Воложинский районный
исполнительный комитет

4 лістапада ў Вішневе адбыўся ўрачысты мітынг, кульмінацыяй якога стала адкрыццё капсулы, датаванай 1967 годам.

На мерапрыемства прыйшлі грамадскія актывісты, настаўнікі і школьнікі, работнікі культуры, жыхары і госці мястэчка. Старшакласнікі пад кіраўніцтвам Т. Б. Сініцкай падрыхтавалі адпаведнае моманту выступленне, уступнае слова ўзяла старшыня сельвыканкама М. І. Траццяк, потым эстафета перайшла да ветэрана працы Н. Я. Іванкевіч і ўдзельніцы тых памятных падзей В. М. Чуйко.

Адбывалася ўсё сціпла: не луналі ў небе пунсовыя сцягі, не грымелі маршамі літыя трубы і літаўры, але на кожным твары чыталіся светлыя, хвалюючыя эмоцыі і зацікаўленасць. Каб па-сапраўднаму пранікнуцца, дастаткова толькі ўявіць, што лісты з пасланнем апошні раз бачылі дзённае святло роўна паўстагоддзя назад, што некаторыя людзі цярпліва чакалі гэтай даты. Так, летам 1972 года ў Вішнеўскай школе быў арганізаваны піянерскі лагер. Наш атрад з мэтай патрыятычнага выхавання прывялі да абеліска. Прамовы важатых у памяці не засталіся, а вось надпіс ля падножжа помніка “Адкрыць у дзень стагоддзя Савецкай улады” запаў у самае сэрца. Успамінаюцца і нашы дзіцячыя памкненні зазірнуць у далёкую будучыню. Мы марылі, што па вясковых вуліцах паімчацца трамваі і тралейбусы, робаты стануць дапамагаць аглядацца па гаспадарцы, а ласавацца апельсінамі і кавунамі можна будзе хоць кожны дзень. Ва ўсялякім разе, наконт апельсінаў мы не прамахнуліся…

Калі закаркаваная бутэлька з пасланнем “пала” ў схватцы з малатком, падалося, што нас абдало паветрам той далёкай эпохі. Тэкст з пажаўцелых ад часу лістоў агучыла Марына Іосіфаўна. Дарэчы, у той дзень яна двойчы трымала ў руках капсулы з пасланнямі і двойчы чытала іх, бо такі ж мітынг праходзіў і ў Подберазі.

…За пяцьдзясят гадоў свет памяняўся кардынальна. Людзі сталі іншымі. Мы іншыя. Цудоўная і такая наіўная эпоха высокіх ідэалаў, шчырай веры ў перамогу дабра закончылася. Памяць аб ёй пакуль што жыве…

Алена ЗБІРЭНКА

Фота Сяргея БОБРЫКА

З 30 кастрычніка па 1 лістапада ў Барысаве прайшла спартакіяда ДЮСШ Мінскай вобласці па настольным тэнісе сярод юнакоў і дзяўчат 2005 г. н. і маладзейшых. У ёй прынялі ўдзел па 10 каманд юнакоў і дзяўчат.

Па выніках спаборніцтваў навучэнцы ДЮСШ Валожынскага раёна Ягор Шчогалаў і Уладзіслаў Адашкевіч у камандным заліку занялі 2-е месца, дзяўчаты Дзіяна Ліхтаровіч і Лізавета Сучкевіч – 3-е месца. У асабістым першынстве сярод юнакоў 2-е месца дасталося Уладзіславу Адашкевічу, 3-е – Ягору Шчогалаву. Сярод дзяўчат 1-е месца заняла Дзіяна Ліхтаровіч.

Падрыхтавалі каманду тэнісістаў Валожынскага раёна трэнеры-выкладчыкі Дзмітрый Васільевіч Ажарэльеў і Дзмітрый Віктаравіч Пазнякоў.

Вольга КАЧАЛКА, метадыст ДУ «ДЮСШ Валожынскага раёна»

31 кастрычніка ў Валожынскім Цэнтры культуры адбыўся конкурс “І сёння іх творы надзённа гучаць…”, прысвечаны 135-годдзю з дня нараджэння Янкі Купалы і Якуба Коласа.

