Валожынскі раённы
выканаўчы камітэт

Напярэдадні Дня ўсенароднай памяці ахвяр Вялікай Айчыннай вайны і генацыду беларускага народа прадстаўнікі старэйшага пакалення горада Валожына і Валожынскага раёна наведалі мемарыяльны комплекс «Хатынь» і Курган Славы. Паездка была арганізавана работнікамі ДУ «Валожынскі тэрытарыяльны цэнтр сацыяльнага абслугоўвання насельніцтва». У мерапрыемстве прынялі ўдзел 45 чалавек: удзельнікі аддзялення дзённага знаходжання для пажылых грамадзян, члены Савета пажылых грамадзян, прадстаўнікі раённай ветэранскай арганізацыі.

7 чэрвеня на базе Валожынскага раённага цэнтра культуры была праведзена дзіцячая дыскатэка «Непаседы». Удзельнікамі дыскатэкі былі хлопцы, якія наведваюць аздараўленчы лагер на базе ДУА «Сярэдняя школа №2 г.Валожына». Дыскатэка прайшла на хвалі пазітыву і весялосці. У кожнага ўдзельніка была магчымасць праявіць сваю індывідуальнасць у конкурсах «Зорка дыскатэкі» і «Танцавальны рынг». Рытмы сучаснай музыкі не далі хлопцам засумаваць ні на хвіліну. Дыскатэчную залу яны пакідалі з зарадам станоўчых эмоцый і выдатнага настрою!

2 чэрвеня 2023 года на базе ўстановы адукацыі «Барысаўскі дзяржаўны каледж» адбыўся рэспубліканскі семінар-практыкум «Фарміраванне сацыяльнай актыўнасці вучняў устаноў прафесійнай адукацыі праз развіццё вучнёўскага самакіравання». Валожынскі каледж прадстаўляў экатэатр «SOS».

vspl.minsk-region.edu.by

31 мая і 1 чэрвеня 2023 года ў Санкт-Пецярбургу прайшлі фінальныя мерапрыемствы VIII Міжнароднага конкурсу прафесійнага майстэрства спецыялістаў дашкольных адукацыйных арганізацый краін СНД «Майстэрства без межаў», у якім бралі ўдзел спецыялісты з Расіі, Рэспублікі Арменіі, Рэспублікі Беларусь, Рэспублікі Казахстан , Кіргізскай Рэспублікі, Рэспублікі Таджыкістан.

Сярод пераможцаў - педагог з Валожынскага раёна! Дыпломам III ступені VIII Міжнароднага конкурсу прафесійнага майстэрства спецыялістаў дашкольных адукацыйных арганізацый краін СНД «Майстэрства без межаў» у намінацыі «Лепшы загадчык» узнагароджана Матус Юлія Вікенцьеўна, загадчык ДУА «Дзіцячы садок № 4 «Вясёлы вулей» г.Валожына».

Арганізатарамі конкурсу высока адзначана прафесійнае майстэрства ўдзельнікаў конкурсу, іх творчы патэнцыял, зацікаўленасць у выніках сваёй дзейнасці, актыўны ўдзел у прафесійным узаемадзеянні. У рамках фінальных мерапрыемстваў удзельнікі конкурсу наведалі дзіцячыя сады Санкт-Пецярбурга і здзейснілі аглядную экскурсію па горадзе.

У Валожынскай дзіцячай бібліятэцы для дзяцей гімназіі №1 прайшло краязнаўчае падарожжа, прысвечанае нашай малой Радзіме, роднаму гораду. Гутарка пачалася з аповяду аб тым, што ёсць такое паняцце "Малая Радзіма" і ў кожнага чалавека яна свая - гэта месца, дзе ён нарадзіўся і вырас. Гэта вобласць, раён, сяло, вуліца, дом - маленькі кавалачак нашай вялізнай краіны. Падчас падарожжа дзеці пазнаёміліся з гісторыяй заснавання горада, пра людзей, якія праславілі наш горад. На прыканцы бібліятэкары заклікалі ўсіх беражліва ставіцца да нашай Малой Радзімы, абараняць яе, ведаць і захоўваць яе гісторыю і з гонарам казаць "Я люблю свой родны горад!"

Міжнародная спецыялізаваная выстаўка "Белагра-2023" адкрылася ў Кітайска-беларускім індустрыяльным парку "Вялікі камень", перадае карэспандэнт БЕЛТА.

Забароны і абмежаванні на наведванне лясоў уведзены ў 112 раёнах Беларусі, паведамляе БЕЛТА са спасылкай на аператыўную інфармацыю Міністэрства лясной гаспадаркі.

Пазнавальна і цікава праходзяць мерапрыемствы ў аздараўленчых лагерах у перыяд летніх канікул.

З карысцю для дзяцей з аздараўленчага лагера «Крынічка» на базе ДУА «Сярэдняя школа № 2 г. Валожына» прайшло мерапрыемства па вырабе эка-калажа «Прырода – наш агульны дом».

У аздараўленчым лагеры «Планета здароўя» ДУА «Івянецкая сярэдняя школа» Валожынскага раёна былі арганізаваны паходы і экскурсіі. Дзеці пазнаёміліся з храмамі свайго пасёлка, прайшліся зялёнымі сцяжынкамі і палюбаваліся прыродай сваёй мясцовасці.

Па інфармацыі uomoik.gov.by

Месяц май прынёс Ракаўскай дзіцячай школе мастацтваў новыя перамогі як навучэнцам школы, так і творчым калектывам інструментальнага аддзялення.

Вучань 3 класа акардэона МЯДЗВЕДЗЕЎ СЦЯПАН (настаўнік Дварэцкая Е.В.) стаў ЛАЎРЭАТАМ III ступені Адкрытага рэгіянальнага конкурсу-фестывалю "Музыкі ля замка Сапегаў", які праводзіцца ў аграгарадку Гальшаны.

Навучэнец 4 класа фартэпіяна СОБАЛЬ МІРОН (настаўнік Ю. А. Брагінец) - ДЫПЛАМАНТАМ III ступені VII Адкрытага Рэспубліканскага конкурсу музычнага мастацтва Беларусі "Спадчына", г. Заслаўе

Ансамбль "МЕНЕСТРЭЛІ" (кір. Дварэцкая Е.В.) стаў лаўрэатам II ступені на Рэспубліканскім конкурсе мастацтваў "Толькi.by", г. Бабруйск

Віншуем пераможцаў!!!

5 чэрвеня на базе Валожынскага раённага цэнтра культуры прайшла інтэлектуальна-забаўляльная праграма «Самы разумны» з хлопцамі, якія наведваюць аздараўленчую пляцоўку на базе ДУА «Яршэвiцкая сярэдняя школа». Удзельнікі праграмы былі падзелены на 2 каманды і выконвалі розныя заданні ў 4 турах. Хлопцы паказалі сябе з самага лепшага боку, атрымалі масу станоўчых эмоцый і даведаліся шмат цікавага. У канцы мерапрыемства ўсе атрымалі салодкія прызы.