Валожынскі раённы
выканаўчы камітэт

Аграгарадок Ракаў рыхтуецца да правядзення раённага свята працаўнікоў вёскі “Дажынкі-2023”.

Распрацаваны і зацверджаны план мерапрыемстваў, якія нададуць мястэчку новае аблічча: ён уключае 19 пунктаў. У першую чаргу – гэта добраўпарадкаванне дарог і вуліц. На сёння ўжо новае асфальтавае пакрыццё з’явілася на вуліцах Маладзёжная, Радашковіцкая, Пушкіна. Выкананы капітальны рамонт дарогі ў вёсцы Арлоўшчына – усе работы праводзіла ДРБУ № 167.

Запланаваны капітальны рамонт вуліцы Юбілейная з устройствам водаадвядзення, добраўпарадкаванне вуліцы Камсамольская таксама з водаадзвядзеннем, рамонт вуліцы Мінская, плошчы Свабоды, вуліцы Савецкая да аўтавакзала. Будуць адрамантаваны кантэйнерныя пляцоўкі, агароджа каталіцкіх могілак, пафарбавана агароджа на праваслаўных могілках.

Абновяцца фасады будынкаў сельвыканкама, бібліятэкі. Гандлёвыя аб’екты па вуліцах Мінская і Савецкая таксама сустрэнуць гасцей годным выглядам.

Далучыцца да навядзення парадку і чысціні павінны і самі ракаўчане, асабліва тыя, хто пражывае па вуліцах Мінская, Пушкіна, Бястужава, на плошчы Свабоды – менавіта тут пройдуць

гулянні.

Аляксандр МЯКІНКА, старшыня Ракаўскага сельвыканкама:

– Прымаць і ўшаноўваць хлебаробаў Валожыншчыны – вялікі гонар. Таму Ракаў цяпер знаходзіцца, можна сказаць, у прыемных клопатах: работы, ды і сродкі вызначаны аб’ёмныя. Радуе, што хоць маленькімі крокамі, але ідзём да запаветнай мары, бо калісьці планавалася, што Ракаў стане вёскай будучыні. А тое, што будзе зроблена зараз, упрыгожыць мястэчка на доўгія-доўгія гады. Такога маштабнага абнаўлення ў нас не было з часу атрымання статуса аграгарадка.

Добрую ініцыятыву праявілі нашы прадпрымальнікі і робяць маленькім ракаўчанам сапраўдны падарунак: зараз збіраюць грошы на абсталяванне дзіцячай пляцоўкі. Яна размесціцца каля ракі Іслач – там, дзе брацкая магіла. Ужо зняты верхні грунт, укладваецца плітка, будуць устаноўлены шэсць лавак, закуплены два камплекты арэляў, горак, іншых прыстасаванняў для дзіцячых забаў.

Ірына ШУТ, жыхарка вуліцы Радашковіцкая:

– Ужо трыццаць гадоў, як я па размеркаванні патрапіла сюды на працу. Ракаў палюбіла ўсёй душой: мне вельмі падабаецца тут, ды і маёй сястры, якая прыязджае ў госці, – таксама. Нягледзячы на бурнае развіццё, ён і калісьці прыцягваў сваёй адметнасцю і своеасаблівасцю. Асабліва мне вельмі падабаецца наш касцёл – туды разам з мужам ходзім на набажэнствы кожную нядзелю. Ну а прыемныя ўражанні адчула, калі прыехала з маленькай радзімы і ўбачыла на вуліцы новае асфальтавае пакрыццё, – атрымаўся сапраўдны сюрпрыз. Здаецца, і транспарт цяпер па вуліцы ціхенька едзе, не грукаціць, як раней. Таму вялікі дзякуй усім, хто паклапаціўся пра добраўпарадкаванне нашага аграгарадка.