Вучні з 11 школ раёна дэкламавалі і інсцэніравалі творы песняроў. Хлопцы і дзяўчаты з Ракаўскай СШ зладзілі імпрэзу па ўрыўку паэмы “Новая зямля”, прадстаўнікі Пяршайскай СШ паставілі паэму “Курган”, навучэнцы Вішнеўскай СШ прыехалі з “Бандароўнай”. Самая маленькая ўдзельніца – дзевяцігадовая Віялета Сяўрук з Суднікаў – расказала сатырычную казку Я. Коласа “Рак-вусач”. У гумарыстычным жанры выступалі івянчане Аляксей Сцяпко з вершаваным апавяданнем “Зяць” і Ксенія Бібік з вершам “Паслухмяная жонка”, Максім Сініцкі з Багданаўскай СШ – з байкай “Асёл і яго цень”. Асабліва ўразіла журы і гледачоў тэатральная пастаноўка “Прымакі”, якую падрыхтавалі вучні 9-11 класаў СШ № 1 г. Валожына.

Канкурсанты атрымалі дыпломы ў розных намінацыях: за ўдалае раскрыццё тэмы, акцёрскае і сцэнічнае майстэрства, лепшую інсцэніроўку твора, лепшую тэатральную пастаноўку, за неардынарны падыход да падбору і выканання твора.

Мерапрыемства арганізавалі Валянціна Гіруць-Русакевіч і ўдзельнікі літаратурна-мастацкага аб’яднання “Рунь”.

Настасся ЛЯВІНСКАЯ, фота аўтара

28 кастрычніка, суботнім цёплым днём, на базе Ракаўскай сярэдняй школы прайшоў восеньскі кірмаш «Багата восень сваімі дарамі, а дзеці – талентамі».

Гэта свята стала ўжо традыцыйным для школьнікаў 2-8 класаў і з кожным годам збірае ўсё больш удзельнікаў.

З сярэдзіны XIX стагоддзя, калі ўладальнікамі Ракава былі Здзяхоўскія, у горадзе працавалі мануфактуры, што выраблялі сельскагаспадарчыя машыны, лесапільны і цагельны заводы, вадзяныя млыны, 16 ганчарных майстэрняў, вырабы якіх прадавалі за мяжу. Ракаў атрымаў Магдэбургскае права (самакіраванне), і раз у тыдзень на цэнтральнай плошчы ладзіліся кірмашы, а два разы на год праходзілі конныя кірмашы.

Працягнуць традыцыю правядзення штогадовага кірмашу вырашылі ў сценах Ракаўскай сярэдняй школы. Вучні пры дапамозе касцюмаў і дэкарацый стварылі непаўторную атмасферу вясковага рынку са шматвяковай гісторыяй.

Падчас свята разгарнулася сапраўднае тэатральнае прадстаўленне, якое дазволіла ўсім гасцям вярнуцца на дзвесце гадоў таму – героі сцэнкі расказалі гісторыю сельскіх мужа і жонкі, што прыехалі на кірмаш прадаць свайго бычка і падчас продажу згубілі адзін аднаго. Мініяцюрны спектакль увесь час суправаджаўся смехам гледачоў. У перарывах тэатральнай пастаноўкі з народнымі песнямі выступаў фальклорны гурт “Вянок”.

Які кірмаш без гульняў і забаў? Усе школьнікі прымалі актыўны ўдзел у конкурсах і віктарынах, а самых лепшых узнагародзілі памятнымі прызамі. Вучні стварылі «выставу-пачастунак»: прынеслі розныя стравы, выпечку, прыгатаваныя сваімі рукамі, і ў перапынках паміж конкурсамі можна было пачаставацца прысмакамі.

У гасцей і ўдзельнікаў свята засталіся самыя прыемныя ўражанні. Усе з нецярпеннем чакаюць наступнага года, каб ізноў акунуцца ў атмасферу сапраўднага кірмашу.

