Валожынскі раённы
выканаўчы камітэт

У Пяршайскай сярэдняй школе Валожынскага раёна прайшоў урачысты піянерскі збор, прысвечаны Дню памяці юнага героя-антыфашыста. Члены піянерскай дружыны імя Ядзі Трацеўскай распавялі сваім малодшым сябрам пра подзвіг першай піянеркі Пяршайшчыны. Хлопцы ўшанавалі памяць юных абаронцаў Айчыны.

pershai.volozhin-edu.gov.by

Традыцыйна ў нашай школе штогод праводзяць мерапрыемства, прысвечанае Дню юнага героя-антыфашыста. 8 лютага вучні 9-га класа падрыхтавалі і правялі агульнашкольную інфармацыйную гадзіну. У гэты памятны дзень дзеці ўспамінаюць савецкіх хлапчукоў і дзяўчынак, якія плячом да пляча з дарослымі адстойвалі свабоду нашай Радзімы ў гады Вялікай Айчыннай. Марат Казей, Зіна Партнова, Валодзя Шчарбацэвіч, Валя Зенкiна і многія іншыя адважныя юныя героі аддалі свае жыцці за нашу сучаснасць і будучыню.

pugachi.volozhin-edu.gov.by

9 лютага ў рамках акцыі "Сябруем з законам" у Дорскай сярэдняй школе адбылася сустрэча навучэнцаў і педагогаў з начальнікам крымінальнай міліцыі Валожынскага РАУС Сасноўскім Канстанцінам Уладзіміравічам. У рамках сустрэчы разглядаліся розныя пытанні прафілактыкі кіберзлачыннасці і злачынстваў, звязаных з незаконным абаротам наркатычных сродкаў. Навучэнцы і педагогі атрымалі вычарпальныя адказы на ўсе ўзнікшыя пытанні.

dory.volozhin-edu.gov.by

8 лютага, у Дзень юнага героя-антыфашыста, навучэнцы 8-11 класаў прынялі ўдзел у абласной акцыі «Мой ліст салдату». Хлопцы выказвалі ў сваіх лістах падзяку за службу і абарону Рэспублікі Беларусь, жадалі лёгкай службы, а таксама віншавалі з надыходзячым святам – Днём абаронцаў Айчыны.

dory.volozhin-edu.gov.by

У рамках міжведамаснай акцыі «Сябруем з законам» у ДУА «Гарадзькоўская сярэдняя школа» распаўсюджваліся ўлёткі пра шкоду курэння, курыльных сумесяў, наркаманіі і алкагалізму сярод падлеткаў «Не зламай свой лёс» сярод навучэнцаў 7-11 класаў

gorodki.volozhin-edu.gov.by

8 лютага ў Ракаўскай сярэдняй школе для вучняў 8-ых класаў прайшоў урок памяці, прысвечаны Дню памяці юных герояў-антыфашыстаў, дзе навучэнцы хвілінай маўчання ўшанавалі памяць піянераў-герояў

schoolrakov.volozhin-edu.gov.by

8 лютага - Дзень памяці юных герояў-антыфашыстаў.

Гэты дзень быў абраны невыпадкова. У розныя гады, у розных краінах свету ў гэты дзень гінулі юныя барцы-антыфашысты: 8 лютага 1962 года загінуў удзельнік антыфашысцкай дэманстрацыі французскі школьнік Даніэль Феры; 8 лютага 1963 года загінуў ад катаванняў у турме іракскі хлопчык Фадыл Джамаль; 8 лютага 1943 года пасля доўгіх допытаў і катаванняў былі расстраляны 5 юных падпольшчыкаў-ліцэістаў з французскага горада Бюфон. У гэтыя ж дні ў студзені-лютым 1943 года гітлераўцы распраўляліся з членамі падпольнай арганізацыі «Маладая гвардыя» у Краснадоне і Ровеньках.