Дзмітрый ХВІН, жыхар 2-га завулка Піянерскі:

– Ведаеце, хацелася б, каб усё рабілася не толькі пад “Дажынкі”, а паступова: напрыклад, з’явілася ямка на дарозе, тут жа замайстраваць, а не чакаць, калі яна ператворыцца ў вялікую яміну. Парадак не наводзіць трэба, а падтрымліваць пастаянна. Асабіста мяне хвалюе, што гаспадары некаторых уласных сядзіб наводзяць парадак толькі на сваіх падворках, а вось што робіцца за агароджай уздоўж вуліцы – іх зусім не хвалюе. Ля некаторых за лета вырас бур’ян у калена. Ну няўжо так цяжка абкасіць тую ж траву. Кожны ж хоча гаспадаром звацца. Толькі якім?! Думаю, пара прымаць меры адміністрацыйнага ўздзеяння – можа тады “гаспадарлівасць” і прачнецца. Калі ўжо жывеш у прыватным сектары, то, будзь добры, паважай і зямлю, і навакольных людзей, бо нездарма ж кажуць, што сустракаюць па адзенні. Гавару так, бо вельмі люблю свой Ракаў, дзе нарадзіўся і жыву.

Вось так роўна і гладка цяпер на вуліцы Радашковіцкай

У Арлоўшчыне праведзены грунтоўныя работы: спілаваны дрэвы, пакладзена пясчана-гравійнае пакрыццё, зроблены водаадвод. Прыемна і вокам зірнуць, і праехаць

Алена ЗАЛЕСКАЯ
Фота Сяргея БОБРЫКА

valozhin.by

Воложинским районным отделом по чрезвычайным ситуациям в июне 2023 года проведены 11 мониторингов субъектов хозяйствования, по результатам которых установлено следующее:

ООО «Адамово-Агро» - 2 нарушения (не в полном объеме укомплектована сельскохозяйственная техника, задействованная в заготовке грубых кормов, первичными средствами пожаротушения; не организована подготовка работников по программам пожарно-технического минимума);

СХУ «Бобровичи» УП «Минскоблгаз» - нарушений не выявлено;

ОАО «Агро-Дубинское» - 2 нарушения (не в полном объеме укомплектована сельскохозяйственная техника, задействованная в заготовке грубых кормов, первичными средствами пожаротушения; не организована подготовка работников по программам пожарно-технического минимума );

ОАО «Богдановское» - 3 нарушения (общеобъектовая инструкция по пожарной безопасности не соответствует предъявляемым требованиям; не в полном объеме укомплектована сельскохозяйственная техника, задействованная в заготовке грубых кормов, первичными средствами пожаротушения; не организована подготовка работников по программам пожарно-технического минимума );

Филиал «Воложинское» ОАО «Агрокомбинат «Дзержинский» - 4 нарушения (общеобъектовая инструкция по пожарной безопасности не соответствует предъявляемым требованиям; не в полном объеме укомплектована сельскохозяйственная техника, задействованная в заготовке грубых кормов, первичными средствами пожаротушения; не организована подготовка работников по программам пожарно-технического минимума; не проведены противопожарные инструктажи );

КСУП «Городьковское» - 4 нарушения (общеобъектовая инструкция по пожарной безопасности не соответствует предъявляемым требованиям; не в полном объеме укомплектована сельскохозяйственная техника, задействованная в заготовке грубых кормов, первичными средствами пожаротушения; не организована подготовка работников по программам пожарно-технического минимума; не проведены противопожарные инструктажи );

КСУП «Подберезье» - 4 нарушения (общеобъектовая инструкция по пожарной безопасности не соответствует предъявляемым требованиям; не в полном объеме укомплектована сельскохозяйственная техника, задействованная в заготовке грубых кормов, первичными средствами пожаротушения; не организована подготовка работников по программам пожарно-технического минимума; не проведены противопожарные инструктажи );

ОАО «Судниковский» - 1 нарушение (не в полном объеме укомплектована сельскохозяйственная техника, задействованная в заготовке грубых кормов, первичными средствами пожаротушения );

КСУП «Першаи-2014» - нарушений не выявлено;

КСУП «Саковщина-Агро» - 1 нарушение (не организована подготовка работников по программам пожарно-технического минимума);

КСУП «Сивица» - 2 нарушения (не в полном объеме укомплектована сельскохозяйственная техника, задействованная в заготовке грубых кормов, первичными средствами пожаротушения; не организована подготовка работников по программам пожарно-технического минимума);

Подобное положение дел на вышеуказанных объектах не обеспечивает их безопасное функционирование, также свидетельствует о существенных упущениях в данной работе со стороны непосредственных руководителей объектов.

