27 лістапада на сцэне раённага Дома культуры адбыўся справаздачны канцэрт удзельнікаў аматарскага аб’яднання ветэранаў працы “Верас” “Хоть и осень пришла – ни минуты покоя”. Больш за паўтары гадзіны гледачы, а сабралася іх амаль поўная зала, змаглі з задавальненнем прымаць асалоду ад выступлення самадзейных артыстаў калектыва.
На працягу ўсяго канцэрта выканаўцы ў падарунак ад сваіх прыхільнікаў атрымлівалі кветкі і бурныя апладысменты.
У вестыбюлі РЦК для гледачоў была прадстаўлена выстава работ удзельнікаў клуба “Чарадзейны куфэрак”. Наведвальнікі змаглі ўбачыць цудоўныя ўзоры вышыванак, посцілак, сурвэтак, даведацца рэцэпты загатовак і нават пакаштаваць дамашнюю выпечку.
Усё гэта змаглі ўбачыць жыхары горада дзякуючы кіраўніку клуба “Верас” Ларысе Дзмітрыеўне Гладчанка. У знак пашаны і падзякі за яе творчую працу начальнік Аддзела ідэалогіі, культуры і па справах моладзі Валожынскага райвыканкама Адамовіч Вікенцій Мікалаевіч уручыў Ларысе Дзмітрыеўне памятны падарунак.