У 9 «Б» сёння прайшоў Урок Мужнасці «Агеньчык памяці», прысвечаны Дню юнага героя-антыфашыста, на якім дзеці азнаёміліся з гісторыяй узнікнення даты, з біяграфіяй і подзвігамі юных герояў. Ушанавалі памяць загінуўшых юных герояў хвілінай маўчання. Вучні працавалі з фотаматэрыяламі, каб прааналізаваць подзвігі юных герояў. У школе прайшла тэматычная класная гадзіна, аформлены інфармацыйны стэнд, прысвечаны гэтай памятнай даце.

school1.volozhin-edu.gov.by

Легендарнае прадпрыемства «Мінскі трактарны завод» - флагман беларускай прамысловасці і калыска аднаго з сімвалаў нашай Радзімы - трактара «Беларус» - наведалі навучэнцы Івянецкай сярэдняй школы разам з кіраўніком па ваенна-патрыятычным выхаванні Лукашыкам Н.I., настаўнікам геаграфіі Рудой I. Р.

Тэрыторыя прадпрыемства - гэта сапраўдны прамысловы горад, па шматлікіх дарогах якога ездзяць выключна трактары. Горад трактароў мае свае праспекты, шырокія тратуары і алеі. Экскурсавод распавёў гасцям аб легендарнай гісторыі завода, а таксама трохі аб тэхналагічных працэсах вытворчасці.

Мінскі трактарны завод гасцінна прыняў навучэнцаў. Падчас экскурсіі хлопцы змаглі знутры ўбачыць адно з самых вялікіх прадпрыемстваў Беларусі, вывучыць працэс зборкі розных мадэляў трактароў пад заказ, а таксама азнаёміцца з высокатэхналагічнай вытворчасцю камплектуючых вырабаў з выкарыстаннем найноўшага абсталявання.

schoolivenec.volozhin-edu.gov.by

9 лютага ў Бараўлянскай сярэдняй школе № 3 прайшоў абласны этап рэспубліканскага конкурсу «Школа бяспекі — 2023».

Больш за 70 школьнікаў з усёй Мінскай вобласці змагаліся за права стаць лепшымі знаўцамі бяспекі ў трох узроставых катэгорыях: навучэнцы 1-4, 5-8 і 9-11 класаў – пераможцы раённых этапаў конкурсу.

Веды дзяцей правяралі з дапамогай тэставання. Тэставыя заданні ўтрымлівалі пытанні па асновах бяспекі жыццядзейнасці, па правілах аказання першай медыцынскай дапамогі, гісторыі стварэння пажарнай службы, дзейнасці Беларускай маладзёжнай грамадскай арганізацыі ратавальнікаў-пажарных. Задача кожнага ўдзельніка - адказаць на 100 пытанняў за 60 хвілін, але чым хутчэй, тым лепш. Бо пры роўнай колькасці балаў перавагу меў той, хто справіўся хутчэй.

Прадстаўнікі нашага раёна паказалі выдатныя вынікі.

У малодшай узроставай катэгорыі Корсакава Ганна з сярэдняй школы №1 г.Валожына заняла трэцяе месца, адказаўшы правільна на 94 пытанні за 12 хвілін.

https://valozhin.by/10022023/itogi-konkursa-shkola-bezopasnosti-2023/

8 лютага 2023 года ў рамках міжведамаснай прафілактычнай акцыі «Сябруем з законам» актывістамі Савета старшакласнікаў ДУА «Сярэдняя школа №2 г.Валожына» праведзена мерапрыемства з навучэнцамі 9 класа «Мае жыццёвыя каштоўнасці». У ходзе сустрэчы былі вызначаны асноўныя паняцці словы «каштоўнасці», віды каштоўнасцяў (агульначалавечыя і матэрыяльныя). У канцы мерапрыемства, пры дапамозе анкетавання, было вызначана, якія жыццёвыя каштоўнасці больш значныя для навучэнцаў 9 класа.

school2.volozhin-edu.gov.by