Напоминием, что в соответствии со статьей 14 Закона Республики Беларусь от 15 июня 1993 г. «О пожарной безопасности», пожарная безопасность обеспечивается приведением объектов и населенных пунктов в такое состояние, при котором исключается возможность возникновения пожара либо обеспечивается защита от пожара жизни и здоровья людей и материальных ценностей. Обеспечение соблюдения законодательства о пожарной безопасности и международных актов является обязанностью руководителей, других должностных лиц государственных органов, государственных организаций, подчиненных Совету Министров Республики Беларусь, местных Советов депутатов, исполнительных и распорядительных органов, иных организаций.

За нарушения требований пожарной безопасности предусмотренна административная ответственность в соответствии со ст. 24.36 Кодекса Республики Беларусь об административных правонарушениях.

Развіццё экалагічнага турызму на асабліва ахоўных прыродных тэрыторыях Мінскай вобласці абмеркавалі ў заказніку "Налібоцкі", паведамілі БЕЛТА ў прэс-службе Мінпрыроды.

У Беларусі масавую ўборку збожжавых культур і рапсу плануюць пачаць 18-20 ліпеня. Аб гэтым расказаў карэспандэнту БЕЛТА начальнік галоўнага ўпраўлення раслінаводства Міністэрства сельскай гаспадаркі і харчавання Мікалай Лешык.

У Мінскай абласной арганізацыі Беларускага прафесійнага саюза работнікаў адукацыі і навукі 12 ліпеня працуе «адзіная абласная прамая тэлефонная лінія».

Можна будзе задаць ці пакінуць сваё пытанне па тэлефоне.

Час працы: з 14.00 да 16.00

Тэлефоны для сувязі:

320-51-94 — Апраніч Таццяна Валянцінаўна, старшыня арганізацыі;

364-26-16 — пытанні арганізацыйнага характару;

347-01-00 — сацыяльна-эканамічныя пытанні (аплата працы, атэстацыя педагагічных работнікаў, калектыўна-дагаворныя адносіны);

310-59-71 — пытанні захавання працоўнага заканадаўства, кансультацыя па прававых пытаннях.

Тэлефоны для сувязі з раённымі і Жодзінскім гарадскім камітэтамі Беларускага прафсаюза работнікаў адукацыі і навукі глядзець на сайце абласной арганізацыі ў рубрыцы «Рэгіянальныя арганізацыі» раздзела «Пра нас».

Што значыць быць эканомным і беражлівым? Што трэба эканоміць і берагчы? Які сэнс усіх нашых намаганняў? На гэтыя пытанні шукалі адказы выхаванцы лагера «Крынічка» падчас правядзення Дня беражлівасці 11 ліпеня 2023 года.

Раніца пачалася з хвілінкі здароўя «Саветы Доктара Вады», дзе хлопцы з задавальненнем праслухалі «Казку аб мікробах», прачыталі парады доктара Вады, пагулялі ў гульню «Карысна-Шкодна». Запомнілі важнае правіла «Вада - крыніца жыцця на Зямлі».

Шмат радасці ўсім даставіла наведванне басейна ў фізкультурна-аздараўленчым комплексе г.Валожына. Рабяты з задавальненнем паплавалі, атрымалі добрую порцыю бадзёрасці.

Хлопцы з захапленнем акунуліся ў гульнявую праграму «Азбука беражлівасці». Конкурсы былі цікавыя і пазнавальныя «Прадметы аднаго дзеяння», «Літары згубіліся», «Пазлы», «Рэбусы» і іншыя.

