзіць выстава "Барысаў - горад слаўны, горад старажытны", прымеркаваная да 920-годдзя з дня заснавання горада, паведамілі БЕЛТА ў НББ.

Бульбу ў сельгасарганізацыях убралі з 26 тыс. га плошчаў - гэта 100 працэнтаў ад запланаванага, сабрана 789,9 тыс. т. Аб гэтым карэспандэнту БЕЛТА паведамілі ў Міністэрстве сельскай гаспадаркі і харчавання.

К 105-летию Великой Октябрьской социалистической революции в помещении, где располагается экспозиция «Родом из СССР» прошло мероприятие «Единой волей объединенные», которое подготовила и провела работник культуры Татьяна Ланько.

Людям пенсионного возраста было приятно на время окунуться в атмосферу, связанную с их детством, юностью – годами, кода довелось жить в СССР. Интересно было узнать о том времени и более молодым посетителям. Татьяна Валентиновна рассказала о многочисленных экспонатах, что постепенно собирались и собираются для организации выставки. Это многочисленные предметы быта, одежда, обувь, украшения, посуда, музыкальные инструменты, радиолы, проигрыватели и т. д.

Особую ценность представляют фотографии, документы того времени, письма военного периода. Сильные эмоции у всех присутствующих вызвало огромное полотнище «За дружбу народов СССР», где изображены гербы шестнадцати республик, которые изначально входили в состав огромной великой страны.

Завершилось мероприятие чаепитием, во время которого не стихали разговоры о былом времени. Все с удовольствием делились впечатлениями от увиденного. А участники клуба «Верас» районного центра культуры предложили вниманию собравшихся прекрасные песни в своём исполнении.

Анжела РАДЫНО

https://valozhin.by/08112022/velikoj-revolyuczii-posvyashhaetsya/

З 1 па 4 лістапада 2022 года на базе ДУА «Сярэдняя школа № 1 г.Валожына», ДУ «Дзіцяча-юнацкая спартыўная школа Валожынскага раёна» прайшоў другі этап рэспубліканскай алімпіяды па вучэбных прадметах, у якім прынялі ўдзел 230 навучэнцаў з 14 устаноў агульнай сярэдняй адукацыі раёна і 5 – з ДУА «Валожынскі сельскагаспадарчы прафесійны ліцэй».

Найбольшая колькасць навучэнцаў прыняла ўдзел у другім этапе алімпіяды: па матэматыцы – 35 удзельнікаў, па фізічнай культуры і здароўю – 26, па беларускай і рускай мове і літаратуры – 23 і 22.

Па выніках другога этапу алімпіяды дыпломамі ўзнагароджаны 106 навучэнцаў устаноў адукацыі раёна, у тым ліку: дыпломамі першай ступені – 22 удзельнікі, другой ступені – 35 удзельнікаў, трэцяй ступені – 49 удзельнікаў.

Выніковым стала выступленне каманды гімназістаў, у іх скарбонцы 25 дыпломаў па 13 прадметах. Навучэнцы ДУА «Сярэдняя школа № 1 г. Валожына» атрымалі 19 дыпломаў па 11 прадметах. На адзін дыплом менш у навучэнцаў ДУА «Сярэдняя школа № 2 г.Валожына». Па 14 дыпломаў зарабілі вучні Ракаўскай і Івянецкай сярэдніх школ.

Сярод сельскіх школ лідарам па колькасці дыпломаў стала Дорская сярэдняя школа (4 дыпломы). На адзін дыплом менш у Багданаўскай сярэдняй школы. Навучэнцы яшчэ 6 сельскіх устаноў адукацыі сталі пераможцамі другога этапу алімпіяды па асобных прадметах.

ВІНШУЕМ НАВУЧЭНЦАЎ І ПЕДАГОГАЎ З ГОДНАЙ ПЕРАМОГАЙ І ЖАДАЕМ ДАЛЕЙШЫХ ПОСПЕХАЎ!