Таццяна ЗАБЕЛА, бібліятэкар Ракаўскай СШ

В соответствии с планом мероприятий по выполнению в 2017 году задач подпрограммы «Охрана труда» Государственной программы о социальной защите и содействии занятости населения на 2016-2020 годы в Воложинском районе отделом образования, спорта и туризма, управлением по труду, занятости и социальной защите Воложинского райисполкома при участии и содействии Воложинского районного объединения организаций профсоюзов в октябре-ноябре 2017 года среди учащихся школ города Воложина и Воложинского района проведен смотр-конкурс детского рисунка «Моё будущее – безопасность труда моих родителей». Оргкомитетом подведены итоги смотра-конкурса. Победителем признана Реут Милана (9лет), учащаяся ГУО «Гимназия № 1 г.Воложина». Второе место присуждено Каминской Любови (13 лет), учащаяся ГУО «Богдановский УПК детский сад-средняя школа». Третье призовое место у Мойсинович Екатерины (9 лет), учащаяся ГУО «Пугачёвский УПК детский сад-средняя школа». Победители конкурса награждены дипломами и подарками от Воложинского районного объединения профсоюзов.

Чарговы рэйд па жылых дамах вёсак у рамках пажарна-прафілактычнай акцыі “За бяспеку разам!” прайшоў у Валожынскім раёне. Пад пільным вокам суб’ектаў прафілактыкі раёна, якія зацікаўлены ў бяспецы насельніцтва, былі асобы, якія злоўжываюць спіртнымі напоямі і вядуць асацыяльны лад жыцця, а таксама шматдзетныя сем’і і сем’і, дзе выхоўваюцца маленькія дзеці.

У ходзе рэйду ацэнка стану бяспечнасці была дадзена пячному абсталяванню і эксплуатацыі печаў у адпаведнасці з патрабаваннямі правіл пажарнай бяспекі, электраабсталяванню дамоў і кватэр, абагравальных катлоў на цвёрдым паліве і мерам перасцярогі пры карыстанні імі.  Асаблівая ўвага была накіравана на бяспеку малых дзяцей. У сем’ях, дзе выхоўваюцца малыя дзеці, з бацькамі былі праведзены прафілактычныя гутаркі.  Усе вяскоўцы, чые дамы наведала рэйдавая група, атрымалі тэматычныя буклеты.

2 лістапада ўдзельнікі гуртка «Магрэціны жаронцы”  Ракаўскага ЦНТ (кір. Лямбовіч Х.С.) наведаліся ў музей традыцыйнай культуры г.п. Івянец.  Падчас экскурсіі дзеці пазнаёміліся з гісторыяй пасёлка, яго культурай, а таксама з творчасцю знакамітых  людзей. Наведаліся ў майстэрні па ткацтву і ганчарству, дзе пазнаёміліся з тэхналогіяй апрацоўкі ільну, атрымалі майстар-клас па ткацтву. Напрыканцы адбылася незабыўная сустрэча з героямі традыцыйнай батлейкі і майстрам  разбы па дрэве Мікалаем Задрэйкам.

Абласны семінар-практыкум “Арганізацыйна-метадычная дзейнасць Валожынскага РЦК у сферы традыцыйнай народнай культуры, аматарскай творчасці і вольнага часу насельніцтва” ў рамках савета дырэктараў РЦК, РДК, ЦКС, РАМЦаўскага РЦК у сферы традыцыйнай народнай культуры, аматарскай творчасці і вольнага часу насельніцтва” пройдзе 9-10 лістапада ў Валожынскім раёне.

В Воложинском районе идет месячник по благоустройству и наведению порядка на земле. И принять в нем участие – дело каждого жителя.

Не остались в стороне  и активисты Воложинской районной организации РОО «Белая Русь». Первичные организации сельских Советов и  школ района  наводят порядок  у памятников и обелисков воинам, погибшим в годы Великой Отечественной войны, проводят косметический ремонт, убирают  от листвы, веток и мусора прилегающую  к ним территорию.

Это наш долг перед поколением, подарившим нам мир, в котором мы живем.

В августе в ГУО «Вишневская детская школа искусств» проходила выставка работ художников международного пленэра посвященная «Яблочному спасу».