Вынікам Дня беражлівасці стала калектыўнае складанне калажа «Рэцэпты беражлівасці». Дзеці актыўна прынялі ўдзел у складанні калажу, выявіўшы пры гэтым веды, атрыманыя на працягу дня.

Сённяшні дзень прайшоў насычана і вельмі карысна.

pershai.volozhin-edu.gov.by

У Валожынскім музеі адкрылася выстава да Дня фатографа (12 ліпеня) «Застылыя імгненні». На выставе прадстаўлены фатаграфіі з музейнай калекцыі фотадакументаў. Самая «старэйшая» фатаграфія датавана 1911 годам. Таксама прадстаўлены прадметы для ручнога фотадруку і праявы фотастужкі 60-х-80-х гадоў XX стагоддзя: фотапаперы, кюветы для апрацоўкі фотапаперы, кадрыруючая рамка для праекцыйнага друку, фотастужка, разак для фатаграфій і інш.

На выставе прадстаўлена і калекцыя фотаапаратаў: «Кіеў», «Змена», «Вілія», «Элікон», «Зеніт», якія выпускалiся вядомымі ў СССР заводамі.

volozhyn.museum.by

• купацца толькі ў спецыяльна абсталяваных месцах;
• не ныраць у незнаёмых месцах;
• не заплываць за буйкі;
• не выплываць на суднавы ход і не набліжацца да судоў;
• не ладзіць гульняў у вадзе, звязаных з захопамі;
• не плаваць на надзіманых матрацах або камерах;
• не выкарыстоўваць няспраўныя плавальныя сродкі;
• не купацца ў нецвярозым стане.

Бяспеку купальшчыкаў на арганізаваных пляжах, нажаль, ніхто гарантаваць не можа. Так што, калі вы сабраліся адпачыць каля вадаёма, добрая якасць якога толькі ў тым, што ў ім ёсць вада, грунтоўна абдумайце сваё рашэнне. Хто прыйдзе ў выпадку бяды Вам на дапамогу? Як правіла, у такіх выпадках ратавальнікам часцей даводзіцца выконваць сумную працэдуру вымання з вады ўжо загінуўшага.

Калі ў плыўца пачынае зводзіць нагу, то неабходна на секунду пагрузіцца з галавой у ваду і, выпрастаўшы нагу, моцна рукой пацягнуць на сябе ступню за вялікі палец. Дарэчы, на гэты выпадак дасведчаныя плыўцы маюць з сабой прымацаваную да плавак шпільку. Адзін укол яе вострым канцом у зведзеную сутаргай цягліцу вызваляе ад балючых адчуванняў.

Адначасова з уменнем плаваць, неабходна навучыцца і адпачываць у вадзе. Першы спосаб - лежачы на спіне. Спакойна расправіўшы рукі і ногі, зачыніць вочы, легчы галавой на ваду і расслабіцца, толькі злёгку дапамагаючы сабе ўтрымацца ў гарызантальным становішчы. Набраць у лёгкія паветра, затрымаць і павольна выдыхнуць.

Перыядычна, адпачываючы, трэба плыць да берага. Але ні ў якім разе не губляць энергіі на страх, зараз ад Вашага самавалодання залежыць Ваша выратаванне. У рэшце рэшт, хто ўмее праплыць дзесяць метраў праплыве і сто, калі будзе адпачываць.

Навучыць плаваць сваё дзіця - абавязак, такі ж, як навучыць пераходзіць вуліцу. Упэўнена трымацца на вадзе дзіця можна навучыць за 5-7 дзён, і гэта ўжо першы крок да яго бяспекі.

Што рабіць, калі на вашых вачах тоне чалавек? Першым чынам даць сабе секунду на разважанне. Ці няма побач выратавальнага сродку? Ім можа быць усё, што павялічыць плавучасць чалавека і што вы ў стане да яго дакінуць. Выратавальны круг або вяроўку можна кінуць на 20-25 метраў (з борта судна, за кошт вышыні значна далей). Ці няма лодкі? Ці можна паклікаць каго яшчэ на дапамогу? Падбадзёрыўшы крыкам пацярпелага, ідзіце на дапамогу. 

У Дзень Працы хлопцы арганізавалі працоўны дэсант па ўборцы мемарыяльнага комплексу. Таксама хлопцы гулялі ў прафарыентацыйныя гульні, адпачывалі ў палатцы, гулялі ў рухомыя гульні на свежым паветры.

dory.volozhin-edu.gov.by

Выплаціць транспартны падатак за 2022 год беларускія аўтаўладальнікі павінны да 15 лістапада 2023 года.

Некаторыя паспелі ўбачыць, што падатковая інспекцыя ўжо ўнесла адпаведную суму ў асабісты кабінет плацельшчыка і сістэму АРІП, паведамляе 1prof.by.

Два спосабы даведацца пра суму транспартнага падатку

Нагадаем, што транспартны падатак у Беларусі з'явіўся ў 2021 годзе ўзамен пошліны за выдачу дазволу на допуск транспартнага сродку да ўдзелу ў дарожным руху. Гэты дарожны збор не прывязаны да праходжання тэхагляду.

Плаціць падатак абавязалі фізічных асоб, у тым ліку зарэгістраваных у якасці ІП, за якімі ў ДАІ лічацца транспартныя сродкі. Датычыцца гэта не толькі беларусаў, але і грамадзян іншых дзяржаў, асоб без грамадзянства. Калі аўтамабіль перададзены ў лізінг, то падатак плаціць лізінгаатрымальнік.

Сумы, якія трэба ўнесці сёлета аўтаўладальнікам, ужо вядомы. Падатковая інспекцыя пачала выстаўляць іх плацельшчыкам транспартнага падатку праз АРІП, хаця афіцыйнае паведамленне яшчэ павінна прыйсці кожнаму ўладальніку да 1 верасня 2023 года.

Тыя, хто не хоча так доўга заставацца ў няведанні і прывык своечасова плаціць па рахунках, ужо могуць азнаёміцца з належнай да аплаты сумай. Як нам удалося высветліць, зрабіць гэта можна двума спосабамі - праз АРІП або асабісты кабінет плацельшчыка на сайце Міністэрства па падатках і зборах.

У першым выпадку можна падлучыцца да сістэмы «Разлік» (АРІП) з дапамогай смартфона і выканаць нескладаныя дзеянні: прайсці шлях па ўкладках «Падаткі»; абраць патрэбны «Горад, вобласць, раён»; падатковую інспекцыю па месцы рэгістрацыі плацельшчыка, на якога ў ДАІ зарэгістраваны аўтамабіль; вызначыцца з відам плацяжу («Транспартны падатак з фізічных асоб») і пазначыць УНП (уліковы нумар плацельшчыка) лацінскімі вялікімі літарамі.

Дарэчы, удакладніць свой УНП можна на сайце Міністэрства па падатках і зборах (МПЗ), дастаткова прайсці па ўкладках: Сэрвісы/Дзяржаўны рэестр плацельшчыкаў/Пошук фізічных асоб.

Аб належнай да выплаты суме транспартнага падатку можна даведацца і непасрэдна ў «Асабістым кабінеце плацельшчыка», які вы, напэўна, раней стварылі на сайце МПЗ.

Доступ да асабістай інфармацыі ажыццяўляецца адным з трох спосабаў: з дапамогай уводу свайго лагіна і пароля, з выкарыстаннем фізічнага або мабільнага электроннага лічбавага подпісу (ЭЛП). Тут вы знойдзеце і ўсю гісторыю вашых аплат транспартнага падатку.

Да прыкладу, чытачу, які з'яўляецца ўладальнікам аўтамабіля Mazda 6 2005 года выпуску, ужо прыйшло электроннае апавяшчэнне ў «Асабісты кабінет плацельшчыка». У ягоным выпадку бачна, што мужчыне трэба да 15 лістапада ўнесці 102 рублі.

Тутака ж можна атрымаць дэталізацыю плацяжоў: калі націснуць на кнопку «Падрабязней», адкрыецца акно, у якім відаць, што аўтаўладальнікам раней было выплачана 73 рублi. Нагадаем, што авансавы плацёж уласнікі аўто рабілі восенню 2021 г., ён складаў ад 20 да 29 рублёў. А ўжо ў 2022-м даплачвалі астатнюю частку.

Аплаціць выстаўленую суму транспартнага падатку за 2022 год таксама можна ў «Асабістым кабінеце плацельшчыка»: на выбар прапануюць скарыстацца інтэрнэт-банкінгам любога з 7 банкаў..

Стаўкі транспартнага падатку

Дарэчы, сума транспартнага падатку не залежыць ад маркі, мадэлі, класа і ўзросту матацыкла або машыны. На яго памер уплывае толькі дазволеная максімальная маса і ёмістасць транспартнага сродку. Або, як у выпадках з прычэпамі-дачамі, седлавымі цягачамі, стаўка можа вызначацца за адзінку.

Калі няма звестак аб дазволенай масе аўтамашыны, то прымяняецца мінімальны тарыф для аналагічнага тыпу транспарту.

Азнаёміцца з поўным спісам тарыфаў можна на сайце МПЗ. Як паведамляецца, стаўкі транспартнага падатку не мяняліся з мінулага года.

Такім чынам, уладальнікам аўтатранспарту да 15 лістапада 2023 г. трэба заплаціць:

• за аўтамабіль масай да 1,5 тоны – 61 рубель;
• больш за 1,5 тоны, але не больш за 1,75 тоны - 81 рубель;
• больш за 1,75 тоны, але не больш за 2 тоны – 102 рублі;
• больш за 2 тоны, але не больш за 2,25 тоны – 122 рублі;
• больш за 2,25 тоны, але не больш за 2,5 тоны - 142 рублі;
• больш за 2,5 тоны, але не больш за 3 тоны – 162 рублі;
• больш за 3 тоны – 223 рублі;
• матацыкл - 41 рубель;

прычэп, які мае дазволеную максімальную масу:

• не больш за 0,75 тоны - 41 рубель;
• больш за 0,75 тоны - 223 рублі;
• прычэп-дачу (караван) – 41 рубель;

аўтобус з колькасцю пасадачных месцаў:

• да 20 уключна - 244 рублі;
• ад 21 да 40 уключна 345 рублёў.

За нявыплату транспартнага падатку за кожны дзень пратэрміноўкі налічваецца пеня.

Вызвалены ад выплаты транспартнага падатку:

• уладальнікі аўтамабіляў, чый транспартны сродак выпушчаны да 1 студзеня 1992 года або няма дадзеных пра год выпуску аўтамашыны;
• гаспадары электракараў катэгорыі M1 або M1G - ім прадастаўлена льгота да 31 снежня 2025 года;
• аўтамабілі, спецыяльна абсталяваныя для інвалідаў;
• сродкі перамяшчэння, знятыя з уліку да 1 ліпеня 2021 года;
• уласнікі, чые транспартныя сродкі звернуты ў даход дзяржавы ў сувязі з супрацьпраўнымі дзеяннямі.

Ільготы па транспартным падатку

Згодна з п. 2 арт. 307-5 Падатковага кодэкса, спіс ільготнікаў па транспартным падатку ў бягучым годзе пашыраны. Цяпер права на паніжаную стаўку маюць:

• ветэраны Вялікай Айчыннай вайны;
• ветэраны баявых дзеянняў на тэрыторыі іншых дзяржаў;
• шматдзетныя бацькі;
• інваліды I або II групы;
• пенсіянерам тарыф зменшаны на 50%;
• на 25% танней будуць плаціць падатак за сваё аўто інваліды III групы.

На сайце МПЗ удакладняецца, што скарыстацца паніжанымі стаўкамі ўладальнікі аўтатранспарту змогуць толькі пры наяўнасці ў плацельшчыка дзеючага пасведчання кіроўцы адпаведнай катэгорыі.

valozhin.by